________________
१७०]
[सविवरणं धर्मोपदेशमालाप्रकरणम् [४७. सनिदाने तपसि त्रिपृष्ठवासुदेवकथा ] रायगिहे विसनंदी विसाहभूई य तस्स जुवराया।
जुवरण्णो विसभूई विसाहनंदी य इयरस्स ॥ रायगिहं नयरं विस्सनंदी राया महादेवीगब्भुब्भवो य विसाहनंदी तणओ । 5 विसाहभूई जुवराया, धारिणी से भारिया । तीए य पहाणसमुणियपसूइओ जाओ
दारओ। कयं च से नामं विस्सभूई । वडिओ देहोवचएण, कलाकलावेण य । संपत्तो जुव्वणं । अण्णया चूयतरुपल्लवुवेल्लकणिरकलयंठिसद्दमणहरो आणंदियजियलोगो सुरयसोक्खमओ विव समरसंगओ विव तरुणमिहुणयपहरिसमओ विव संपत्तो वसंतूसवो त्ति । अवि य
पप्फुल्लवियडकेसरमयरंदुद्दामकुसुमसोहिल्लो ।
निव्वत्तियसुरयसुहो सहइ वसंतो वसंतो व्व ॥ तओ निग्गओ कुमारो नयराओ, ठिओ नंदणवणसंकासे पुप्फकरंडए उज्जाणे । तत्थाभिरमंतस्स समइक्कंतो वसंतूसवो । अण्णया नरनाहमहादेविचेडीए दट्ठण
जुवरायसुअं रमंतं भणिया महादेवी-'सामिणि ! रज्जं परमत्थओ जुवरायसुयस्स, जो 15 पुप्फकरंडयत्थो देवो व्व विचित्तकीडाहिं रमइ । ता जइ ते सुओ तत्थ न रमइ, ता निरत्थयं रज्जं मन्नामि' । तओ ईसानलतविया पविठ्ठा महादेवी कोवहरियं । मुणियवुत्तंतेण य भणिया राइणा-'पिए ! न एस अम्हाण कुलकमो, जमण्णम्मि पुव्वपविढे अण्णो वि पविस्सइ । तीए भणियं-'जइ एवं, ता अवस्सं मए अप्पा मारेयव्वो' । अवि य- दइयावयणम्मि कए कुलववएसो न पालिओ होइ।
कुलववएसम्मि कए न जियइ दइय त्ति य विसण्णो ॥ तओ भणियं मंतिणा-'देव ! कूडलेहवएसेणं तरं(इ) सत्तूणं उवरि जत्ताए निग्गए जुवराजसुयम्मि रणुच्छाहे निग्गए तुह सुयस्स उज्जाणे पवेसो भविस्सइ' । तहा कए गओ पच्चंतराईण उवरि जुवरायसुओ । सच्चविया निरुवद्दवा देसा, ठिया आणापरा
पच्चंतराइणो । खेमं ति मण्णमाणो पडिनियत्तो, कमेण य पत्तो रायगिहं, पुप्फकरंडए 25 य पविसमाणो भणिओ दुवारपालेहिं–'मा पविससु , रायसुओ एत्थ रमंतो चिट्ठइ'
'अव्वो ! इमिणा पवंचेण नीणिओ म्हि' त्ति । अपि च
20
१. ज. °उ।
D:\mala.pm5\2nd proof
