________________
ਉੱਨੀਵਾਂ ਅਧਿਐਨ (ਆਰਿਅਨ ਅਰਹਤ ਰਿਸ਼ ਭਾਸ਼ਿਤ)
“ਪਹਿਲਾਂ ਇੱਥੇ ਆਰਿਆਪਨ (ਸ਼ੇਸ਼ਠਤਾ ਸੀ ਇਸ ਪ੍ਰਕਾਰ ਆਰਿਅਨ ਅਰਹਤ ਰਿਸ਼ੀ ਨੇ ਆਖਿਆ, “ਸਾਧੂ ਬੁਰੇ ਵਿਚਾਰ ਅਤੇ ਬੁਰਾ ਆਚਰਨ ਤਿਆਗ ਦੇਵੇ ।ਇਸ ਲਈ ਬੁਰੇ ਮਿਤੱਰਾਂ ਦਾ ਸਾਥ ਛੱਡ ਦੇਵੇ ਅਤੇ ਆਰਿਆ ਧਰਮ ਵਿੱਚ ਸ਼ਾਮਲ ਹੋਣ ਲਈ ਤਿਆਰ ਹੋ ਜਾਵੇ। ॥1॥
“ਜੋ ਅਨਗਿਆ (ਬੁਰਾ) ਆਦਮੀ ਹੈ। ਉਹ ਬੁਰੇ ਮਿੱਤਰਾਂ ਦੇ ਨਾਲ ਮਿਲ ਕੇ ਬੁਰਾ ਕੰਮ ਕਰਦਾ ਹੈ। ਉਹ ਪਾਪੀ ਮਨੁੱਖ ਸੰਸਾਰ ਸਾਗਰ ਵਿੱਚ ਭਟਕਦਾ ਹੋਇਆ ਦੁੱਖਾਂ ਨੂੰ ਪ੍ਰਾਪਤ ਕਰਦਾ ਹੈ”। ॥2॥
“ਇਸ ਲਈ ਮਨੁਖ ਆਰਿਆ ਮਾਰਗ ਅਤੇ ਆਰਿਆ ਕਰਮ ਕਰੇ, ਆਰਿਆ (ਚੰਗੇ) ਸਾਥੀ ਦੀ ਖੋਜ ਕਰੇ ਅਤੇ ਚੰਗੇ ਕੰਮ ਕਰਨ ਵਿੱਚ ਲੱਗਾ ਰਹੇ”॥3॥
“ਜੋ ਮਨੁੱਖ ਆਰਿਆ ਹੈ ਉਹ ਹਮੇਸ਼ਾ ਆਰਿਆ ਮਿੱਤਰਾਂ ਦੇ ਨਾਲ ਹੀ ਰਹਿੰਦਾ ਹੈ ਅਤੇ ਆਰਿਆ ਕਰਮ ਕਰਦਾ ਹੈ। ਉਹ ਸੰਸਾਰ ਸਾਗਰ ਤੋਂ ਮੁਕਤ ਹੋ ਸਕਦਾ ਹੈ। ॥4॥
“ਆਰਿਆ ਦਾ ਗਿਆਨ ਹੀ ਸ੍ਰੇਸ਼ਠ ਗਿਆਨ ਹੈ, ਆਰਿਆ ਦਾ ਦਰਸ਼ਨ ਵਿਸ਼ਵਾਸ ਹੀ ਸ਼੍ਰੇਸ਼ਠ ਹੈ, ਆਰਿਆ ਦਾ ਚਰਿਤੱਰ (ਧਰਮ ਗ੍ਰਹਿਣ) ਹੀ ਸ਼੍ਰੇਸ਼ਠ ਹੈ। ਇਸ ਲਈ ਆਰਿਆ ਦੀ ਹੀ ਉਪਾਸ਼ਨਾ ਕਰਨੀ ਚਾਹਿਦੀ ਹੈ”। ॥5॥
ਇਸ ਪ੍ਰਕਾਰ ਆਰਿਅਨ ਅਰਹਤ ਰਿਸ਼ੀ ਨੇ ਆਖਿਆ ਹੈ।
[43]
