Page Text
________________
दाने मूलदेवकथा]
[१४३ वसिमम्मि भिक्खानिमित्तं । लद्धा कुम्मासा, भरिया पुडिया, पयट्टो तडागाभिमुहं । इत्थंतरम्मि मासोपवासी दिट्ठो भिक्खट्ठा गामाभिमुहं एंतो महरिसी। 'अव्वो ! बहुपुन्नपावणिज्जो एस महप्पा, विसेसओ मासपारणए । ण य मे कुम्मासे मोत्तूणमन्नं दायव्वमत्थि । एयपयाणेण वि करेमि अच्चंतकयत्थमप्पाणं' । समोप्पन्नपहरिसाइसएण भणियमणेण-'भगवं ! गिण्हसु ममाणुगहट्ठा एते कुम्मासे' । साहुणा वि 5 दव्वाइकओवओगेण गहिय' त्ति । ततो संजायाणंदेण पढियमणेणं ति
'धन्नाणं खु नराणं कुम्मासा हुंति साहुपारणए'। जहा सन्निहियदेवयाए भणिओ य मूलदेवो–'वच्छ ! मग्गसु गाहापच्छिद्धेण जं रोचइ' । तेण भणियं
'गणियं च देवदत्तं दंतिसहस्सं च रज्जं च' ॥ देवयाए भणियं–'अचिरा हविस्सई' । ततो भोत्तूण गामं गओ विन्नायडाभिमुहं । संपत्तो पओसे एगम्मि नयरे। पसुत्तो देसीए चट्टेहि समं । सुमिणो लद्धो 'चंदो उयरम्मि पविसमाणो' मूलदेवेण चट्टेण य। चट्टेण अन्नस्स कहियं 'चंदपमाणो मंडओ भविस्सइ' त्ति । एएण लद्धो भमंतेण जहुद्दिट्ठो मंडओ । मूलदेवेण चिंतियं-'न एते सुमिणफलं वियाणंति, ता किमेतेसिं सिटेण?' । ततो उठेऊण निव्वत्तियसरीरचितो आयंतसुइभूओ 15 गहियपहाणपुप्फफलो सुहासणत्थस्स उवज्झायस्स विहिपूइओवयारो सुमिणयं कहिउमढत्तो । कहणयावसाणे दाऊण नियन(य)धूय(यं) समाइट्ठो सत्तदिवसब्भंतरे पहाणरज्जलाभो सुमिणो। कमेण य पत्तो विन्नायडं। रयणीए य गहिओ ईसरघरे खत्तमुहे चेव मूलदेवो समाढत्तो वज्झभूमिं णेउं । तओ चिंतियमणेण–किमहन्नहावाइणी देवया, उवज्झाओ य?' । इत्थंतरम्मि मओ तत्थेव अपत्तो राया। नीणियाणि पंच दिव्वाणि 20 तियचउक्काइं भमंतेहिं देट्ठो मूलदेवो वज्झभूमीए नीणिज्जंतो । ततो काऊण गलगज्जियमारोविओ निययखंधम्मि करिणा, हेसियं तुरंगमेण, ठियमुवरिमुइंडपोंडरीयं, वीइयाणि चामराणि, वरिसियं गंधोदएणं, निवडिया कुसुमवोट्ठी । एवं च महाविच्छड्डेणं निसन्नो सीहासणे । पडिवन्ना महासामंताइएहिं आणा । सव्वहा पणट्ठोवद्दवं पणयमहासामंतमंडलं रज्जमणुहविउमाढत्तो । ततो चिंतियमणेण–'अलामिमिणा सुंदरेणावि 25 रज्जेणं पियाए देवदत्ताए रहिएणं' ति ।
१. क. ज. कुमा । २. ह. क. ज. °मंडि। ३. ज. "इंत, ह. °इंव । ४. ह. क. ज. °सारो ।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |