________________
21.
ਸਮੁੰਦਰਪਾਲੀਆ ਅਧਿਐਨ
ਭਗਵਾਨ ਮਹਾਵੀਰ ਦਾ ਉਪਾਸਕ ਚੰਪਾ ਨਿਵਾਸੀ ਪਾਲਿਤ ਵਿਦੇਸ਼ਾਂ
7
ਨਾਲ ਵਿਉਪਾਰ ਕਰਦਾ ਸੀ। ਉਸ ਦੇ ਵਿਦੇਸ਼ਾਂ ਵਿਚ ਵਾਪਰਕ ਜਹਾਜ਼ ਚਲਦੇ ਸਨ। ਇਕ ਵਾਰ ਵਿਉਪਾਰ ਕਰਦੇ ਸਮੇਂ ਉਹ ਪਿਹੁੜ ਨਗਰ ਪਹੁੰਚਿਆ। ਉਥੋਂ ਦੇ ਸੇਠ ਦੀ ਪੁੱਤਰੀ ਨਾਲ ਉਸ ਨੇ ਵਿਆਹ ਕਰ ਲਿਆ। ਕੁਝ ਸਮੇਂ ਬਾਅਦ ਉਸ ਦੀ ਪਤਨੀ ਨੇ ਇਕ ਪੁੱਤਰ ਨੂੰ ਜਨਮ ਦਿੱਤਾ। ਸਮੁੰਦਰੀ ਜਹਾਜ਼ ਵਿਚ ਜਨਮ ਲੈਣ ਕਰਕੇ ਉਸ ਦੇ ਪੁੱਤਰ ਦਾ ਨਾਉਂ ਸਮੁੰਦਰਪਾਲ ਰੱਖਿਆ ਗਿਆ। ਸਮੁੰਦਰਪਾਲ ਵੱਡਾ ਹੋਣ ਲੱਗਾ।
ਇਕ ਵਾਰ ਰਾਜੇ ਦੇ ਸਿਪਾਹੀ ਕਿਸੇ ਖ਼ਤਰਨਾਕ ਦੋਸ਼ੀ ਨੂੰ ਫਾਂਸੀ ਚੜਾਉਣ ਲਈ ਲਾਲ ਕੱਪੜੇ ਪੁਆ ਕੇ ਗਧੇ ਤੇ ਬਿਠਾ ਕੇ, ਕਨੇਰ ਦੇ ਫੁੱਲਾਂ ਦਾ ਹਾਰ ਪੁਆ ਕੇ ਕਤਲਗਾਹ ਵਿਚ ਲਿਜਾ ਰਹੇ ਸਨ। ਇਸ ਅਪਰਾਧੀ ਨੂੰ ਵੇਖ ਕੇ ਸਮੁੰਦਰਪਾਲ ਨੂੰ ਵੈਰਾਗ ਹੋ ਗਿਆ ਅਤੇ ਉਹ ਸਾਧੂ ਬਣ ਗਿਆ।
200