Dharmopadeshmala prakaranam

SR No.: 009624
Original Sutra Author: N/A
Author: Jaysinhsuri, Chandanbalashree
Publisher: Bhadrankar Prakashan
Publication Year: 2010
Total Pages: 418
Language: Sanskrit
Classification: Book_Devnagari & Religion
File Size: 2 MB

Page 184

१२८]
[सविवरणं धर्मोपदेशमालाप्रकरणम् मज्झे जलकंतमणी। जाव खणंतरेण ण लब्भइ । ता मा करिणो अच्चाहियं भविस्सइ त्ति मन्नमाणेण दवाविओ राइणा पडहओ-'जो जलकंतमणिमुवणेइ, तस्स राया सह धूयाए अद्धं रज्जस्स देइ' । इमं सोऊण समप्पिओ पूइएण जलकंतो, पक्खित्तो जलमज्झे । तदुज्जोएणं थलं मन्नमाणो पयणट्ठो तंतुओ, आणिओ करी । पुच्छिओ पूइओ, कत्तो ते जलकंतो ? फुडं साहेज्जसु । ततो साहिओ परमत्थो जहा कयपुन्नयपुत्तेण दिन्नो । 'निहाणं चेव मयलंछणो कंतिणो, सोमयायईणं' मन्नमाणेण सबहुमाणं दिन्ना धूया राइणा कयपुन्नस्स सह अद्धरज्जेणं । महाविच्छड्डेण य वत्तो वारिज्जयमहूसवो । जाया अभएण सह सब्भावसारा मित्ती । अन्नदियहम्मि सिटुं
अभयस्स–'सपुत्ताओ अत्थि मम अन्नाओ वि एत्थ चत्तारि भारियाओ, नवरं मंदिरं न 10 याणामो' । तओ काराविऊण दोहिं दुवारेहिं आययणं पय(इ)ट्ठिया कयपुन्नयसंकासा
जक्खपडिमा । घोसाविया जक्खमहिमा । पयट्टाओ सव्वाओ वि इत्थियाओ सडिंभाओ पुव्वेण जक्खं पूइऊण पच्छिमदारम्मि नीहरंति । तत्थ ठिया पेच्छंति अभय-कयपुन्नया । ताओ य से भारियाओ कयपुन्नाणुरूवं जक्खं निएऊण रोविउं पयत्ताओ। ___ "काउं दइय पसंगं हयास ! रे देव्व ! अवहिओ कीस ? ।
दाऊण निहिं उप्पाडियाणि अम्हाण अच्छीणि" || तणया य ‘बप्पो बप्पो' त्ति भणंता जक्खं समारूढा । तओ भणियं कयपुन्नएणं-'एयाउ सडिंभयाउ ममं भारियाउ' । वाहि(ह)रिया अभएण । देट्ठो
भत्तारो, आणंदिया चित्तेणं । अंबाडिया थेरी । गिहाविओ घरसारो । वसंतसेणाए वि 20 जक्खं पूइऊण भणिया सहियाओ-'तहा तक्केमि संपयं पि य जह सुमिणम्मि पच्चूसे पिययमाणु-कारिणा केणावि दिव्वपुरिसेण य आलिंगिया, जहा गेहाओ आगच्छंतीए पसत्थसउणा णिमेत्ताणि जायाणि, जहा वामच्छिभुयाओ फुरंति, जहा य जक्खदंसणाओ हरिसाइसओ जाओ, तहा तक्केमि संपयं पिएण सह समागमें' ।
णीहरंतीए य दिट्ठो अभएण सह मंतयंतो कयपुन्नओ । अवि य25 "तं किं पि अणण्णसमं दइए दिट्ठम्मि होइ मणसोक्खं ।
जं कहिऊण न तीरइ संकासं निरुवमसहेणं" ।। १. ज. "उ । २. ह. क. 'हत्थओ । ३. ह. क. परि । ४. क. णित्ता । ५. क. मणं ।
15
D:\mala.pm5\2nd proof