________________
ਇਸ ਤਰ੍ਹਾਂ ਸੋਮਾ ਵੀ ਪਹਿਲਾਂ ਦੱਸੀ ਸੁਭੱਦਰਾ ਦੀ ਤਰ੍ਹਾਂ ਗੁਪਤ ਬ੍ਰਹਮਚਾਰਣੀ ਸਾਧਵੀ ਬਣੇਗੀ। ਉਹ ਉਸ ਸੁਵਰਤਾ ਸਾਧਵੀ ਤੋਂ ਸਮਾਇਕ ਆਦਿ 11 ਅੰਗਾਂ ਦਾ ਅਧਿਐਨ ਕਰੇਗੀ। ਫਿਰ 6, 8, 10, 12 ਆਦਿ ਵਰਤਾਂ ਦੇ ਤਪਾਂ ਨਾਲ ਮਹਿਨੇ ਦਾ ਸਮਾਧੀ ਮਰਨ ਸਥਾਰਾ ਕਰੇਗੀ। ਪਾਪਾਂ ਦੀ ਅਲੋਚਨਾ ਪ੍ਰਤਿਕ੍ਰਮਣ ਕਰਕੇ ਇੱਕ ਮਹੀਨੇ ਦੀ ਸ਼ੰਥਾਰਾ ਕਰਕੇ ਦੇਵਇੰਦਰ ਸ਼ਕਰ ਦੇ ਸੌਮ ਨਾਮਕ ਸਮਾਨਿਕ ਦੇਵ ਦੇ ਰੂਪ ਵਿੱਚ ਪੈਦਾ ਹੋਵੇਗੀ। ਉੱਥੇ ਦੇਵ ਦੀ ਸਥਿਤੀ (ਉਮਰ) 2 ਸਾਗਰੁਪਮ ਹੈ। ਉੱਥੇ ਸੋਮਾ ਵੀ ਦੋ ਸਾਗਰੋਪਮ ਵਾਲਾ ਦੇਵ ਬਣੇਗੀ।॥25॥
ਗੋਤਮ, “ਹੇ ਭਗਵਾਨ! ਇਹ ਸੋਮਾ ਨਾਂ ਦਾ ਦੇਵ ਸਥਿਤੀ, ਜਾਤੀ ਦਾ ਖਾਤਮਾ ਕਰਕੇ ਦੇਵ ਲੋਕ ਤੋਂ ਚਲ ਕੇ ਕਿੱਥੇ ਉਤਪੰਨ ਹੋਵੇਗਾ?
ਭਗਵਾਨ, “ਹੇ ਗੋਤਮ ! ਮਹਾਂਵਿਦੇਹ ਖੇਤਰ ਵਿੱਚ ਉਤਪੰਨ ਹੋ ਕੇ ਸਾਰੇ ਦੁਖਾਂ ਦਾ ਖਾਤਮਾ ਕਰੇਗੀ ਅਤੇ ਸਿੱਧ ਬੁੱਧ ਤੋਂ ਮੁਕਤ ਹੋ ਕੇ ਮੋਕਸ਼ ਨੂੰ ਪ੍ਰਾਪਤ ਕਰੇਗੀ”
ਆਰੀਆ ਸੁਧਰਮਾ ਸਵਾਮੀ ਅਪਣੇ ਚੇਲੇ ਆਰੀਆ ਜੰਬੂ ਸਵਾਮੀ ਨੂੰ ਆਖਦੇ ਹਨ, “ਹੇ ਜੰਬੂ ! ਇਸ ਪ੍ਰਕਾਰ ਭਗਵਾਨ ਮਹਾਵੀਰ ਨੇ ਪੁਸ਼ਪਿਤਾ ਨਾਂ ਦੇ ਤੀਸਰੇ ਉਪਾਂਗ ਦੇ ਚੋਥੇ ਅਧਿਐਨ ਦਾ ਵਰਨਣ ਕੀਤਾ। ॥26॥
- 88 -
