________________
१९०]
[सविवरणं धर्मोपदेशमालाप्रकरणम् ससुरासुरनरिंदपणयपयपंकओ बोहितो भव्वकमलायरे, नासिंतो मिच्छत्तमन्धयारं, अवणेतो मोहनिदं, मासकप्पेण विहरमाणो समोसरिओ सावत्थीए नयरीए मुणिगणपाओगे फासुए तिंदुगाहिहाणे उज्जाणे । विउरुव्वियं तियसेहिं दिव्वमचंतमणाभिरामं
कंचणसयवत्तं । ठिओ तत्थ । समाढत्ता धम्मकहा । संपत्ता देवदाणवनरिंदाइणो त्ति । 5 अवि य
तियसासुरनयचणलो धम्मं साहेइ गणहरो केसी । दट्ठव्वदिट्ठसारो मोक्खफलं सव्वसत्ताणं ।। तीए चिय नयरीए उज्जाणे कोट्ठगम्मि वीरस्स । सीसो गोयमगोत्तो समोसढो इंदभूइ त्ति ।। कंचणपउमनिसण्णो धम्मं साहेइ सो वि सत्ताण । पुव्वावराविरुद्धं पमाणनयहेउसयकलियं ।। नाणाविहवत्थधरा सीसा केसिस्स सियवडसमेया ।
गोयमगणहरसीसा मिलिया एगत्थ चिंतंति ।।
अव्वो ! मोक्खकज्जे साहेयव्वे किं पुण कारणं पाससामिणा चत्तारि महव्वयाणि 15 निद्दिट्ठाणि ?, कारणजाए य पडिक्कमणं ? । अण्णस्स मुणिणो कयमण्णस्स कप्पइ ।
नाणाविहवत्थगहणं, सामाइयसंजमाईणि य । कीस वद्धमाणसामिणा पंच महव्वयाणि, उभयकालपडिक्कमणमवस्सं, सियवत्थगहणं, एगस्स मुणिणो केयं आहाकम्माइ सव्वेसि न कप्पणिज्जं सेज्जायरपिंडविवज्जं, सामाइयं छेदोवत्था[व]णाईणि त्ति ? ।
इय एवंविहचित्तं(न्तं) सीसाणं जाणिऊण ते दो वि ।
मिच्छत्तनासणत्थं संगमचिताउरा जाया ।। तओ जेठं कुलमवेक्खाणो अणेगसीसगणपरिवारो वुच्चंतो विज्जाहराईहिं संपट्ठिओ गोयमो तिंदुगुज्जाणे भगवओ केसिगणहरस्स वंदणवडियाए । भणियं च परममुणिणा
"गोयमो पडिवण्ण[रूवण्णू] सीससंघसमाउलो । जेठं कुलमवेक्खंतो तिंदुगं वणमागओ ॥
20
१. क. ज. कम्म° । २. क. भूयं । ३. क. ज. °छि । ४. क. जेत्थ । ५. क. °न्न ।
D:\mala.pm5\2nd proof
