________________
रागे वणिक्तनयकथा]
[५१ ___ ततो लिहियं मंडलं, पज्जालिओ जलणो, ठविया करवालवावडकरग्गा अट्टसु वि दिसासु ससरक्खा । भणिया चट्टेण-मम मंडलं पवेट्ठस्स समकालं सिवासद्दो तुम्हेहि कायव्वो' । पुणो य ताण पुरओ ठविया अट्ठ धणुद्धरा, भणिया य ते'विद्धसिवासद्दवेहीहि होयव्वं' । एवं णिव्वत्तियासेसकायव्वो पविट्ठो मंडले । ठविया से पुरओ दारिया । ‘हुं फुडि(ट्' इ)त्ति विहरिए समुच्छलिया सिवासद्दा । विद्धा 5 धणुद्धरेहिं गाढयरमाउलीभूता पणट्ठा वियणाउरा ससरक्खा । पडिओ चट्टो । विहडियं सव्वं । खणंतरेण य उट्रिएण भणियं चट्टेण–'ताय ! मए पुव्वमेव साहियं च जहा दुलहा विसुद्धबंभयारिणो' । विमणा य गया सव्वे वि गेहं । धणेण भणियं-'को उवाओ' ? चट्टेण भणियं-'अज्ज वि जइ सुद्धबंभयारिणो लहसि, पुणो वि करेमि कम्म' । ततो गंतूण भणिओ निययगुरू-'जे अच्चंतबंभयारिणो ते पट्ठवेसु' । तह 10 च्चिय दुइयवाराए विहडियं । ततो रुटेण निद्धाडिया ततो ससरक्खा । पुणो वि भणिओ धणेण चट्टो–'कहं पुण बंभयारिणो नायव्वा' ? । चट्टेण भणियं
"वसहिकहणिसेज्जिदियकुटुंतरपुव्वकीलियपणीए ।
अइमायाऽऽहारविभूसणा य णव बंभगुत्तीओ" ॥ [च.मू./१०] जे एयं गाहत्थं बुझंति, अणुटुिंति, ते बंभयारिणो निस्संसयं । ततो दाविया गाहा 15 भोयभगवरत्तंबराइणं । न नाओ परमत्थो । तहाविहभवियव्वयाए य समोसरिओ अणेगसीसपरिवारो बाहिरुज्जाणे धम्मघोसाभिहाणो आयरिओ। जो य, मंदिरं दयाए, संकेयट्ठाणं सच्चवयणाणं, आगरो समत्थगुणरयणाणं, मंडणं वसुमईए । जाओ पवाओ एयारिसो तारिसो सूरी समोसरिओ । तओ आगया णागरया, संपत्ता सावगा, जिणदत्तो य सह धणेण । पणमिओ सव्वेहिं पि । संपत्तधम्मलाभा य निसंना से पायमूलम्मि । 20 सूरिणा वि पत्थुया धम्मकहा त्ति । अवि य
"अत्थो कामो मोक्खो धम्मेण हवंति जेण सव्वे वि। ___ता धम्मो च्चिय पढमं सोऊणं कुणह सुपसत्थं" ॥
सो पुण कवलिकणभक्खअक्खपायसुगयाइदेठ्ठधम्माणं मज्झे गयाण व एरावणो, तरूणं व कप्पपायवो जिणधम्मो च्चिय पहाणो त्ति । अवि य
25
१. क. सास । २. क. कुडं । ३. क. °ढे । ४. क. °उ।
D:\mala.pm5\2nd proof
