________________
९२]
[ सविवरणं धर्मोपदेशमालाप्रकरणम् [ २०. सत्पुरुषसङ्गे वङ्कचूलिकथा] वसन्तपुरवासिणो हयसत्तुणो सुओ रा(ना)यविरुद्धकारी जणएण निद्धाडिओ परिभमंतो ठिओ पल्लीए । कमेण य जाओ पहाणजोहो समणबंभणाईणं न अल्लियइ
'मा धम्मसवणाउ पाणाइवाईणं णियत्तिसामो' । ततो से तिविहं तिविहेणं पंचेंदियघायं 5 करितस्स, असच्चं भासिंतस्स, परदव्वं हरंतस्स, परकत्ताणि सेवेंतस्स, इंगालकम्माणि
करेंतस्स, अच्चंतरोद्दज्झाणे वटुंतस्स, समइक्कंतो को वि कालो । विकाले अन्नया विहरमाणा पत्ता तत्थ साहुणो । ओत्थरिओ पढमपाउसो । भणिया गामगोहा 'को अम्हाणं वसहिं दाहिति' ? । अज्जेसो एएहि खलीकीरिउ त्ति चितंतेहिं भणियं'अत्थि भे परमसावगो वंकचूलो नाम सो दाहीइ त्ति निलयं' सहाहारवत्ताईहि । गया 10 साहुणो से गेहं । अणाढायमणे य तम्मि भणिओ गुरू-'न याणिमो किमेस सावगो न
वि त्ति' । तेण भणियं-'किं निमित्तमिहागया' ? । तेहि सब्भावे कहिए चेतियं वंकचूलिणा-'अहो ! ताण जहन्नत्तणं, जमेते महाणुभावा विपयारिया' चिंतितेण भणियं वंकचूलिणा-'नाहं सावगो, जस्स मे ण किंचि अकायव्वमत्थि । किं खु
एगाए ववत्थाए देमि वसहिं, ण मे धम्मो कहेयव्वो' । ‘एवं' ति पडिवज्जिऊण ठिया 15 मुणिणो । तओ पणट्ठचंदजुओ वियंभिओ सिसिरवणपवणो, अंधारियं नभयलं, वित्थरिओ घणरवो, पयडीहूया सोयामणी, पफुल्लिया कयंबा, उब्भेण्णा णवतणंकुरा, पयट्टा सलिलुप्पीला, उम्माहीयाउ पउत्थवईयाओ, ठाणट्ठिया पहिया, भग्गा पवामंडवा, गया रायहंसा, हरिसिया कासया, जोत्ता णंगला, हरिसिया साहीणपीयइ(पियय)मा मयाउरा मोरा, रडंति दद्दुरा, वियंभंति गयं(इं)दा । अवि य
"मेहाण रवो बरहीण कलयलो विज्जुलाण संलावो । इक्किक्को दुव्विसहो कयंतदंडो व्व विरहीण ॥ इय जं जं चिय दीसइ पाउसलच्छीइ भूसियं भुवणे ।
आइन्नकड्डियसरो तहिं तहिं वच्चइ अणंगो' । तओ एवंविहो घणसमओ । एक्कविहमसंजमं परिहरंताण, रागदोसे निसूडेंताणं, 25 दंडगतिगारवसल्ल(ल्ले) परिहरंताणं, विकहासन्नाओ मुसुमूरंताण, किरियाकामगुणे
20
१. ज. °उ।
D:\mala.pm5\2nd proof
