________________
ਆਸ਼ਿਰਵਾਦ .
ਪੁਰਸ਼ੋਤਮ ਗਿਆ ਕਾਫੀ ਸਮੇਂ ਤੋਂ ਪੰਜਾਬੀ ਪਾਠਕਾਂ ਨੂੰ ਜੈਨ ਧਰਮ ਸੰਬੰਧੀ ਪ੍ਰਮਾਣਿਕ ਸਮੱਗਰੀ ਪੇਸ਼ ਕਰਦੀ ਆ ਰਹੀ ਹੈ। ਆਗਮਾ ਅਨੁਵਾਦ ਦਾ ਕੰਮ ਮਹਾਂਸ਼੍ਰੋਮਣੀ ਪ੍ਰਭਾਵਿਆ, ਉਪਪ੍ਰਵਰਤਨੀ ਜੈਨ ਜਯੋਤੀ ਸ਼ੀ ਸਵਰਨ ਕਾਂਤਾ ਜੀ ਮਹਾਰਾਜ ਦੀ ਦੇਖ-ਰੇਖ ਤੇ ਆਸ਼ਿਰਵਾਦ ਹੇਠ ਚੱਲ ਰਿਹਾ ਹੈ। ਸਾਲ ਵਿੱਚ ਮੇਰੇ ਧਰਮ ਭਰਾਤਾ ਸ਼੍ਰੀ ਰਵਿੰਦਰ ਜੈਨ ਇਸ ਪੱਤ੍ਰਿਕਾ ਦੇ ਦੋ ਅੰਕ ਮੈਨੂੰ ਸਮਰਪਿਤ ਕਰਦੇ ਹਨ। ਸ੍ਰੀ ਰਵਿੰਦਰ ਜੈਨ ਮੇਰੇ ਵਲੋਂ ਹਰ ਤਰ੍ਹਾਂ ਦੇ ਆਸ਼ੀਰਵਾਦ ਦਾ ਪਾਤਰ ਹੈ, ਕਿਉਂਕਿ ਉਹ ਜਿਥੇ ਆਪਣੇ ਕਰਤੱਵ ਪ੍ਰਤੀ ਜਿੱਥੇ ਜਾਗਰੁਕ ਹੈ, ਉੱਥੇ ਸਾਹਿਤ ਪ੍ਰਤੀ ਵੀ ਜਾਗਰੂਕ ਹੈ। ਜ਼ਿੰਦਗੀ ਦੇ 30 ਸਾਲ ਸਾਨੂੰ ਮਿਲਿਆਂ ਨੂੰ ਹੋ ਗਏ ਹਨ। ਜੈਨ ਸਾਹਿਤ ਦੀ ਜਿੰਨੀ ਸੇਵਾ ਮੇਰੇ ਪਾਸੋਂ ਅਤੇ ਮੇਰੇ ਧਰਮ ਭਰਾ ਸ੍ਰੀ ਰਵਿੰਦਰ ਜੈਨ ਪਾਸੋਂ ਹੋਈ ਹੈ, ਉਸਨੂੰ ਹੀ ਅਸੀਂ ਸੱਚਾ ਜੀਵਨ ਮੰਨਦੇ ਹਾਂ। ਮੇਰਾ ਸੁਭਾਗ ਹੈ ਕਿ ਮੈਨੂੰ ਅਜਿਹਾ ਸ਼ਿਸ਼ ਪ੍ਰਾਪਤ ਹੋਇਆ ਹੈ ਜੋ ਸਹਿਜ ਹੀ ਧਰਮ ਪ੍ਰਤੀ ਜਾਗਰਿਤ ਹੈ ਅਤੇ ਹੋਰਾਂ ਨੂੰ ਵੀ ਜਾਗਰਿਤ ਰਖਦਾ ਹੈ। ਉਹ ਮੇਰੇ ਪ੍ਰਤੀ ਸਮਰਪਿਤ ਆਤਮਾ ਹੈ। ਇਹ ਸਮਰਪਣ ਹੀ ਧਰਮ ਬੀਜ ਹੈ।
ਅੱਜ ਦਾ ਦਿਨ ਸਾਡੇ ਲਈ ਰਿਸ਼ਤੇ ਅਨੁਸਾਰ ਦੇਵ ਗੁਰੂ ਧਰਮ ਪ੍ਰਤੀ ਸਮਰਪਣ ਦਿਵਸ ਹੈ। ਇਸ ਮੌਕੇ ਤੇ ਮੇਰੇ ਧਰਮ ਭਰਾ ਨੇ ਮੈਨੂੰ ਇਹ ਗ੍ਰੰਥ ਸਮਰਪਿਤ ਕੀਤਾ ਹੈ। ਮੈਂ ਅੰਤਕਰਣ ਤੋਂ ਉਸ ਦੀ ਇਹ ਭੇਂਟ ਸਵੀਕਾਰ ਕਰਦਾ ਹਾਂ ਅਤੇ ਰਿਸ਼ਤੇ ਅਨੁਸ਼ਾਰ ਆਸ਼ੀਰਵਾਦ ਦਿੰਦਾ ਹੋਇਆ ਇਹ ਚਾਹੁੰਦਾ ਹਾਂ ਕਿ ਉਹ ਇਸੇ ਪ੍ਰਕਾਰ ਮੇਰੀ ਅਤੇ ਜੈਨ ਧਰਮ ਦੀ ਸੇਵਾ ਕਰਦਾ ਰਹੇ। ਸੰਸਤਾਰਕ ਕਿਣਕ ਗ੍ਰੰਥ ਦਾ ਪੰਜਾਬੀ ਅਨੁਵਾਦ ਪਾਠਕਾਂ ਨੂੰ ਭੇਂਟ ਕਰਦਿਆਂ, ਅਸੀਂ ਖੁਸ਼ੀ ਮਹਿਸੂਸ ਕਰਦੇ ਹਾਂ ਅਤੇ ਭੱਵਿਖ ਵਿੱਚ ਚੰਗਾ ਸਾਹਿਤ ਭੇਂਟ ਕਰਨ ਦਾ ਵਾਅਦਾ ਕਰਦੇ ਹਾਂ। 31-3-1998
ਸ਼ੁਭਚਿੰਤਕ ਮੰਡੀ ਗੋਬਿੰਦਗੜ੍ਹ
(ਪੁਰਸ਼ੋਤਮ ਜੈਨ)
