Page Text
________________
दाने मूलदेवकथा]
[१४५ महानरिंदं न वियाणइ ?' । तओ साहिऊण निययचरियं समाणिओ एसो लज्जमाणो य। भणियं राइणा-'सत्थवाहपुत्त ! कीस लज्जसि ?, न जीवियदाणाओ अण्णं दाणमत्थि, तं च ते दिन्नं । न य ते पच्चुवयारं अह काउं समत्थो म्हि' । पच्छा गओ सत्थो, कय(इ)वयदिणेहि य पत्तो उज्जेणी(णिं)। तुट्ठा नरिंदसयणबंधवाइणो, कओ नयरमहूसवो । विणिओइयं जहासमीहियं दव्वं । मूलदेवेण सद्दाविऊण सद्धडं-'तुह 5 पाहेयआसाए मए अडवी लंघिया, ता एस तुज्झ गामो, मा य पुणो आगच्छेसु नगरं च' । तद्दि[अ]हं च तक्करहिं मुसियं नयरं । न य आरक्खिया तक्करे गिहिउं पारेंति । अण्णया णीलपडपाउरणो पढमपओसे सयं चेव मूलदेवो तिय-चउक्क-चच्चरसुण्णहराईसु भमिऊण पसुत्तो एगम्मि पएसे । इत्थंतरम्मि आगओ मंडियाभिहाणो चोरो। पुट्ठो य तेण मूलदेवो-'भद्द ! को तुमं?' ति । तेण भणियं–'देसिओ य 10 आजम्मदरिदो' त्ति । मंडिएण वुत्तं-'लग्गसु मम पिट्ठओ, जेण तुमं अदरिदं करेमि' । 'महापसाउ' त्ति भणंतो लग्गो सेऽणुमग्गेण । दिन्नं ईसरघरे खत्तं, नीणियं तओ दव्वं, आरोविय मूलदेवखंधे । कओ अग्गओ, पयट्टो गहियखग्गो मंडिओ से पिट्ठओ । संपत्ता भूमिघरयं । भणिया य पुव्वसंकेइआ भगिणी-'एयस्स पाहुणयस्स चलणे धोएसु' । कूवतडासण्णासणनिविट्ठस्स चलणे धोवंतीए सुकुमारफासाणरत्ताए 15 सण्णिओ एसो जहा–'पलाइसु , न तुं एत्थ कूवए पक्खिवामि सेसपुरिसे व्व' । मुणियपरमत्थो य पहाविओ मूलदेवो । एत्यंतरम्मि तीए कओ कलयलो जहा'पहाविओ पुरिसो' । तओ दव्वसंगोवणवावारमुज्झिऊण गहियकरवालो पहाविओ मंडिओ से पिट्ठओ । समासण्णीहूओ य ठिओ चच्चरक्खंभंतरिओ । एसो देसिउ त्ति आहओ कंककरवालेण। खंभो जाओ दोन्नि खंडाणि । 'मारिओ देसिओ' त्ति 20 पडिनियत्तो मंडिओ। राया वि चोरो लद्धो त्ति गओ धवलहरं । पभाया रयणी, उग्गओ दिवसयरो । वेढिऊण बहुवत्थेहिं चरणे गहियदंडो खडंतगइपसरो एगत्थ हट्टचच्चरे वत्थाणि पुचिट्ठिईए तुण्णिउमाढत्तो । रायणा सद्दाविओ मंडिओ । चिंतियं य णेण'अव्वो ! न सो नूणं पुरिसो वावाइओ, तेण वाहरणं' । तो गओ रायसमीवं अब्भुट्ठाणासणपयाणाईहिं पूइऊण भणिओ "नियभगिणिं मे देसु' । तेण दिण्णा, वीवाहिया 25 य । पुणो सम्माणणाईहिं गहियं दव्वं । एवं च वीसासिऊण पूयासक्काराइपुव्वयं
१. क. गे° । २. क. नी ।।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |