________________
ਇਕ ਵਾਰੀ ਰਾਣੀ ਗਰਭਵਤੀ ਹੋ ਗਈ। ਇਸ ਸਮੇਂ ਉਸ ਦੇ ਮਨ ਵਿਚ ਇਕ ਇੱਛਾ ਪੈਦਾ ਹੋਈ। ਪਰ ਉਹ ਸ਼ਰਮਾਕਲ ਸੁਭਾਅ ਕਾਰਨ ਰਾਜੇ ਨੂੰ ਦੱਸ ਨਾ ਸਕੀ। ਰਾਜੇ ਦੇ ਬਾਰ ਬਾਰ ਆਖਣ ਤੇ ਰਾਣੀ ਨੇ ਦੱਸਿਆ ਕਿ ਮੇਰੀ ਇੱਛਾ ਹੈ ਕਿ ਮੈਂ ਰਾਜੇ ਦਾ ਭੇਸ ਧਾਰਨ ਕਰਕੇ ਹਾਥੀ ਉਪਰ ਸਵਾਰ ਹੋ ਕੇ ਸੈਰ ਕਰਾਂ।
ਰਾਜੇ ਨੇ ਰਾਣੀ ਇੱਛਾ ਪੂਰੀ ਕਰਨ ਲਈ ਹੁਕਮ ਦਿੱਤਾ। ਰਾਣੀ ਆਪਣੀ ਇੱਛਾ ਅਨੁਸਾਰ ਹਾਥੀ ਤੇ ਸਵਾਰ ਹੋ ਕੇ ਸੈਰ ਕਰਨ ਲਈ ਗਈ। ਰਸਤੇ ਵਿਚ ਸਖ਼ਤ ਬਾਰਿਸ਼ ਆ ਗਈ। ਹਾਥੀ ਘਬਰਾ ਕੇ ਇੱਧਰ ਉੱਧਰ ਭੱਜਣ ਲੱਗਾ। ਰਾਜੇ ਦੇ ਲੱਖ ਕੋਸ਼ਿਸ਼ ਕਰਨ ਤੇ ਵੀ ਉਹ ਕਾਬੂ ਨਾ ਹੋ ਸਕਿਆ। ਹਾਥੀ ਰਾਣੀ ਨੂੰ ਲੈ ਕੇ ਜੰਗਲ ਵਿਚ ਪੁੱਜਾ। ਉਥੇ ਇਕ ਤਲਾਬ ਸੀ, ਹਾਥੀ ਪਾਣੀ ਪੀਣ ਲੱਗਾ। ਰਾਣੀ ਉਚਿਤ ਮੌਕਾ ਵੇਖ ਕੇ ਹਾਥੀ ਤੋਂ ਉਤਰ ਗਈ। ਉਥੇ ਇਕ ਤਪੱਸਵੀ ਦਾ ਆਸ਼ਰਮ ਸੀ। ਤਪੱਸਵੀ ਨੇ ਰਾਣੀ ਨੂੰ ਭਰੋਸਾ ਦਿੱਤਾ ਤੇ ਕਿਹਾ ਕਿ ਪੁੱਤਰੀ ਮੈਂ ਚੇਟਕ ਰਾਜੇ ਦਾ ਗੋਤੀ ਹਾਂ ਇਹ ਫਲ ਤੂੰ ਖਾ ਲੈ। ਇਥੋਂ ਕੁਝ ਦੂਰ ਦੰਤਪੁਰ ਦਾ ਸ਼ਹਿਰ ਹੈ, ਉਥੇ ਦੰਤਵਕਰ ਰਾਜਾ ਹੈ। ਤੂੰ ਬੇਫਿਕਰ ਹੋ ਕੇ ਉਥੇ ਚਲੀ ਜਾ, ਉਹ ਬਹੁਤ ਭਲਾਮਾਣਸ ਹੈ।
.
ਰਾਣੀ ਪਦਮਾਵਤੀ ਉਥੋਂ ਚੱਲ ਕੇ ਦੰਤਪੁਰ ਪਹੁੰਚੀ। ਰਾਹ ਵਿਚ ਸਾਧਵੀਆਂ ਦਾ ਆਸ਼ਰਮ ਸੀ, ਰਾਣੀ ਉਥੇ ਗਈ ਤੇ ਨਮਸਕਾਰ ਕੀਤਾ। ਸਾਧਵੀਆਂ ਦੇ ਉਪਦੇਸ਼ ਨਾਲ ਰਾਣੀ ਨੂੰ ਵੈਰਾਗ ਪੈਦਾ ਹੋਇਆ, ਉਹ ਸਾਧਵੀ ਬਣ ਗਈ, ਪਰ ਉਸ ਨੇ ਆਪਦੇ ਗਰਭ ਦੀ ਗੱਲ ਛੁਪਾ ਕੇ
ਰੱਖੀ।
486