Page Text
________________
१८६]
[सविवरणं धर्मोपदेशमालाप्रकरणम् जणओ-'भणेज्जसु जहा न पडिवत्तिं काउं समत्थो' । तहा सिद्वेण राइणा पेसियं दव्वं । उव्वूढा राइणा । दिण्णो वासओ । पुव्वसिक्खविया य पुच्छिया दासचेडीए कहाणयं । एगस्स राइणो पच्छन्नघरट्ठिया सुवण्णयारा कलहोयं घडेति । इक्केण भणियं-'राई वट्टइ' । सो कहं वियाणइ ? । दासचेडीए भणियं-'साहसु , न याणामो' । तीए भणिओ(य)-'निद्दा आगच्छइ संपयं, कल्लं साहेमो' । कोउगेण य राइणा दिन्नो बिइयदिवसे तीए च्चिय वारओ। पुच्छिया चेडीए–'कहं वियाणेइ ?' । तीए भणियं-'रत्तीअंधओ, अहवा राईजरगो आगच्छइ, मउलियपउमदंसणाओ वा' । एक्केण(क्काए) भणियं चेडीए-अण्णं कहसु । एगेण राइणा दोन्नि चोरा गहिया । ते
मंजूसाए छोढूण नईए पवाहिया । तीरपत्ता य विहाडिया केणावि मंजूसा । दिट्ठा 10 परिसा । एक्केण भणियं-'तईयं दिवसमम्हाणं एत्थ छढाणं' । 'सो कहं वियाणइ?'।
तीए भणियं–'सामिणि ! कहेसु' । 'संपयं निद्दा बाहेइ, कल्लं साहिस्सामो' । पुणो वि दिन्नो वारओ। पुच्छियाए य भणियमणाए–'तस्स तेइज्जरो आगच्छइ, तेण जाणइ' त्ति । पुणो वि पुच्छिया । एगस्स राइणो अच्चंतसुंदरा धूया रूवलोभेण अवहरिया विज्जाहरेण । तस्स य चत्तारि पुरिसा रयणभूया नेमित्तिओ, रहगारो, सहस्सजोही 15 महासुहडो, विज्जो । 'जो आणेइ दारियं, सो चेव वीवाहे' त्ति । तओ नेमित्तिणा
सिटुं–'पुव्वदिसाए विज्जाहरेण नीया' । तक्खणं चिय आहासगामी णिव्वत्तिओ रहिएण रहो । समारूढा तत्थ चत्तारि वि । उप्पइया गयणवत्तिणीए । दिट्ठो विज्जाह, लग्गो सहस्सजोहिणा सह वावाइओ सहस्सजोहिणा । तेण य मरमाणेण य छिन्नं
दारियाए सीसं । संपत्ता नयरं । ओसहिसामत्थेण य जीवाविया वेज्जेण । उवगारिणो 20 त्ति काउं समुट्ठिया सव्वे वि वीवाहिउं । 'कहं एत्तियाणं महिला हवामि ?' त्ति
मण्णमाणीए भणियमणाए–'जो मे सह जलणम्मि पविसइ, तस्साहं भारिया हवामि, न अण्णेसिं' । ता को तीए सह जलणे पइसिस्सइ ? । दासचेडीए भणियं-'सामिणि ! न याणामो, साहेइ(सु)' । तीए भणियं-'कल्लं कहिस्सामो' । तओ बियइ(इय)दिवसे
सिटुं–'नेमित्तिओ तीए सह चडिस्सइ, जहा सुरंगाए नीहरिस्सई' । एवं च एरिसएहिं 25 कहाणएहिं छम्मासं निरंतरं राया कामिओ । सेसमहिलाओ छिड्डाणि अणि(ण्णि)
स्संतीओ निच्चं चिट्ठति । मज्झण्हसमए य उव्वरए पइसिऊण चित्तयरवेसं काऊण अप्पाणं निंदति । अवि य
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |