________________
ਸਮਣ ਸੂਤਰ ਆਸ਼ਰਵ ਅਨੁਪਰੇਸ਼ਾ ਹੈ।
(523)ਤਿੰਨ ਗੁਪਤੀਆਂ ਦੇ ਰਾਹੀਂ ਇੰਦਰੀਆਂ ਨੂੰ ਵਸ ਕਰਨ ਵਾਲਾ ਅਤੇ ਪੰਜ ਸਮਿਤੀਆਂ ਦਾ ਪਾਲਣ ਕਰਨ ਵਾਲਾ ਅਮ੍ਰਿਤ (ਗਫਲਤ ਦਾ ਤਿਆਗ ਕਰਨ ਵਾਲਾ ਮੁਨੀ ਆਸ਼ਰਵ ਦੇ ਦਰਵਾਜ਼ਿਆਂ ਨੂੰ ਰੋਕ ਕੇ, ਨਵੇਂ ਕਰਮਾਂ ਦੀ ਧੂਲ ਆਤਮਾ ਨੂੰ ਲੱਗਣ ਨਹੀਂ ਦਿੰਦਾ। ਹਿ ਸੰਵਰ ਅਨੁਪਰੇਕਸ਼ਾ ਹੈ।
(524)ਲੋਕ ਨੂੰ ਸਾਰ ਰਹਿਤ ਅਤੇ ਲੰਬੇ ਸਮੇਂ ਤੱਕ ਜਨਮ ਮਰਨ ਵਿਚ ਭਟਕਾਉਣ ਵਾਲਾ ਸਮਝ ਕੇ, ਮੁਨੀ ਕੋਸ਼ਿਸ਼ ਰਾਹੀਂ, ਲੋਕ ਦੇ ਸਭ ਤੋਂ ਉਪਰ “ਅਗਰ ਭਾਗ ਵਿਚ ਸਥਿਤ ਮੁਕਤੀ ਦਾ ਧਿਆਨ ਕਰਦਾ ਹੈ। ਜਿੱਥੇ ਮੁਕਤ (ਸਿੱਧ) ਜੀਵ ਸੁੱਖ ਪੂਰਵਕ ਹਮੇਸ਼ਾ ਲਈ ਰਹਿੰਦਾ ਹੈ।
(525)ਬਿਮਾਰੀ ਤੇ ਮੌਤ ਦੇ ਤੇਜ਼ ਵਹਾ ਵਿਚ ਡੁੱਬਦੇ ਲੋਕਾਂ ਲਈ ਧਰਮ ਹੀ ਦੀਪ ਹੈ, ਪ੍ਰਤਿਸ਼ਟਾ (ਠਿਕਾਨਾ) ਹੈ, ਗਤਿ ਹੈ ਅਤੇ ਉੱਤਮ ਸ਼ਰਨ ਹੈ।
(526) ਮਨੁੱਖ ਸਰੀਰ ਪ੍ਰਾਪਤ ਹੋ ਜਾਣ ਤੇ ਵੀ ਅਜਿਹੇ ਧਰਮ ਦਾ ਸੁਨਣਾ ਤਾਂ ਬਹੁਤ ਹੀ ਕਠਿਨ ਹੈ ਜਿਸ ਨੂੰ ਸੁਣ ਕੇ ਆਤਮਾ ਤੱਪ, ਖਿਮਾ ਅਤੇ ਅਹਿੰਸਾ ਨੂੰ ਪ੍ਰਾਪਤ ਕੀਤਾ ਜਾਵੇ।
(527)ਧਰਮ ਸੁਣ ਕੇ ਉਸ ਤੇ ਸ਼ਰਧਾ ਹੋ ਜਾਣ ਤੇ ਵੀ, ਸੰਜਮ ਧਾਰਨ ਕਰਕੇ ਇਸ ਧਰਮ ਪ੍ਰਤਿ ਮਿਹਨਤ ਕਰਨਾ ਇਸ ਤੋਂ ਵੀ ਔਖਾ ਹੈ। ਬਹੁਤ ਸਾਰੇ ਲੋਕ ਸੰਜਮ ਵਿਚ ਰੁੱਚੀ ਰੱਖਦੇ ਹੋਏ ਵੀ ਉਸ ਨੂੰ ਸੱਮਿਅਕ ਰੂਪ ਵਿਚ ਗ੍ਰਹਿਣ ਨਹੀਂ ਕਰ ਸਕਦੇ।
| 104