________________
ਸਮਣਸੂਤਰ
(423)ਜੇ ਕਰਨ ਦੀ ਸ਼ਕਤੀ ਤੇ ਸੰਭਾਵਨਾ ਹੈ ਤਾਂ ਧਿਆਨ ਭਰਪੂਰ ਪ੍ਰਤਿਕ੍ਰਮਨ ਆਦਿ ਕਰੋ। ਇਸ ਸਮੇਂ ਜੇ ਸ਼ਕਤੀ ਨਹੀਂ ਤਾਂ ਉਨ੍ਹਾਂ ਤੇ ਸ਼ਰਧਾ ਕਰਨਾ ਹੀ ਬੇਅਰਥ ਹੈ।
(424)ਸਮਾਇਕ, ਚਤੁਰਵਿਸ਼ਤੀ (ਚੌਵੀ ਤੀਰਥੰਕਰਾਂ ਦੀ ਸਤੁਤੀ) ਬੰਦਨਾ, ਪ੍ਰਤਿਮਨ, ਕਾਯੋਗਤਸਰਗ ਅਤੇ ਪ੍ਰਤਿਖਿਆਨ ਇਹ ਛੇ
ਆਵਸ਼ਕ ਹਨ।
(425)ਤਿਨਕੇ ਤੇ ਸੋਨੇ ਪ੍ਰਤਿ, ਦੁਸ਼ਮਣ ਅਤੇ ਦੋਸਤ ਪ੍ਰਤਿ ਸਮਭਾਵ (ਇਕ ਤਰ੍ਹਾਂ ਦੇ ਵਿਚਾਰ) ਰੱਖਣਾ ਹੀ ਸਮਾਇਕ ਹੈ, ਭਾਗ ਰਾਗ ਦਵੇਸ਼ ਤੋਂ ਰਹਿਤ, ਚੰਗੇ ਕੰਮਾਂ ਵਿਚ ਲੱਗੇ ਮਨ ਨੂੰ ਹੀ ਸਮਾਇਕ ਆਖਦੇ ਹਨ।
(426)ਜੋ ਬਚਨ ਉਚਾਰਨ ਦੀ ਕ੍ਰਿਆ ਨੂੰ ਛੱਡ ਕੇ ਵੀਤਰਾਗ ਭਾਵ ਨਾਲ ਆਤਮਾ ਦਾ ਧਿਆਨ ਕਰਦਾ ਹੈ, ਉਸ ਨੂੰ ਪਰਮ ਸਮਾਧੀ ਜਾਂ ਸਮਾਇਕ ਪ੍ਰਾਪਤ ਹੁੰਦੀ ਹੈ।
(427)ਜੋ ਸਭ ਪ੍ਰਕਾਰ ਦੇ ਪਾਪਾਂ ਤੋਂ ਰਹਿਤ ਹੈ, ਤਿੰਨ ਗੁਪਤੀਆਂ ਦਾ ਧਾਰਕ ਹੈ ਅਤੇ ਇੰਦਰੀਆਂ ਦਾ ਜੇਤੂ ਹੈ, ਉਸ ਦੀ ਸਮਾਇਕ ਪੱਕੀ ਹੁੰਦੀ ਹੈ। ਅਜਿਹਾ ਕੇਵਲੀਆਂ ਨੇ ਫੁਰਮਾਇਆ ਹੈ।
(428)ਜੋ ਸਭ ਜੀਵਾਂ ਪ੍ਰਤਿ ਸਮਭਾਵ ਰੱਖਦਾ ਹੈ, ਉਸ ਦੀ ਸਮਾਇਕ ਪੱਕੀ ਹੁੰਦੀ ਹੈ, ਅਜਿਹਾ ਕੇਵਲੀਆਂ ਨੇ ਫੁਰਮਾਇਆ ਹੈ।
(429)ਰਿਸ਼ਵ ਆਦਿ 24 ਤੀਰਥੰਕਰਾਂ ਦੇ ਨਾਉਂ ਦੀ ਪ੍ਰਸ਼ੰਸਾ ਤੇ ਗੁਣਾਂ ਦਾ ਕੀਰਤਨ ਕਰਨ, ਗੰਧ (ਖੁਸ਼ਬੂ), ਫੁੱਲ ਚੌਲਾਂ ਆਦਿ ਨਾਲ ਪੂਜਾ ਅਰਚਨਾ ਕਰਕੇ, ਮਨ, ਬਚਨ, ਕਾਇਆ ਦੀ ਸ਼ੁੱਧੀ ਪੂਰਵਕ, ਪ੍ਰਣਾਮ ਕਰਨਾ ਚਤੁਰਵਿਸ਼ਤਵ ਨਾਉਂ ਦਾ ਦੂਸਰਾ ਆਵਸ਼ਕ ਹੈ।
86
