________________
ਦੂਸਰੇ ਅਧਿਐਨ ਤੋਂ ਦਸਵੇਂ ਅਧਿਐਨ ਤੱਕ
ਆਰਿਆ ਜੰਬੂ ਸਵਾਮੀ ਪੁੱਛਦੇ ਹਨ, “ਹੇ ਭਗਵਾਨ! ਜੇ ਮੁਕਤੀ ਨੂੰ ਪ੍ਰਾਪਤ ਭਗਵਾਨ ਮਹਾਵੀਰ ਨੇ ਕਲਪਾ ਵੰਸਿਕਾ ਉਪਾਂਗ ਦੇ ਪਹਿਲੇ ਅਧਿਐਨ ਦਾ ਇਹ ਅਰਥ ਦੱਸਿਆ ਹੈ ਤਾਂ ਦੂਸਰੇ ਅਧਿਐਨ ਦਾ ਭਾਵ ਸਮਝਾਉਣ ਦੀ ਕ੍ਰਿਪਾ ਕਰੋ ਆਰਿਆ ਸੁਧਰਮਾ ਸਵਾਮੀ ਨੇ ਉੱਤਰ ਦਿੱਤਾ, “ਹੇ ਜੰਬੂ ! ਉਸ ਕਾਲ, ਉਸ ਸਮੇਂ ਚੰਪਾ ਨਾਂ ਦੀ ਨਗਰੀ ਸੀ। ਉੱਥੇ ਪੂਰਨਭੱਦਰ ਨਾਂ ਦਾ ਚੇਤਯ (ਬਗੀਚਾ) ਸੀ। ਉੱਥੇ ਰਾਜਾ ਕੋਣਿਕ ਰਾਜ ਕਰਦਾ ਸੀ। ਉਸ ਦੀ ਰਾਣੀ ਪਦਮਾਵਤੀ ਸੀ ਅਤੇ ਰਾਜਾ ਸ਼੍ਰੇਣਿਕ ਦੀ ਰਾਣੀ ਅਤੇ ਮਹਾਰਾਜਾ ਕੋਣਿਕ ਦੀ ਛੋਟੀ ਮਾਂ ਸੁਕਾਲੀ ਸੀ। ਉਸ ਦਾ ਪੁੱਤਰ ਸੁਕਾਲ ਸੀ। ਉਸ ਸੁਕਾਲ ਰਾਜਕੁਮਾਰ ਦੀ ਰਾਣੀ ਮਹਾਂਪਦਮਾਵਤੀ ਸੀ। ਉਹ ਰਾਣੀ ਬਹੁਤ ਸੋਹਲ ਤੇ ਸੁੰਦਰ ਸੀ।
ਇਕ ਵਾਰ ਮਹਾਂਪਦਮਾਵਤੀ ਰਾਣੀ ਮਹਿਲਾਂ ਵਿਚ ਸੁਤੀ ਪਈ ਸੀ ਉਸਨੇ ਸੇਰ ਦਾ ਸੁਪਨਾ ਵੇਖਿਆ, ਨੋ ਮਹੀਨੇ ਬਾਅਦ ਉਸ ਨੇ ਮਹਾਂਪਦਮ ਨਾਂ ਦੇ ਪੁੱਤਰ ਨੂੰ ਜਨਮ ਦਿੱਤਾ। ਇਸ ਮਹਾਂਪਦਮ ਦਾ ਵਰਨਣ ਪਦਮ ਮੁਨੀ ਦੀ ਤਰ੍ਹਾਂ ਸਮਝ ਲੈਣਾ ਚਾਹਿਦਾ ਹੈ। ਇਹ ਵੀ ਦੇਵ ਲੋਕ ਛੱਡ ਕੇ ਮਹਾਂਵਿਦੇਹ ਖੇਤਰ ਵਿਚ ਪੈਦਾ ਹੋਏਗਾ। ਇਥੇ ਇਹ ਗੱਲ ਖਾਸ ਹੈ ਕਿ ਮਹਾਂਪਦਮ ਮੁਨੀ ਈਸ਼ਾਨ ਦੇਵ ਲੋਕ ਵਿਚ ਪੈਦਾ ਹੋਇਆ, “ਹੇ ਜੰਬੂ ! ਇਸ ਪ੍ਰਕਾਰ ਮੁਕਤੀ ਨੂੰ ਪ੍ਰਾਪਤ ਹੋਏ ਭਗਵਾਨ ਮਹਾਵੀਰ ਨੇ ਦੁਸਰੇ ਅਧਿਐਨ ਦਾ ਇਹੋ ਅਰਥ ਫਰਮਾਇਆ ਹੈ।
“ਹੇ ਜੰਬੂ ! ਇਸ ਪ੍ਰਕਾਰ ਅੱਠ ਅਧਿਐਨਾ ਦਾ ਅਰਥ ਸਮਝ ਲੈਣਾ ਚਾਹਿਦਾ ਹੈ। ਕਾਲ ਆਦਿ ਦਸ ਰਾਜ ਕੁਮਾਰ ਦੇ ਨਾਂ ਉਨ੍ਹਾਂ ਦੀਆਂ ਮਾਤਾਵਾਂ ਦੇ ਨਾਂ ਤੇ ਹਨ। ਇਨ੍ਹਾਂ ਦੇ ਸਾਧੂ ਜੀਵਨ ਦਾ ਸਮਾਂ ਇਸ ਪ੍ਰਕਾਰ ਹੈ, ਕਾਲ, ਸੁਕਾਲ ਦੇ ਪੁਤਰ ਪਦਮ ਮੁਨੀ ਅਤੇ ਮਹਾਂਪਦਮ ਮੁਨੀ ਨੇ 5 ਸਾਲ ਸਾਧੂ ਜੀਵਨ ਪਾਲਨ ਕੀਤਾ।
- 53 -
