________________
११८]
[ सविवरणं धर्मोपदेशमालाप्रकरणम् छगलगजागो। तिविक्कमो अट्टज्झाणोवगओ मरिऊण जाओ एलगो। संपत्तजोव्वणो य गहिओ पुत्तेहिं जागवहणनिमित्तं । घरपुत्तपरियणदंसणाओ समुप्पन्नजाईसरणो पुव्ववत्तियदेवउलजागे मारणत्थं नीणेज्जंतो निययभासाए बोबूयंतो पुत्ते भणइ–'मा ममं णिययजणयं मारेह' । चिंतेइ य–'अहो ! एयारिसं पावाणुबंधं मए कम्म पवत्तियं ? जत्थ अहं चिय मारणेज्जो संवोत्तो' ! इमं च वुत्तंतं निएऊण भणियं अइसइ(य)नाणिणा
"सयमेव य लुक्ख लोविए अप्पणिया य वियड ख( खा )णिया ।
उवाइयलद्धया य ते किं छेला ! वे वे त्ति वाससि ?" ॥ [उ.नि./१३८] ___ इमं निसामिऊण ठिओ तुण्हिक्को । 'अहो ! वयणाओ य ट्ठिओ तुण्हिक्को, ता 10 कारणेण होयव्वं' भावंतेहिं पुच्छिओ मुणी पुत्तेहि । तेण वि य सेढें-'जहेसो भे
अणंतरजम्मजणओ' । तेहि भणियं–'को पच्चओ' ? । मुणिणा भणियं–'पुव्वनिक्खित्तणिहाणाणि दावेहि' ति नीओ गेहं । दावियाणि चरणेण निहाणाणि । विम्हियचित्ताण य दावियं भगवया संसारासारत्तणं, परूविओ सम्मत्तमूलो दुविहो वि धम्मो । जाया सावगा । छगलगो वि काऊण अणसणं पंचनमोक्कारपरो देवलोगम्मि गओ । “ता जहा तीए भट्टिणीए भट्टस्स य सरणमसरणं जायं, एवमम्हाणं पि तुमं सरणं चेंतिओ, जाव तुमं चिय मुससि" ! । 'अय(इ)वियक्खणो सि' भणंतेण मुट्ठो तसकायदारओ।
पुणो वच्चंतेण दिट्ठाऽलंकारविभूसिया संजई । तेण सा भणिया"कडगा य ते कुंडला य ते अंजिय अक्खि तिलय ते । कंठे अइमुत्तगमालिया तेण य ते सामण्णयस्स किं" ? ॥ [ ] धि धि उड्डाहकारिए ! पवयणस्स कत्तो तुमं पत्तो । एसि रोसेण धमधमंतो? ण चि(वि)य जाणामि पासेज्जा ॥[ ] पच्छा ताए भण्णइ त्ति
"समणो सि संजाओ सि बंभयारि समले?कंचणो । वेहारु(रि)यवाइओ अंते जिट्ठज्जा ! के ते पडिग्गहे ? ॥ [ उ.नि./१४१]
१. ज. °उ । २. ह. उ च्चिय° । ३. ह. क. ज. °धे । ४. ज. खड । ५. ज. ताइ° ।
D:\mala.pm5\2nd proof
