________________
१९४]
[सविवरणं धर्मोपदेशमालाप्रकरणम्
अगडम्मि देइ झंपं सरखंभे लग्गिऊण से हिट्ठा । चिट्ठइ अइ(य)गरपावो कयंतसरिसेण वयणेण ।। फुकारका(फा)रफणिणो अणवरयमभिद्दवंति चत्तारि । मूसा य कसिणधवला निच्चं खायंति सरखंभं । तुरियपहावियवणहत्थिदिण्णवडपायवस्स अहम्मि । महुणो फुट्ट जालं समयं महुमच्छियाईहिं । खायंति ताउ देहं कमेण महुबिन्दुणो य उद्ध(ड्ड)मुहो । आसाएंतो भणिओ आयासगएण खयरेण । गहसीहवग्घरक्खसिअजगरफणिकूवमूसयभयाहिंतो। तारेमि कीस चिट्ठसि ? महुबिंदुपलोहिओ एत्थ ? ॥ सो भणइ लंबमाणो महुबिंदू जाव मज्झ वयणम्मि । निवडइ ता तारेज्जसु एवं भणिओ गओ खयरो ।। "एसोवणओ इहई अडइसमो इत्थ होइ संसारो । पुरिससमो संसारी वणहत्थिसुविब्भमो मच्चू ॥ मयणाहवग्घसरिसा रागद्दोसा सुदुज्जया घोरा । रक्खसिकप्पा उ जरा कूवयसरिसो भवो भणिओ ॥ अयगरमुहं च नरगो फणिसरिसा कोहमाणमयलोहा । उंदुरसरिसा पक्खा सिएयरा दो वि नायव्वा ।। सरथंभसमं जीयं वरडीसरिसाओ विविहवाहीओ। महुबिंदुसमा भोगा वेडतरुवरविब्भमो मुक्खो । विज्जाहरसंकासो परमगुरू भणइ किमत्थ संसारे ? । अणुहवसि दुक्खमउलं मुक्खसुहे सासए वच्छ ! ।। एवं भणियमित्ता लहुकम्मा उज्झिऊण पावाई। वच्चंति सासयपयं अवरे महुबिंदुसरिसेसु ॥
20
१. ह. ज. °स्सावहम्मि । २. ह. क. ज. वर ।
D:\mala.pm5\2nd proof
