________________
ਉਸ ਰਾਜਾ ਸ਼੍ਰੇਣਿਕ ਦੇ ਕਾਲਜੇ ਉਪਰ (ਗੁਪਤ ਢੰਗ) ਮਾਸ ਨੂੰ ਕੱਟ ਕੇ ਭਾਂਡੇ ਵਿਚ ਰੱਖਨ ਲੱਗਾ। ਇਸ ਤੋਂ ਬਾਅਦ ਮਹਾਰਾਜਾ ਸ਼੍ਰੇਣਿਕ ਕੁੱਝ ਸਮੇਂ ਲਈ ਬਨਾਵਟੀ ਬੇਹੋਸ਼ੀ ਧਾਰਨ ਕਰ ਕੇ ਜਮੀਨ ਤੇ ਪਿਆ ਰਿਹਾ। ਮਹੂਰਤ (48 ਮਿੰਟ) ਤੋਂ ਬਾਅਦ ਅਪਣੇ ਸਾਥੀਆਂ ਨਾਲ ਗਲ੍ਹਾਂ ਕਰਨ ਲੱਗਾ। ਇਸ ਤੋਂ ਬਾਅਦ ਅਭੈ ਕੁਮਾਰ ਨੇ ਸ਼੍ਰੇਣਿਕ ਰਾਜੇ ਦੇ ਕਲੇਜੇ ਦੇ ਬਨਾਵਟੀ ਮਾਸ ਨੂੰ ਗ੍ਰਹਿਣ ਕੀਤਾ ਅਤੇ ਗ੍ਰਹਿਣ ਕਰਕੇ ਉਹ ਚੇਲਨਾ ਦੇਵੀ ਕੋਲ ਆਇਆ। ਉਸ ਨੇ ਉਹ ਮਾਸ ਚੇਲਣਾ ਦੇਵੀ ਨੂੰ ਦੇ ਦਿੱਤਾ। ਚੇਲਨਾ ਦੇਵੀ ਨੇ ਸ਼੍ਰੇਣਿਕ ਰਾਜੇ ਦੇ ਪੇਟ ਦੇ ਮਾਸ ਨੂੰ ਪੱਕਾ ਕੇ ਅਪਣਾ ਦੋਹਦ (ਗਰਭ ਇੱਛਾ) ਪੂਰਾ ਕੀਤਾ। ਇਸ ਤੋਂ ਬਾਅਦ ਚੇਲਨਾ ਦੇਵੀ ਅਪਣਾ ਦੋਹਦ ਪੂਰਾ ਕਰਕੇ, ਸਨਮਾਨ ਪੂਰਵਕ ਇੱਛਾ ਪੂਰੀ ਹੋਣ ਤੇ, ਖੁਸ਼ੀ ਨਾਲ ਸੁੱਖੀ ਹੋਕੇ ਗਰਭ ਰੱਖਿਆ ਕਰਦੀ ਹੈ। ॥3॥
ਕਿਸੇ ਕਾਲ, ਸਮੇਂ ਅੱਧੀ ਰਾਤੀਂ ਚੇਲਨਾ ਦੇਵੀ ਨੂੰ ਇਹ ਵਿਚਾਰ ਪੈਦਾ ਹੋਇਆ “ਇਸ ਪੁਤਰ ਨੂੰ ਗਰਭ ਵਿੱਚ ਆਉਣ ਸਾਰ ਹੀ ਪਿਤਾ ਦੇ ਕਾਲਜੇ ਦਾ ਮਾਸ ਖਾਦਾ ਹੈ, ਇਸ ਲਈ ਮੇਰੇ ਲਈ ਇਹ ਯੋਗ ਹੈ ਕਿ ਮੈਂ ਅਜੇਹੇ ਗਰਭ ਦੀ ਸਾਤਨਾ (ਟੁਕੜੇ ਟੁਕੜੇ ਕਰਨਾ) ਪਾਤਨਾ (ਦਵਾ ਨਾਲ ਗਰਭ ਗਿਰਾ ਦੇਣਾ) ਗਲਾ ਦੇਣਾ, ਮਾਰ ਦੇਣਾ, ਇਸ ਪ੍ਰਕਾਰ ਚਾਹੁੰਦੀ ਹੋਈ (ਰਾਣੀ ਚੇਲਨਾ) ਵੀ ਗਰਭ ਨੂੰ ਨਾ ਸਾੜ ਸਕੀ ਨਾ ਦਵਾ ਨਾਲ ਗਿਰਾ ਸਕੀ, ਨਾ ਕਿਸੇ ਤਰ੍ਹਾਂ ਗਾਲਾ ਸਕੀ, ਨਾ ਮਾਰ ਸਕੀ, ਨਾ ਹੀ ਕਿਸੇ ਹੋਰ ਢੰਗ ਨਾਲ ਨਸ਼ਟ ਕਰ ਸਕੀ।॥39॥
ਇਸ ਤੋਂ ਬਾਅਦ ਉਹ ਚੇਲਨਾ ਦੇਵੀ ਸਭ ਢੰਗਾ ਰਾਹੀਂ ਗਰਭ ਨੂੰ ਨਸ਼ਟ ਕਰਨ ਵਿੱਚ ਅਸਫਲ ਰਹੀ।ਆਖਰ ਸ਼ਰੀਰ ਤੋਂ ਦੁੱਖੀ, ਮਨ ਤੋਂ ਦੁੱਖੀ ਅਤੇ ਮਨ ਤੇ ਸ਼ਰੀਰ ਦੋਹਾਂ ਤੋਂ ਦੁੱਖੀ ਹੋ ਕੇ, ਬੇਵਸ ਹੋ ਕੇ, ਗਰਭ ਦਾ ਪਾਲਨ ਕਰਨ ਲੱਗੀ। ਇਸ ਤੋਂ ਬਾਅਦ ਨੌਂ ਮਹਿਨੇ ਪੂਰੇ ਹੋਣ ਤੋਂ ਬਾਅਦ ਉਸ ਨੇ ਇਕ ਸੁੰਦਰ ਬਾਲਕ ਨੂੰ ਜਨਮ ਦਿਤਾ। ॥40॥
13 -
