________________
10. ਬ੍ਰਹਮਦੱਤ (13-1) ਇਸ ਦਾ ਸਮਾਂ ਈ: ਤੋਂ ਦਸਵੀਂ ਸਦੀ ਮੰਨਿਆ ਜਾਂਦਾ ਹੈ। ਇਹ ਆਖ਼ਿਰੀ ਚੱਕਰਵਰਤੀ ਸੀ। ਮਹਾਵੱਗ ਜਾਤਕ ਅਨੁਸਾਰ ਇਹ ਪੰਚਾਲ ਦੇਸ਼ ਦਾ ਰਾਜਾ ਸੀ।
11. ਚਿਤਸੰਭੂਤ (13) ਅਧਿਐਨ ਵੇਖੋ।
12. ਪੁਰੋਹੀਤ (14-3) ਸ਼੍ਰੀ ਉਤਰਾਧਿਐਨ ਵਿਰਹਦ ਵਿਰਤੀ ਸਫਾ (304) ਵਿਚ ਪੁਰੋਹੀਤ ਦਾ ਨਾਂ ਭਰਿਗੂ ਹੈ।
13. ਯਸ਼ਾਂ (14/3) ਪੁਰੋਹੀਤ ਦੀ ਪਤਨੀ ਜੇ ਆਪਣੇ ਪੁੱਤਰਾਂ ਨਾਲ ਦੀਖਿਅਤ ਹੋਈ।
14. ਕਮਲਾਵਤੀ (13-3) ਈਸ਼ੁਕਾਰ ਨਗਰ ਦੇ ਰਾਜਾ ਈਸ਼ੁਕਾਰ ਦੀ ਪਟਰਾਣੀ ਸੀ।
15. ਈਸ਼ੂਕਾਰ (14-3) ਕਰੁਜਨਪਦ ਦਾ ਰਾਜਾ ਸੀ। ਇਸ ਦਾ ਅਸਲੀ ਨਾਂ ਸੀਮਧੁਰ ਵੀ ਕਿਹਾ ਗਿਆ ਹੈ। ਬੁੱਧ ਗ੍ਰੰਥਾਂ ਵਿਚ ਇਸ ਦਾ ਨਾਂ ਈਸ਼ੁਕਾਰੀ ਵੀ ਆਇਆ ਹੈ। ਕਈ ਇਤਿਹਾਸਕਾਰ ਇਸ਼ੂਕਾਰ ਨਗਰ ਦੀ ਪਹਿਚਾਣ ਹਰਿਆਣਾ ਵਿਚ ਸਥਿਤ ਹਿਸਾਰ ਨਾਲ ਕਰਦੇ ਹਨ।
16. ਮਹਾਂਵਲ (18/50) ਟੀਕਾਕਾਰ ਸ਼੍ਰੀ ਨੇਮੀ ਚੰਦ ਨੇ ਸ਼੍ਰੀ ਭਗਵਤੀ ਸੂਤਰ ਅਨੁਸਾਰ ਇਸ ਦੀ ਕਥਾ ਵਰਨਣ ਕੀਤੀ ਹੈ। ਉਹ ਹਸਤਿਨਾਪੁਰ ਦੇ ਰਾਜੇ ਬੱਲ ਦਾ ਪੁੱਤਰ ਸੀ। ਉਸ ਦੀ ਮਾਂ ਪ੍ਰਭਾਵਤੀ ਸੀ। ਉਹ ਤੀਰਥੰਕਰ ਸ੍ਰੀ ਬਿਮਲ ਨਾਥ ਜੀ ਦੀ ਪਰੰਪਰਾ ਦੇ ਆਚਾਰਿਆ ਪਾਸ ਸਾਧੂ ਬਣ ਕੇ ਬ੍ਰਹਮਲੋਕ ਵਿਚ ਪੈਦਾ ਹੋਇਆ। ਅੱਗੇ ਚੱਲ ਕੇ ਉਹ ਬਾਣੀਆ ਗਾਮ ਵਿਖੇ ਸੁਦਰਸ਼ਨ ਨਾਂ ਦੇ ਹੇਠ ਇਕ ਸੇਠ ਦੇ ਘਰ ਪੈਦਾ ਹੋਇਆ ਅਤੇ ਭਗਵਾਨ ਮਹਾਵੀਰ ਪਾਸ ਸਾਧੂ ਬਣ ਕੇ ਮੁਕਤ ਹੋਇਆ।
475