________________
ਅੱਠਾਈਵਾਂ ਅਧਿਐਨ (ਆਦਰਕ ਅਰਹਤ ਰਿਸ਼ਿ ਭਾਸ਼ਿਤ)
“ਸਾਧੂ ਵਾਸਨਾ ਦੇ ਸਾਰੇ ਰਸਤੇ ਰੋਕ ਦੇਵੇ ਕਿਉਂਕਿ ਮਨੁੱਖ ਦੇ ਲਈ ਕਾਮ, ਰੋਗ ਦੇ ਸਮਾਨ ਹੈ ਅਤੇ ਕਾਮ ਦੁਰਗਤੀ ਵਿੱਚ ਵਾਧਾ ਕਰਨ ਵਾਲਾ ਹੈ। ॥1॥
“ਨਿਰਜਨ ਜੰਗਲ ਦਾ ਵਾਸੀ ਮੁਨੀ ਹਿਸਥੀ ਦਾ ਸੇਵਨ ਨਾ ਕਰੇ। ਕਾਮ ਦੀ ਕਾਮਨਾ ਕਰਨ ਵਾਲਾ ਆਤਮਾ ਕਾਮ ਵਾਸਨਾ ਨਾ ਕਰਨ ਤੇ ਵੀ ਦੁਰਗਤੀ ਨੂੰ ਜਾਂਦਾ ਹੈ। ॥2॥
“ਜੋ ਕਾਮ ਭੋਗਾਂ ਵਿੱਚ ਫਸੀਆ ਹੋਇਆ ਹੈ ਜੋ ਮਨ, ਵਚਨ ਅਤੇ ਕਰਮ ਰਾਹੀਂ ਸੱਤਾ ਹੀਨ ਹੁੰਦਾ ਹੈ, ਕਾਮ ਵਿੱਚ ਫਸਿਆ ਉਹ ਪ੍ਰਾਣੀ ਦੁਖ ਪ੍ਰਾਪਤ ਕਰਦਾ ਹੈ। ॥3॥
“ਕਾਮ ਕੰਡੇ ਦੀ ਤਰ੍ਹਾਂ ਹੈ, ਕਾਮ ਜਹਿਰ ਹੈ, ਕਾਮ ਆਸ਼ੀਵਿਸ਼ ਸੱਪ ਦੀ ਜ਼ਹਿਰ ਦੇ ਸਮਾਨ ਭਿੰਅਕਰ ਹੈ, ਕਾਮ ਬਹੁਤ ਸਧਾਰਨ ਅਤੇ ਸੰਸਾਰ (ਜਨਮ, ਮਰਨ) ਵਿੱਚ ਵਾਧਾ ਕਰਨ ਵਾਲਾ ਹੈ। ॥4॥
“ਜੋ ਮੋਹ ਵੱਸ ਆਤਮ ਭਾਵ ਨਾਲ ਕਾਮ ਭੋਗ ਦੀ ਪ੍ਰਾਥਨਾ ਕਰਦੇ ਹਨ। ਉਹ ਦੁਰਗਮ ਖਤਰਨਾਕ ਸੰਸਾਰ ਵਿੱਚ ਜਰੂਰ ਹੀ ਦੁੱਖ ਦੇ ਭਾਗੀ ਬਣਦੇ ਹਨ। ॥5॥
“ਕਾਮ ਵਿੱਚ ਫਸਿਆਂ ਆਤਮਾਵਾਂ ਜੱਦ ਤੱਕ ਕਾਮ ਦੇ ਕੰਡੇ ਨੂੰ ਅਪਣੇ ਚਿਤ ਵਿੱਚੋਂ ਨਹੀਂ ਪੁਟਦੀਆਂ ਤੱਦ ਤੱਕ ਉਹ ਬੁਢਾਪਾ ਅਤੇ ਮੌਤ ਦੇ ਜੰਗਲ ਵਿੱਚ ਪਾਗਲਾਂ ਦੀ ਤਰ੍ਹਾਂ ਘੁੰਮਦੀਆਂ ਰਹਿੰਦੀਆਂ ਹੈ”। ॥6॥
“ਦੇਵ ਅਤੇ ਮਨੁੱਖ ਇਹ ਸਭ ਦੇ ਭੋਗ ਮੈਂ ਹਜਾਰਾਂ ਵਾਰ ਪ੍ਰਾਪਤ ਕੀਤੇ ਹਨ ਅੰਤ ਇਸ ਲਈ ਛੱਡੇ ਕਾਮ ਭੋਗਾਂ ਨੂੰ ਮੈਂ ਨਹੀਂ ਅਪਣਾਵਾਂ ਗਾ ॥7॥
[70]
