________________
ਸਮਣ ਸੂਤਰ ਸਤਿਕਾਰ ਨਾਲ ਅਪਨਾਉਣਾ ਚਾਹੀਦਾ ਹੈ। ਲਗਾਵ ਦੀ ਭਾਵਨਾ ਤੋਂ ਮੁਕਤ ਮਨੁੱਖ ਸੰਸਾਰ ਦੀ ਜ਼ੰਜੀਰ ਤੋਂ ਛੁਟਕਾਰਾ ਪਾ ਜਾਂਦਾ ਹੈ। ਲਗਾਵ ਵਿਚ ਫਸਿਆ ਮਨੁੱਖ ਅਨੰਤ ਸੰਸਾਰ ਵਿਚ ਘੁੰਮਦਾ ਰਹਿੰਦਾ ਹੈ।
(78) ‘‘ਆਪਣੇ ਰਾਗ ਦਵੇਸ਼ ਰਾਹੀਂ ਪੈਦਾ ਹੋਏ ਸੰਕਲਪ, ਵਿਕਲਪ ਸਭ ਦੋਸ਼ਾਂ ਦਾ ਮੁੱਖ ਕਾਰਨ ਹਨ। ਜੋ ਇਸ ਪ੍ਰਕਾਰ ਵਿਚਾਰ ਕਰਦਾ ਹੈ। ‘ਇੰਦਰੀਆਂ ਦੇ ਵਿਸ਼ੇ, ਦੋਸ਼ਾਂ ਦਾ ਮੁੱਖ ਕਾਰਨ ਨਹੀਂ ਹਨ।'' ਇਸ ਪ੍ਰਕਾਰ ਦਾ ਸੰਕਲਪ ਕਰਨ ਵਾਲੇ ਦੇ ਮਨ ਵਿਚ ਮਮਤਾ ਉਤਪੰਨ ਹੁੰਦੀ ਹੈ। ਇਸ ਰਾਹੀਂ ਉਸ ਦੇ ਮਨ ਦੇ ਵਿਚ ਪੈਦਾ ਹੋਣ ਵਾਲੀ ਕਾਮ ਇੱਛਾ ਘੱਟਦੀ ਹੈ।
(79) ਨਿਸ਼ਚੈ ਦਰਿਸ਼ਟੀ ਪੱਖੋਂ ਸਰੀਰ ਤੇ ਆਤਮਾ ਭਿੰਨ ਹਨ ਇਸ ਲਈ ਸਰੀਰ ਦੇ ਪ੍ਰਤਿ ਪੈਦਾ ਹੋਣ ਵਾਲੇ ਦੁੱਖਕਾਰੀ ਤੇ ਕਲੇਸ਼ਕਾਰੀ ਮਮਤਾ ਦਾ ਖ਼ਾਤਮਾ ਕਰੇ।
(80) ਮੋਕਸ਼ ਦੀ ਪ੍ਰਾਪਤੀ ਦੇ ਲਈ ਕਰਮਾਂ ਦੇ ਆਉਣ ਦੇ ਦਰਵਾਜ਼ੇ ਆਸ਼ਰਵਾਂ ਨੂੰ ਤੇ ਇੰਦਰੀਆਂ ਨੂੰ ਤਿੰਨ ਕਰਨ (ਮਨ, ਬਚਨ ਤੇ ਕਾਇਆ) ਅਤੇ ਤਿੰਨ ਯੋਗ (ਕਰਨਾ, ਕਰਾਉਣ ਤੇ ਕਰਦੇ ਨੂੰ ਚੰਗਾ ਸਮਝਨਾ ਰਾਹੀਂ ਰੋਕੇ ਅਤੇ ਕਸ਼ਾਇ ਦਾ ਖ਼ਾਤਮਾ ਕਰੇ।
(81) ਭਾਵ ਤੋਂ ਮੁਕਤ ਮਨੁੱਖ ਦੁੱਖਾਂ ਤੋਂ ਛੁਟਕਾਰਾ ਪਾ ਲੈਂਦਾ ਹੈ। ਜਿਵੇਂ ਕਮਲ ਦਾ ਪੱਤਾ ਪਾਣੀ ਨਾਲ ਨਹੀਂ ਲਿੱਬੜਦਾ, ਉਸੇ ਪ੍ਰਕਾਰ ਉਹ ਗਿਆਨੀ ਵੀ ਸੰਸਾਰ ਵਿਚ ਰਹਿ ਕੇ ਅਨੇਕਾਂ ਦੁੱਖਾਂ ਨਾਲ ਨਹੀਂ ਲਿੱਬੜਦਾ।
!
18
