________________
ऽङ्कः ]
मोहराजपराजयम् ।
राजा - ( तथा कृत्वा सर्वतो विलोक्य च सवाष्पं ) उद्यानं फलसंग्रहेण लवणेनान्नं वपुर्जीवितेनास्यं नासिकयेन्दुना वियदलङ्कारेण काव्यं पुनः । राष्ट्रं भूपतिना सरः कमलिनीषण्डेन हीनं यथा
शोच्यामेति दशां हहा ! गृहमपि त्यक्तं तथा स्वामिना ||३४|| वणिजः - देव ! नियुज्यतां पञ्चकुलम्, येन तत्समक्षं गृहनियोगिनः कुबेरस्वामिसर्वस्वमुपनयन्ति ।
राजा - ( क्षणं स्थित्वा ) भद्राः । किं पञ्चकुलेन ? | यूयमेवात्र प्रमाणम् । वणिजः --- यदाज्ञापयति देवः । ( इति निष्क्रम्य प्रविश्य च ) देव ! स एष कुबेरविभवसंभारः ।
राजा - (स्वगतं )
दृष्ट्वा विभूतिमेनां संयमिनामपि चलन्ति चेतांसि । किं पुनरभितो विषयैकलालसानां क्षितीशानाम् ? ॥ ३५ ॥ वणिजः -- ( अङ्गुल्या निर्दिश्य )
देव ! निजरम्यतातिशयनिर्मिताशेषजनचमत्कारः । संहृतपापः सोऽयं गृहचैत्योपकरणकलापः ॥ ३६ ॥
इतश्च
कनकगिरिसनाभिः शातकुम्भोत्करोऽयं रजतशिखरिबन्धुश्चैष दुर्वर्णराशिः । गगनमणिसपत्नो जात्यरत्नोच्चयोऽसौ
द्विरदतुरगवृन्दं तच्च ते दृष्टपूर्वम् ॥ ३७ ॥
राजा - ( सोत्कर्ष ) दूरेऽन्यत्, देवतागृहोपकरणगणस्यैव निरतिशयः कोऽपि रम्यतोदयः । अथात्र किमिव स्फटिकमणिमञ्जूषायाममुष्यां संभाव्येत । वणिजः - देव ! नियोगिनो विज्ञपयन्ति कुबेरस्वामिनो धर्मशास्त्रपुस्तिकास्थानमिदमिति ।
राजा- - पश्यामः पुस्तिकाः ।
( वणिज उद्घाट्य दर्शयन्ति । ) राजा - अये ! किमप्यत्र पत्रकमुपरि । (गृहीत्वा वाचयति । )
५७
"Aho Shrutgyanam"
