________________
10
११०]
[ सविवरणं धर्मोपदेशमालाप्रकरणम् [२५. कोपनिषेधे दमदन्तकथा] अत्थि इहेव भरहद्धवासे निरुवमगुणमिह(मणि)निहाणं हत्थिसीसयं नयरं । रायलच्छिसंकेयठाणं दमदंतो राया । तस्स य रायगिहे नियसामिणो जरासंघस्स
समीवमुवगयस्स तओ गयपुराओ आगंतूण पंचहि वि पंडवेहिं विणासिओ से विसओ। 5 पत्ता गयपुरं । कालक्कमागयदमदंतराया वि मुणियवुत्तंतो सबलवाहणो पत्तो गयपुरं, रोहियं समंता । भयभीया य ण णेति पंडवा । भणाविया दमदंतेणं ति । अवि य
"केसरिसुन्नं च [वणं] सव्वो च्चिय अहिहवेइ किं चोज्जं ? । केसरिणा पुण जुत्तं न तरइ दलृ पि गरुओ वि" ॥ ता संपयं पि नियकुलाविच्छिन्नमहापडस्स मसिकोच्चा । मा होहऽत्थिरजीवियविहवाइकएण भो ! तुब्भे ।। इय एवंविहवयणेहिं भन्नमाणा वि जा ण ते णेति ।
ताहे सो निययपुरं संपत्तो झत्ति दमदंतो ॥ अन्नया य पच्छिमवयम्मि परिपालियसावगधम्मो अणुभूयतिवग्गसुहो परिपालियमंडलो पणइयणपूरियासो मुणियजहट्ठियजिणिंदवयणो पूइयजिणसंघसाहुगणो दिन्न15 महादाणो सव्वहा तक्कालाणुरूवनिव(व्व)त्तियासेसकायव्वो महाविभूईए तहारूवाणं
थेराणं समीवे पव्वइओ दमदंतो । गहिया दुविहा सेक्खा । जाओ गियत्थो । कमेण य पडिवज्जिऊण एगल्लविहारपडिमं विहरमाणो पत्तो गयपुरं, ठिओ बाहिं काउस्सग्गेण । नगराओ य नीहरंतेहिं वंदिओ भावसारं जुहिट्ठिलाईहिं पंचहिं वि पंडवेहि । नीहरमाणस्स
दुज्जोहणस्स सिटुं पुरिसेहिं एस सो दमदंतराया मुणी संवुत्तो । रोसाऊरियमाणसेणं 20 पहओ माउलिंगेणं, सेसपायक्केहिं कओ पत्थररासी । पडिनियत्तेणं तं साहुमपेच्छंतेण
भणियं जोहिट्ठिलेण 'कत्थ सो महरिसी'? । मुणियवुत्तंतेहि य पडिसिटुं पुरिसेहिं-'देव ! एस पत्थररासी दुज्जोहणेण कओ' । तओ संजाइ(य)करुणाइसएणं अवणेऊण पत्थरे अब्भंगिओ तेल्लेण, अवणेऊण वेयणं खामिओ भावसारं । पच्छा हलीकओ दोज्जोहणो-'आ ! पावकम्म ! कयग्घ ! कुलकलंकभूय ! एयारिसाणि इहपरलोग25 विरुद्धाणि करेसि' ?।
१. ज. उ। २. ज. य सि ।
D:\mala.pm5\2nd proof
