Dharmopadeshmala prakaranam

SR No.: 009624
Original Sutra Author: N/A
Author: Jaysinhsuri, Chandanbalashree
Publisher: Bhadrankar Prakashan
Publication Year: 2010
Total Pages: 418
Language: Sanskrit
Classification: Book_Devnagari & Religion
File Size: 2 MB

Page 123

दोषबाहुल्ये नूपुरपण्डिताकथा ]
[६७ पउत्ती-'वच्छ ! न नाम पि इच्छइ, णवरं मसीए खरंटीऊणाहं नीणिया' । अव्वो ! जहा मसीसणाहाउ पंच वि अंगुलीउ पट्ठीए दीसंति, तहा 'कसिणपक्खपंचमए समागमं पिसुणियं' णवरं संकेयट्ठाणं न कहियं, तज्जाणणत्थं पुणरवि कह कह वि पट्ठविया संती से समीवं समाढत्ता कालाणुरूवकहा । 'अव्वो ! किं पुण एयागया ? हुं, संकेयट्ठाणं न सूयियं, तन्निसमणत्थं पट्ठविया' नाऊणऽसोगवणियाए मज्झेण तह 5 च्चिय नीणिया पत्ता तस्स समीवं । भणियमणाए ‘ण ते वच्छ ! नामं पि इच्छइ, असोयवणियाए नीणिय म्हि' । मुणियसंकेयट्ठाणेण य भणिया सा तेण–'अव्वो ! अलं वा(ता)ए त्ति' । कमेण य संपत्ते कसिणपक्खपंचमीपओसे गओ सो तत्थ । पत्ता सा वि तत्थेव त्ति । अवि यरमिऊण निययनाहं सब्भावे पाडिऊण सोऊण ।
10 पत्ता जारसमीवं वम्महसरसल्लियसरीरा ॥ अच्चंतो नेहाणुरागसणाहं दीहरवियोगाणलतवियदेहनिव्ववणसमत्थं मोहियहरिहरपियामहतियसतिहुयणं आवडियं से मोहणं । एवं च पुणरुत्तं रमिउव्वा(ऊण) य णीसहगाणि अंतरियाणि निदाए । चरिमजामे सरीरचिंताए उट्ठिऊण चिंतियं ससुरेण'न एस मज्झ सुओ वधूए समीवे सुत्तो, ता मा पच्चूसे ममं अलियवायिणं काहि'त्ति 15 चिंतेंतो घेत्तण चरणाओ नेउरं गओ ससरो। मुणियससुरवृत्तंताए य भणिओ अनाडो'तुरियं वच्चसु , पत्ता आवयाकाले य साहिज्जं करिज्जसु' त्ति । सा वि गंतूणं पसुत्ता पइसमीवे, थेववेलाए पभणिओ भत्तारो-'गिम्हो इत्थ, ता असोगवणियाए वच्चामो' । गयाणि तत्थ । पसुत्तस्स य भत्तुणो बोहिऊण विम्हयविसाओवहासाणुगयमणाए भणियं भत्तुणो–'किं एसो कुलक्कमायारो ?, किं वा उवएसो ?, किं वा 20 रहस्सं?, जेण भत्तुणा सह रइसोक्खमणुहवंतीए वहूए चरणाउ ससुरो नेउरं णयति' !। तेण भणियं-'किं सच्चमेयं' ? । तीए भणियं–‘स एद्दहमित्तमिलियं तुम्हं चिय भणिउं पारेह' । तओ लज्जाणुगएण भणिया पइणा-'विसत्था हवसु , पच्चूसे मग्गिसामो' । तीए भणियं–'न मे णेउरेण कज्जं, एयारिसेण भे चिट्ठिएण विलिय म्हि' । पच्चूसे एगते भणियं थेरेण–'विणट्ठा पुत्त ! ते जाया' । सरोसं भणिओ 25
१. क. ह. संता । २. क. °म ।
D:\mala.pm5\2nd proof