________________
10
दाने कृतपुण्यकथा]
[१२३ [३१. दाने कृतपुण्यकथा] तन्नगपालीए सुओ ऊसवदियहम्मि पायसं बहुयं । खज्जंतं दट्टणं णियजणणि पायसकएणं ।। चिंतेइ सा परुन्ना तीए करुणा सेसमहिलाहिं। दिन्नं खीराईणं तीए वि य साहिया खीरी ।। घयगुलसंजुत्ताए भाणं पुत्तस्स सा भरेऊणं । घरमज्झम्मि पविट्ठा अह पु(प)त्तं मुणिवरं दटुं ।। चिंतेइ दारओ सो धन्नो हं जेण एरिसे काले । संपत्तो एस मुणी चिंतियफलओ सुरदुमो व्व ।। भत्तिबहुमाणपुव्वं खीरिविभागम्मि दिन्नए संते । थेवमिणं पुण दिन्ने तत्तियमित्ते वि चिंतेइ ।। जइ पडइ एत्थ तित्तं लवणं वा तो विणस्सए एसा । ता देमि सेसयं पि य जेण धणी होइ सव्वेण ।। सव्वोवाहिविसद्धा दिन्ना सव्वा वि तेण दाणेण । मणुयभवम्मि निबद्धा भोगा सुरनाहसंकासा ।। मरिउं विसूइयाए रयणीए पट्टणम्मि रायगिहे। धणपालमहिलियाए भद्दाए पहाणसुमिणेण ।। वज्जरिओ उववन्नो लोगो तं भणइ नूण कयपुण्णो ।
गब्भो जो इत्थ घरे जाही बहुरयणसारम्मि । कमेण य चिंतियसंपज्जंतडोहला पसूया भद्दा । समत्थलक्खणाणुगओ जाओ 20 दारओ । वद्धाविओ इब्भो । कयं महावद्धावणयं । लोगभणियमणुयत्तंतेहि य पसत्थवासरे कयं से णामं कयपुन्नओ । वड्डिओ देहोवचएणं कलाकलावेण य । विवाहाविओ निययरूवाणुरूवं गुरूहि इब्भबालियं महाविच्छड्डेणं ।
सत्थत्थवियारेणं कलाकलावेण खित्तचित्तस्स।
इत्थीसु सुंदरासु वि मुणिणो व्व णु(ण)रज्जए चेत्तं ।। १. क. °णणीणं । २. क. गुण° । ३. क. पुन्नो ।
15
D:\mala.pm5\2nd proof
