________________
ਵਿੱਚ ਜੋ ਵੀ ਪਦਾਰਥ ਆਵੇ ਉਸ ਨੂੰ ਸਵਿਕਾਰ ਕਰ ਲੈਣਾ ਚਾਹੇ ਉਹ ਪਦਾਰਥ ਲੈਣ ਯੋਗ ਹੋਵੇ ਚਾਹੇ ਨਾ ਲੈਣ ਯੋਗ ਹੋਵੇ”। ਗੁਰੂ ਗਿਆਨੀ ਸਨ ਆਪਣੇ ਗਿਆਨ ਦੀ ਸ਼ਕਤੀ ਨਾਲ ਉਹਨਾਂ ਆਪਣੇ ਚੇਲੇ ਨੂੰ ਇਹ ਆਗਿਆ ਦੇ ਦਿੱਤੀ। ਭਿੱਖਿਆ ਲਈ ਘੁੰਮਦੇ ਘੁੰਮਦੇ ਉਹ ਅਪਣੇ ਸੰਸਾਰਿਕ ਘਰ ਵਿੱਚ ਪਹੁੰਚੇ, ਤਾਂ ਸੁੰਨਦਾ ਨੇ ਆਖਿਆ, “ਅੱਜ ਤੱਕ ਮੈਂ ਤੁਹਾਡੇ ਬਾਲਕ ਦਾ ਪਾਲਣ ਪੋਸ਼ਣ ਕੀਤਾ ਹੈ, ਹੁਣ ਤੁਸੀਂ ਇਸ ਬਾਲਕ ਨੂੰ ਖੁਦ ਸੰਭਾਲੋ’ ਅਜਿਹਾ ਆਖ ਕੇ ਉਸ ਨੇ ਕਿੱਖਿਆ ਦੇ ਪਾਤਰ ਵਿੱਚ ਬਾਲਕ ਨੂੰ ਪਾ ਦਿੱਤਾ। ਧਨਗਿਰੀ ਮੁਨੀ ਬਾਲਕ ਨੂੰ ਲੈ ਕੇ ਅਚਾਰਿਆ ਕੋਲ ਆਏ। ਅਚਾਰਿਆ ਬਾਲਕ ਨੂੰ ਵੇਖ ਕੇ ਬਹੁਤ ਖੁਸ਼ ਹੋਏ ਅਤੇ ਆਖਣ ਲੱਗੇ, “ਫੁੱਲ ਤੋਂ ਕੋਮਲ ਅਤੇ ਪੱਥਰ ਤੋਂ ਜ਼ਿਆਦਾ ਵਜਨੀ ਇਹ ਬਾਲਕ ਤੁਸੀਂ ਕਿੱਥੋਂ ਲਿਆਏ ਹੋ ਅਚਾਰਿਆ ਨੇ ਝੋਲੀ ਭਾਰੀ ਵੇਖ ਕੇ ਉਸ ਬਾਲਕ ਦਾ ਨਾਂ ਬੱਜ਼ਰ ਰੱਖ ਦਿੱਤਾ। ਉਸ ਦੇ ਪਾਲਣ ਪੋਸ਼ਣ ਦੀ ਜੁੰਮੇਵਾਰੀ ਸਾਧਵੀਆਂ ਦੇ ਜੰਮੇ ਲਗਾ ਦਿੱਤੀ। ਸਾਧਵੀਆਂ ਨੇ ਕੁੱਝ
ਹਿਸਥੀ ਭੈਣਾਂ ਨੂੰ ਇਹ ਕੰਮ ਸਪੁਰਦ ਕਰ ਦਿੱਤਾ। ਸਾਧਵੀਆਂ ਦੇ ਠਿਕਾਣੇ ਤੇ ਉਹ ਪਾਲਨੇ ਵਿੱਚ ਹੀ ਗ੍ਰੰਥ ਸੁਣਨ ਲੱਗਾ।
ਕੁੱਝ ਹੀ ਦਿਨਾਂ ਬਾਅਦ ਸੁੰਨਦਾ ਨੂੰ ਅਪਣੇ ਪੁੱਤਰ ਦੀ ਯਾਦ ਸਤਾਉਣ ਲੱਗੀ। ਉਸ ਨੇ ਆਪਣਾ ਪੁੱਤਰ ਲੈਣਾ ਚਾਹਿਆ। ਉਹ ਜੈਨ ਸਾਧਵੀਆਂ ਦੇ ਠਿਕਾਣੇ ‘ਤੇ ਆਈ ਅਤੇ ਪੁੱਤਰ ਦੀ ਮੰਗ ਕੀਤੀ। ਰਾਖੀ ਕਰ ਰਹੀ ਭੈਣ ਨੇ ਆਖਿਆ, “ਤੂੰ ਅਪਣੀ ਮਰਜੀ ਨਾਲ ਇਹ ਪੁੱਤਰ ਅਚਾਰਿਆ ਨੂੰ ਭੇਂਟ ਕੀਤਾ ਹੈ, ਹੁਣ ਅਚਾਰਿਆ ਦੇ ਹੁਕਮ ਮੁਤਾਬਿਕ ਮੈਂ ਇਸ ਦੀ ਪਾਲਣਾ ਅਮਾਨਤ ਦੇ ਤੌਰ ‘ਤੇ ਕਰ ਰਹੀ ਹਾਂ। ਇਸ ਲਈ ਤੈਨੂੰ ਇਹ ਪੁੱਤਰ ਨਹੀਂ ਮਿਲ ਸਕਦਾ। ਝਗੜਾ ਵੱਧਦਾ ਵੱਧਦਾ ਰਾਜ ਦਰਬਾਰ ਵਿੱਚ ਆ ਗਿਆ। ਸੁੰਨਦਾ ਨੇ ਰਾਜੇ ਕੋਲ ਪੁੱਤਰ ਦੀ ਵਾਪਸੀ ਲਈ ਅਰਜ ਕੀਤੀ। ਰਾਜੇ ਨੇ ਆਖਿਆ, “ਤੂੰ ਕੱਲ ਨੂੰ ਦਰਬਾਰ
[82]
