________________
विशेषावश्यकभाष्यगतमङ्गलवादः
३७
तेसिं तुल्लमयत्ते को णु विसेसोऽभिहाणओ अन्नो ? । तुल्लत्तेऽवि इह नेगमस्स वत्थंतरे भेओ ॥३८॥ जो सामण्णग्गाही स नेगमो संगहं गओ अहवा । इयरो ववहारमिओ जो तेण समाणनिद्देसो ॥३९।। उज्जुसुअस्स सयं संपयं च जं मंगलं तयं एक्कं । नातीतमणुप्पन्नं मंगलमिटुं परकं वा ।।४०।। नातीयमणुप्पन्न परकीयं वा पओअणाभावा । दिटुंतो खरसिंगं परधणमहवा जहा विफलं ॥४१॥ जाणं नाणुवउत्तोऽणुवउत्तो वा न जाणई जम्हा । जाणतोऽणुवउत्तोत्ति बिति सद्दादओऽवत्थु ॥४२॥ हेऊ विरुद्धधम्मत्तणा हि जीवो व्व चेअणारहिओ । न य सो मंगलमिटुं तयत्थसुनो त्ति पावं व ॥४३।। मंगलपयत्थजाणयदेहो भव्वस्स वा सजीवोऽवि । नोआगमओ दव्वं आगमरहिओ त्ति जं भणिअं ॥४४।। अहवा नो देसम्मी, नोआगमओ तदेगदेसाओ । भूयस्स भाविणो वाऽऽगमस्स जं कारणं देहो ।।४५।। जाणय-भव्वसरीराऽइरित्तमिह दव्वमंगलं होइ । जा मंगला किरिआ तं कुणमाणो अणुवउत्तो ।।४६।। जं भूयभावमंगलपरिणामं तस्स वा जयं जोग्गं । जं वा सहावसोहणवन्नाइगुणं सुवण्णाई ।।४७।। तंपि य हु भावमंगलकारणओ मंगलंति निद्दिटुं । नोआगमओ दव्वं नोसद्दो सव्वपडिसेहे ।।४८।। मंगलसुअउवउत्तो आगमओ भावमंगलं होइ । नोआगमओ भावो सुविसुद्धो खाइयाईओ ॥४९।। अहवा सम्मइंसण-नाण-चरित्तोवओगपरिणामो । नोआगमओ भावो नोसद्दो मिस्सभावम्मि ।।५०।।
अहवेह नमोक्काराइनाण-किरिआविमिस्सपरिणामो । नोआगमओ भण्णइ जम्हा से आगमो देसे ।।५१।। अभिहाणं दव्वत्तं तयत्थसुन्नत्तणं च तुल्लाई । को भाववज्जिआणं नामाईणं पइविसेसो ? ।।५२।।
