________________
ਜਿਵੇਂ ਚਿਤ ਨਾਂ ਦਾ ਸਾਰਥੀ ਸਾਰੀ ਪ੍ਰਜਾ ਦਾ ਸਹਾਰਾ ਸੀ (ਉਸੇ ਪ੍ਰਕਾਰ ਅਭੈ ਕੁਮਾਰ ਸਾਰੀ ਪ੍ਰਜਾ ਦਾ ਸਹਾਰਾ ਸੀ) ॥23॥
ਉਸ ਸ਼੍ਰੇਣਿਕ ਰਾਜਾ ਦੇ ਚੇਲਨਾ ਦੇਵੀ ਨਾਂ ਦੀ ਮਹਾਰਾਣੀ ਸੀ ਜੋ ਸੁਕੋਮਲ ਸੀ। ਜੋ ਇਸਤਰੀ ਦੇ ਸੁੱਖ ਭੋਗਦੀ ਰਾਜਾ ਨਾਲ ਰਹਿ ਰਹੀ ਸੀ। ॥24॥
ਉਸ ਚੇਲਨਾ ਦੇਵੀ ਨੇ ਕਿਸੇ ਸਮੇਂ ਮਹਿਲਾਂ ਵਿੱਚ ਸੋਈ ਨੇ ਸ਼ੇਰ ਦਾ ਸੁਪਨਾ ਵੇਖਿਆ। ਸੁਪਨਾ ਵੇਖ ਕੇ ਉਹ ਜਾਗ ਪਈ। ਪ੍ਰਭਾਵਤੀ ਮਹਾਰਾਨੀ ਦੀ ਤਰ੍ਹਾਂ ਹੀ ਉਸ ਨੇ ਸੁਪਨੇ ਦਾ ਫੁੱਲ ਦਸਨ ਵਾਲੇਆ ਨੂੰ ਬੁਲਾਇਆ ਫੱਲ ਸੁਣ ਕੇ ਸੁਪਨ ਸ਼ਾਸਤਰੀਆਂ ਨੂੰ ਵਿਦਾ ਕਰਕੇ, ਉਨਾ ਦੇ ਵਚਨਾਂ (ਫਲਾਦੇਸ਼) ਨੂੰ ਮੱਨਕੇ ਅਪਣੇ ਭਵਨ ਵਿਚ ਆ ਗਈ।
॥25॥
ਉਸ ਤੋਂ ਬਾਅਦ ਉਸ ਚੇਲਨਾ ਦੇਵੀ ਨੂੰ ਕਿਸੇ ਸਮੇ, ਤਿੰਨ ਮਹੀਨੇ ਪੂਰੇ ਹੋਣ ਤੇ ਇਸ ਪ੍ਰਕਾਰ ਦੀ ਇੱਛਾ ਪੈਦਾ ਹੋਈ, “ਉਹ ਮਾਵਾਂ ਧਨ ਹਨ, ਉਨ੍ਹਾਂ ਦਾ ਜਨਮ ਸਫਲ ਹੈ, ਜੋ ਸ਼੍ਰੇਣਿਕ ਰਾਜੇ ਦੇ ਕਾਲਜੇ ਦੇ ਮਾਸ ਦਾ ਕਬਾਬ ਬਣਾ ਕੇ, ਤੇਲ ਵਿੱਚ ਤੱਲ ਕੇ ਅੱਗ ਉਪਰ ਸੇਕ ਕੇ, ਸ਼ਰਾਬ ਦੇ ਨਾਲ ਖਾਂਦੀਆਂ ਹਨ ਖੁਸ਼ੀ ਪ੍ਰਾਪਤ ਕਰਕੇ ਦੋਹਦ ਪੂਰਨ ਗਰਭ ਇੱਛਾ) ਪੂਰੀ ਕਰਦੀਆਂ ਹਨ ॥26॥
ਇਸ ਤੋਂ ਬਾਅਦ ਉਸ ਚੇਲਨਾ ਦੇਵੀ ਰਾਣੀ ਨੂੰ ਤਿੰਨ ਮਹੀਨੇ ਪੂਰੇ ਹੋਣ ਤੇ ਦੋਹਦ (ਗਰਭ ਇੱਛਾ) ਉਤਪਨ ਹੋਇਆ।
ਉਸ ਤੋਂ ਬਾਅਦ ਚੇਲਨਾਂ ਦੇਵੀ ਗਰਭ ਇੱਛਾ ਅਧੂਰੀ ਰਹਿ ਜਾਣ ਕਾਰਨ ਸੁਕ ਗਈ ਭੁੱਖੀ ਰਹਿਣ ਲੱਗ ਪਈ। ਉਹ ਮਾਸ ਰਹਿਤ, ਟੁੱਟੇ ਫੁੱਟੇ ਸ਼ਰੀਰ ਵਾਲੀ ਤੇਜ਼ ਰਹਿਤ ਹੋ ਗਈ ਮੁੰਹ ਗਰਿਬਾਂ ਦੀ ਤਰ੍ਹਾਂ ਲੱਗਣ ਲੱਗਾ। ਰੰਗ ਫੀਕਾ ਪੈ ਗਿਆ। ਉਸ ਦੀਆਂ ਅੱਖਾਂ ਖੁੱਕ ਗਇਆਂ, ਮੂੰਹ ਮੁਰਝਾ ਗਿਆ। ਉਸ ਨੇ ਫੁੱਲ ਕਪੜੇ, ਖੁਸ਼ਬੂ, ਫੁੱਲਾਂ ਦੇ ਹਾਰ, ਗਹਿਣੇ ਅਤੇ ਸਿੰਗਾਰ ਕਰਨਾ ਬੰਦ ਕਰ ਦਿੱਤਾ। ਉਹ ਹਮੇਸ਼ਾ ਫਿਕਰ ਵਿੱਚ ਰਹਿੰਦੀ ਸੀ। ॥27॥
- 9 -
