________________
रागे वणिक्तनयकथा]
[५३ ___ ता किं बहुणा ? पडिवज्जह धम्मं, जेण धम्माधम्मफलं इह भवे च्चिय दीसइ । अवि य-"णेज्जड़ वम्महरूवा डक्के दीसंति जणमणाणंदा ।
अन्ने विरूवरूवा हसणेज्जा जीवलोगम्मि ॥ वरवत्थपाणभोयणतंबोलविलेवणाइसंजुत्ता। अन्ने जरदंडी खंडणिवसणा भोगपरिहीणा ॥ कुंकुमकप्पूरागरुचंदणमयणाहि परिमलग्घविया । अन्ने णियदेहविणेतजल्लदुग्गंधियदिसोहा ॥ एक्के विमुक्कवत्था लीलं दावेंति णग्गखवणाण । अन्ने सियवत्थधरा सियवडलच्छि विडंबंति ॥ कप्पूरधूलिधूसरविसट्टमयरंदपंकयसणाहा( हं)। दइयामुहं च पाणं पिबंति अन्ने उ जलनिहिणो ॥ दइयाऽऽलिंगणसुहिया सुरयरससायवड्डियाणंदा । एगे गति रयणि अन्ने उ पहम्मि धावंता ॥ पणइयणपूरियासा इक्के दीसंति तियसणाहो( ह) व्व । अन्ने णियपुढें पि वि कह कह वि भरेंति तिरिय व्व ॥ इय धम्माधम्मफलं पच्चक्खं चेव दीसए जम्हा । तो उज्झिउ(य) अहम्मं जिणधम्मं कुणह सुय( प )सत्थं" ॥ इय गुरुणो वयणाउ संबुद्धा तत्थ पाणिणो बहवे ।
अवहत्थियमेच्छत्तो सावयसरिसो धणो जाओ ॥ 'अव्वो ! महाणुभावो एस सूरी सह सेसमुणीहिं । कयत्था एते पाणिणो जे 20 एयस्स वयणामयं निसुणंति' भावेंतेण भणिओ चट्टो धणेण-'जारिसा तए सिट्ठा मुणिणो तारिसा नूणमेए, ता वक्खाणावेसु गाहं' । वक्खाणिया गुरुणा । भणियं धणेण–'भयवं ! मंडलकम्मे पट्ठवेसु ताव मुणिणो' । सूरिणा भणियं-'ण एस मुणीणं कप्पो जमेयारिसेसु कज्जेसु वच्चंति' । चट्टेण भणियं-'ताय ! महाणुभावा एते
१. क. णय । २ क. 'हाणं ।
D:\mala.pm5\2nd proof
