________________
पुनर्मर्यादाधारणे नन्दिषेणमुनिकथा ]
[ १७३
वित्थरेण सम्मत्तमूले परूविए मुणिधम्मे वेरग्गमग्गावडिओ पव्वइओ गंगदत्तो त्ति । कालंतरेण य भाइनेहेण रायललिओ वि । तओ तवसोसियसरीरा दुविहसिक्खसिक्खावियपाणिणो पंचसमिया तिगुत्ता गुत्तबंभयारिणो विहरिऊण उज्जयविहारेणं । मरणकाले भणियं गंगदत्तेण - 'जइ इमस्स तवस्स फलमत्थि, मणुयत्ते सयलजणनयणाणंदो होज्जा' । मओ समाणो गओ देवलोगं गंगदत्तमुणी । रायललिओ वि, नवरमकयनियाणो त्ति । तत्तो वि चुया समाणा जाया दसमदसारस्स वसुदेवाहिहाणस्स रोहिणी - देवईतणया बलदेव - वासुदेवा । सेसक्खाणयमागमानु (णु) सारेण भावेयव्वं । उवणओ कायव्वो ।
5
॥ नवमवासुदेवक्खाणयं समत्तं ॥
[ ४९. पुनर्मर्यादाधारणे नन्दिषेणमुनिकथा ] कम्मवसे मुणिणो जड़ कह वि मुयंति निययमज्जायं । पुणरवि धरेंति ते च्चिय निदरिसणं नंदिसेणेण ॥३५॥ [कर्म्मवशेन मुनयो यदि कथमपि मुञ्चन्ति निजमर्यादाम् । पुनरपि धारयन्ति त एव निदर्शनं नन्दिसेने ( घेणे )न ||३५|| ]
रायगि सेणियसुओ नंदिसेणो जायसंवेगो वारिज्जंतो वि अइसयनाणीहिं 15 देवयाए पव्वईओ । गहियदुविहसिक्खो गोयरचरियाए भमंतो अणाभोगेण पविट्ठो वेसामंदिरं । धम्मलाभपव्वयं च ठिओ से प (पु) रओ । सहासं च भणियं वेसाए'महरिसि ! दम्मलाभेण कज्जं' । 'अव्वो ! कहमेयाए अहं हसिओ ?' भावेंतेण सरणाउ तणं कड्ढिऊण पाडिया रयणवुट्ठी । भणियं च णेण - एसो मे दम्मलाभो । 'अव्वो ! अक्खओ एस महप्पा निही, ता क्खोहेमि' त्ति भावंतीए भणिओ गणियाए 20 सपरिहासं—‘भाडं दाऊण मा अण्णत्थ वच्चसु' । अणुकूलोवसग्गेहिं उवसग्गिमाणस्स चलियं संजमाउ से चित्तं । अवि य
नेस्सासकडक्खपलोइएहिं हसिएहिं विलसिएहिं च । तत्ततवस्स वि मुणिणो गिरिसरिसं चालियं चित्तं ॥
१. ह. क. ज. सं° ।
D:\mala.pm5\2nd proof
10
