________________
१५२]
[ सविवरणं धर्मोपदेशमालाप्रकरणम् नियय[चित्त] कम्मे य दिढेि पबंधइ, पसंसई य । तओ मुणियनरिंदाइवुत्ता तयणुरूवपडिवत्तीए अणुवत्तिया इच्छाणुरूवं दव्वं दिति । एवं मोक्खत्थिणा वि गुरुणो तोसवियव्वा, तुट्ठा य नाणाईहिं सोक्खनिबंधणेहिं पडिलाहिस्संति ॥
सुयदेविपसाएणं सुयाणुसारेण साहियं चरियं । वेसाए निसुणंतो होइ नरो विणयसंपन्नो ।
॥ वेसाकहाणयं समत्तं ॥
[३८. इङ्गितज्ञतादिना चित्तहरणे भट्टिनीकथानकम्] वसंतपुरे नगरे एकाए बंभणीए तिन्नि धूयाओ संपत्तजोव्वणाओ य समुव्बूढा । पढमा भणिया जणणीए–'सयणनिसण्णं भत्तारं पण्हीए मत्थए आहणेज्जासु' । तहा 10 कए हरिसियचित्तो चरणं संवाहिउमाढत्तो । भणिया य सा तेण–'कढिणेण मत्थएणं न
दूमिओ ते चरणो?' | पभाए य साहियं जणणीए । तीए भणिया-'वच्छे ! तुमं पि जहिच्छं भमसु , सियकसिणपडिवज्जओ जहासुहं विहरसु' । दुइयधूयाए वि एवं चिय पयम्मि पहए सो खिसिऊणोवसंतो, जणणीए वि सिट्ठो । भणिया धूया-'वच्छे ! तुमं
पि जहिच्छं भमसु , नवरं खिसणओ हविस्सई' । तइयाए वि एवं निवत्तिए सा तेण 15 दूरं खलीकाऊण नीणिया वासगेहाओ । साहियं जणणीए । तीए भणिया-'जइ
परमेसो अप्पमत्ताए आराहेयव्वो' । उवणओ सबुद्धीए कायव्वो ।
[३९. इङ्गितज्ञतादिना चित्तहरणे सचिवकथानकम् ] वसंतउरं नयरं नरनाहरायसिरिसंकेयट्ठाणं अरिकेसी राया । चउव्विहबुद्धिसमणुगओ मइसुंदरो मंती । अन्नया आसवाहिणियाए निग्गओ राया। एगत्थ भूमिभागे 20 मत्तियं तुरंगेण । रमियनियत्तेण य दिटुं तहट्ठियं सव्वं पि मुत्तं । निज्झायंतो य सुइरं दिट्ठो मंतिणा, मुणियमणोवियप्पेण य नाणाविहारामुज्जाणदेवउलाइभूसिओ माणससरवराणुकारी काराविओ महातडागो । अन्नया आसवाहणनिमित्तमागएणं तं तहाविहं
१. ह. तया । २. ह. सं° ।
D:\mala.pm5\2nd proof
