________________
ਪੰਜਵਾਂ ਅਧਿਐਨ (ਪੁਸ਼ਪਸਾਲ ਪੁਤਰ ਅਰਹਤ ਰਿਸ਼ਿ ਭਾਸ਼ਿਤ)
“ਅਹੰਕਾਰ ਤੋਂ ਹੇਠਾਂ ਉਤਰੇ ਹੋਏ ਬਿਨੇ ਵਿੱਚ ਆਤਮਾ ਨੂੰ ਸ਼ੁਧ ਰੱਖਣ ਵਾਲੇ ਪੁਸ਼ਪਸਾਲ ਅਰਹਤ ਰਿਸ਼ੀ ਨੇ ਕਿਹਾ ਹੈ”। ॥1॥
“ਉਹਨਾਂ ਨੇ ਮੱਥੇ ਰਾਹੀਂ ਪ੍ਰਿਥਵੀ ਨੂੰ ਛੂਹ ਕੇ, ਭੂਮੀ ਤੇ ਅੰਜਲੀ (ਮੁੱਠੀ) ਕਰਕੇ ਭੋਜਨ, ਪਾਣੀ ਅਤੇ ਸੋਣ ਦਾ ਤਿਆਗ ਕਰ ਦਿਤਾ ਹੈ। ॥2॥
“ਨਮਸਕਾਰ ਕਰਨ ਵਾਲੇ ਦੀ ਆਤਮਾ ਹਮੇਸ਼ਾ ਸ਼ਾਂਤ ਅਤੇ ਆਗਮ (ਸ਼ਾਸ਼ਤਰ ਵਚਨ) ਵਿਚ ਲੀਨ ਰਹਿੰਦੀ ਹੈ ਕਰੋਧ ਤੇ ਮਾਨ ਰਹਿਤ ਆਤਮਾ ਦੇ ਸੁਭਾਵਾ ਨੂੰ ਜਾਣਦਾ ਹੈ। ॥3॥
“ਸਾਧਕ ਹਿੰਸਾ ਦਾ ਸੇਵਨ ਨਾ ਕਰੇ, ਝੂਠ ਤੇ ਚੋਰੀ ਦਾ ਤਿਆਗ ਕਰੇ, ਕਾਮ ਭੋਗਾ ਦਾ ਸੇਵਨ ਨਾ ਕਰੇ, ਅਪਰਿਗ੍ਰਹਿ ਬਣ ਕੇ ਜੀਵਨ ਗੁਜਾਰੇ ॥4॥
“ਕਰੋਧ, ਮਾਨ ਦਾ ਜਾਣਕਾਰ ਆਤਮਾ ਦੇ ਸੁਭਾਵਾਂ ਦਾ ਵੀ ਜਾਣਕਾਰ ਹੈ ਸਮਾਧੀ ਦਾ ਇੱਛੁਕ ਮਾਸ ਦਾ ਸੇਵਨ ਨਾ ਕਰੇ। ਇਸ ਪ੍ਰਕਾਰ ਗਿਆਨੀ ਆਤਮਾ ਪਾਪ ਤੋਂ ਰਹਿਤ ਹੋ ਜਾਂਦਾ ਹੈ। ਇਸ ਪ੍ਰਕਾਰ ਪੁਸ਼ਪਸਾਲ ਅਰਹਤ ਰਿਸ਼ੀ ਨੇ ਆਖਿਆ।
॥5॥
[12]
