Dharmopadeshmala prakaranam

SR No.: 009624
Original Sutra Author: N/A
Author: Jaysinhsuri, Chandanbalashree
Publisher: Bhadrankar Prakashan
Publication Year: 2010
Total Pages: 418
Language: Sanskrit
Classification: Book_Devnagari & Religion
File Size: 2 MB

Page 244

१८८]
25
‘“मुंहमहुरं परिणइमंगुलं च गेण्हंति दिंति उवएसं । मुहकडुयं परिणइसुंदरं च विरल च्चिय नरिंद ! " ॥ [ ]
ता इमस्स वीसासघाइणो चाणक्कस्स न वीससियव्वं, जेण भे जणणीए पोट्टं फाडियं' । तओ पुच्छिया रायणा थणधाई । तीए वि तह त्ति सिट्ठो । रुट्ठो राया 5 चाणक्कस्स । चिंतियं च णेण । आरोविओ अनिउत्तीकोवो सुबंधुणा राइणो, आसन्नीहूओ य मे मरणकालो, ता तह करेमि, जहा एसो वि न संसारनिबंधणं विसयसुहमणुहवइ । जोगमंताइएहिं संजोइऊण गंधे लहियं भुज्जं । भुज्जेण सह पक्खित्ता समुग्गयम्मि, ढक्किऊण घोडि (लि)ओ जत्त (तु)णा । समुग्गओ वि पक्खित्तो मंजूसाए, सा वि ढक्किया तालयसएण । तओ जिणसाहुसंघसमणबंभणपमुहाइयाण दाऊण 10 घरसारं ठिओ नगरासन्ने इंगिणिमरणेण । मुणियजहट्ठियजणणीए मरणवुत्तंतो संजायपच्छायवो सबलवाहणो पत्तो बिंदुसारो । सबहुमाणं खामिऊण भणिओ चाणक्को‘एहि, वच्चसु पाडलिपुत्तं, अहिट्ठिसु रज्जं' ति । तेण भणियम् - अलमेयाए संकहाए, परिचत्तं मए सरीरं पि' । तओ जाणिऊण से निच्छयं गओ राया । 'मा पुणो समुप्पण्णपच्छायावो आगमिस्सइ' त्ति मण्णमाणेण भणिओ सुबंधुणा राया- 'अहं 15 चाणक्कस्स पूयं करेमि । एवं भणिए काऊण पूयं मोक्क (क्को) करीसमज्झे अंगारो, तेण य जलणीभूएण दड्ढो चाणक्को । सुबंधुणा समुप्पण्णदव्वलोभेण चाणक्कगेहं राया मग्गिओ, दिन्नं, पविट्ठो | अत्थ उग्घाडियं तालयसयं पि, जाव मंजूसिमुत्तं न किंचि दव्वं दिट्टं। ‘अव्वो ! एयाए मंजूसाए जमित्थ सारभूयं तं हविस्सइ' । विहाडियाए दिट्ठो जतु- (उ)णा घोलिओ समुग्गओ । 'हंत ! एत्थ रयणाणि भविस्सइ (स्संति) ' 20 मण्णमाणेण विहाडिओ समुग्गओ । दिट्ठा मघमघंता गंधा । ते अग्घाइऊण निरूवियसमुग्गयअब्भितरं दिट्ठ अक्खरसणाहं भुज्जं । 'अव्वो ! सुवण्णरयणाइसंखा इत्थ भविस्सइ' भाविंतो वाइयं (उं) पयत्तो त्ति । अवि य
[ सविवरणं धर्मोपदेशमालाप्रकरणम्
अग्घाइऊण एए जो गंधे मुणिवरो व्व न हु चिट्ठे । सो तक्खणमेत्तेणं वच्च (च्चि) स्सइ अंतयघरम्मि ॥ संजयविसाएणं पुरिसं जंघा ( अग्घा ) विऊण ते गंधे । भुंजाविओ य भोगे जा पत्तो तक्खणा मरणं ॥
१. ह. क. ज. मुहु । २. ह. क. ज. मुहु ।
D:\mala.pm5\2nd proof