________________
ਕਿਸੇ ਦੇ ਪੁੱਛਣ ਤੇ ਬੇ-ਅਰਥ ਗੱਲਾਂ ਨਾ ਕਰੇ, ਦਿਲ ਨੂੰ ਦੁੱਖ ਪਹੁੰਚਾਉਣ ਵਾਲੇ ਬਚਨ ਨਾ ਬੋਲੇ ਅਤੇ ਆਪਣੇ ਲਈ ਜਾਂ ਦੂਸਰੇ ਲਈ ਜਾਂ ਦੋਹਾਂ ਲਈ ਬਿਨਾਂ ਕਾਰਨ ਅਹਿਤਕਾਰੀ ਭਾਸ਼ਾ ਨਾ ਬੋਲੇ। 25
ਲੁਹਾਰ ਦੇ ਕਾਰਖਾਨੇ ਵਿਚ, ਘਰਾਂ ਵਿਚ, ਘਰਾਂ ਵਿਚਕਾਰਲੀ ਥਾਂ ਵਿਚ ਸਾਧੂ ਇਕੱਲੀ ਇਸਤਰੀ ਨਾਲ ਗੱਲਬਾਤ ਨਾ ਕਰੇ।26। ਪਿਆਰੇ ਜਾਂ ਕਠੋਰ ਬਚਨ ਗੁਰੂ ਮੈਨੂੰ ਅਨੁਸ਼ਾਸਿਤ (ਆਗਿਆ ਪਾਲਣ ਕਰਨ ਵਾਲਾ) ਕਰਦੇ ਹਨ। ਇਸ ਵਿਚ ਮੇਰਾ ਆਪਣਾ ਲਾਭ ਹੈ। ਅਜਿਹਾ ਕਰਕੇ ਕੋਸ਼ਿਸ਼ ਕਰਕੇ ਉਨ੍ਹਾਂ ਦਾ ਹੁਕਮ ਮੰਨੇ।27।
ਆਚਾਰੀਆ ਦੇ ਯੋਗ ਸਮੇਂ ਦਿੱਤਾ, ਕੋਮਲ ਜਾਂ ਕਠੋਰ ਹੁਕਮ, ਬੁਰੇ ਕਰਮ (ਕੰਮ) ਦਾ ਖ਼ਾਤਮਾ ਕਰਨ ਵਾਲਾ ਹੁੰਦਾ ਹੈ। ਉਸ ਹੁਕਮ ਨੂੰ ਬੁੱਧੀਮਾਨ ਚੇਲਾ ਆਪਣੇ ਭਲੇ ਲਈ ਸਮਝਦਾ ਹੈ। ਅਸਾਧੂ (ਅਯੋਗ) ਦੇ ਲਈ ਇਹੋ ਹੁਕਮ ਅਵਿਨੀਤ ਚੇਲੇ ਲਈ ਦਵੇਸ਼ (ਗੁੱਸੇ) ਦਾ ਕਾਰਨ ਬਣਦਾ ਹੈ।28।
ਸੱਤ ਭੈਅ ਤੋਂ ਰਹਿਤ, ਸਮਝਦਾਰ, ਗਿਆਨੀ ਚੇਲਾ, ਗੁਰੂ ਦੇ ਕਠੋਰ ਬਚਨਾਂ ਵਾਲੇ ਹੁਕਮ ਨੂੰ, ਆਪਣੇ ਲਈ ਹਿਤਕਾਰੀ ਮੰਨਦਾ ਹੈ। ਪਰ ਇਹੋ, ਖਿਮਾਂ ਅਤੇ ਮਨ ਸ਼ੁੱਧ ਕਰਨ ਵਾਲਾ ਹੁਕਮ, ਮੂਰਖ ਲਈ ਗੁੱਸੇ ਦਾ ਕਾਰਣ ਬਣਦਾ ਹੈ।29।
ਚੇਲਾ ਅਜਿਹੇ ਆਸਨ ਤੇ ਬੈਠੇ ਜੋ ਗੁਰੂ ਦੇ ਆਸਨ ਤੋਂ ਨੀਵਾਂ ਹੋਵੇ। ਜਿਸ ਵਿਚ ਕੋਈ ਆਰਮ ਵਿਚ ਵਿਘਨ ਪਾਉਣ ਵਾਲਾ ਸ਼ਬਦ ਨਾ ਪੈਦਾ ਹੁੰਦਾ ਹੋਵੇ। ਜੋ ਸਥਿਰ ਹੋਵੇ ਤੇ ਹਿਲਦਾ ਜੁਲਦਾ ਨਾ ਹੋਵੇ। ਆਸਨ ਤੋਂ ਬਾਰ-ਬਾਰ ਨਾ ਉੱਠੇ, ਕੰਮ ਹੋਣ ਤੇ ਵੀ ਘੱਟ 6