________________
ਰੁਕਾਵਟ ਇਹ ਦਸ ਦਿੱਤਾ ਕਿ ਇਹ ਚਿੱਤਰ ਰਾਜਾ ਸ਼੍ਰੇਣਿਕ ਦਾ ਹੈ। ਦਾਸੀ ਨੇ ਚਿੱਤਰ ਦੀ ਪ੍ਰਸੰਸਾ ਆਪਣੀ ਮਾਲਕਣ ਸੁਜੇਸ਼ਠਾ ਕੋਲ ਕੀਤੀ। ਤਾਰੀਫ ਸੁਣਦਿਆਂ ਹੀ ਰਾਜਕੁਮਾਰੀ ਉਸ ਨਾਲ ਸ਼ਾਦੀ ਕਰਨ ਲਈ ਤਿਆਰ ਹੋ ਗਈ।
ਅਭੈ ਕੁਮਾਰ ਨੇ ਵੇਸ਼ਾਲੀ ਤੋਂ ਲੈ ਕੇ ਰਾਜਗ੍ਰਹਿ ਤੱਕ ਇੱਕ ਸੁਰੰਗ ਦਾ ਨਿਰਮਾਨ ਕੀਤਾ, ਜਿਸ ਵਿੱਚ ਰੱਥ ਆਰਾਮ ਨਾਲ ਆ ਜਾ ਸਕੇ। ਫਿਰ ਰਾਜਾ ਸ਼੍ਰੇਣਿਕ ਨੇ ਸੁਨੇਹਾ ਭਿਜਵਾਇਆ ਕਿ ਚੇਤਰ ਸ਼ੁਕਲਾ 12 ਦੇ ਦਿਨ ਤੁਸੀਂ ਸੁਰੰਗ ਦੇ ਦਰਵਾਜੇ ਤੇ ਆ ਜਾਣਾ। ਰਾਜਕੁਮਾਰੀ ਸੁਜੇਸ਼ਠਾ ਨੂੰ ਇਹ ਸੁਨੇਹਾ ਪ੍ਰਾਪਤ ਹੋਇਆ ਤਾਂ ਉਹ ਬਹੁਤ ਖੁਸ਼ ਹੋਈ। ਪਰ ਉਸ ਨੂੰ ਇਹ ਗੱਲ ਦਾ ਪਤਾ ਨਹੀਂ ਸੀ ਕੀ ਉਸ ਦੀ ਛੋਟੀ ਭੈਣ ਚੇਲਨਾ ਵੀ ਰਾਜਾ ਸ਼੍ਰੇਣਿਕ ਨੂੰ ਚਾਹੁੰਦੀ ਹੈ। ਨਿਸ਼ਚਿਤ ਦਿਨ ਦੋਹੇ ਭੈਣਾਂ ਇੱਕ ਦੂਸਰੀ ਤੋਂ ਅਨਜਾਣ ਹੋ ਕੇ ਤਿਆਰ ਹੋਣ ਲੱਗੀਆਂ, ਛੋਟੀ ਭੈਣ ਰੱਥ ਤੇ ਸਵਾਰ ਹੋ ਕੇ ਪਹਿਲਾਂ ਸੁਰੰਗ ਦੇ ਦਰਵਾਜੇ ‘ਤੇ ਚਲੀ ਗਈ। ਉਧਰੋਂ ਰਾਜਾ ਸ਼੍ਰੇਣਿਕ ਵੀ ਨਿਸ਼ਚਤ ਸਮੇਂ ‘ਤੇ ਸੁਰੰਗ ਦੇ ਦਰਵਾਜੇ ‘ਤੇ ਪਹੁੰਚ ਗਿਆ। ਹਨੇਰੇ ਵਿੱਚ ਰਾਜਾ ਸ਼੍ਰੇਣਿਕ ਸੁਜੇਸ਼ਠਾ ਦੀ ਜਗ੍ਹਾ ਉਸ ਦੀ ਛੋਟੀ ਭੈਣ ਚੇਲਨਾ ਨੂੰ ਰੱਥ ਵਿੱਚ ਬੈਠਾ ਕੇ ਲੈ ਗਿਆ। ਸੁਜੇਸ਼ਠਾ ਸੁਰੰਗ ਦੇ ਨੇੜੇ ਪਹੁੰਚੀ ਤਾਂ ਰਾਜਾ ਸ਼੍ਰੇਣਿਕ ਉਸ ਦੀ ਛੋਟੀ ਭੈਣ ਨੂੰ ਲੈ ਕੇ ਜਾ ਚੁੱਕਾ ਸੀ। ਸੁਜੇਸ਼ਠਾ ਨੇ ਘਰ ਜਾਣਾ ਠੀਕ ਨਾ ਸਮਝਿਆ ਅਤੇ ਉਹ ਸਾਧਵੀ ਬਣ ਗਈ। ਪੁੱਤਰੀ ਦੇ ਹਰਨ ਦੀ ਗੱਲ ਸੁਣ ਕੇ ਰਾਜਾ ਚੇਟਕ ਨੇ ਰਾਜਾ ਸ਼੍ਰੇਣਿਕ ਦਾ ਪਿੱਛਾ ਕੀਤਾ ਅਤੇ ਸੁਲਸਾ ਦੇ ਪੁੱਤਰਾਂ ਨੇ ਰਾਜਾ ਚੇਟਕ ਨੂੰ ਰਾਹ ਵਿੱਚ ਰੋਕ ਲਿਆ ਅਤੇ ਯੁੱਧ ਕੀਤਾ। ਇਸੇ ਯੁੱਧ ਦੌਰਾਨ ਸੁਲਸਾ ਦੇ ਇੱਕ ਪੁੱਤਰ ਮਰਨ ਕਾਰਨ 32 ਪੁੱਤਰ ਮਾਰੇ ਗਏ। ਸੁਲਸਾ ਅਪਣੇ ਪੁੱਤਰਾਂ ਦੀ ਮੌਤ ਤੋਂ ਬਹੁਤ ਦੁੱਖੀ ਹੋਈ।
ਮੰਤਰੀ ਅਭੈ ਕੁਮਾਰ ਨਾਗ ਰੱਥਵਾਨ ਦੇ ਘਰ ਆਇਆ। ਉਸ ਨੇ ਸੁਲਸਾ ਨੂੰ ਸਮਝਾਇਆ ਕਿ ਸੰਸਾਰ ਵਿੱਚ ਜੋ ਪੈਦਾ ਹੋਇਆ ਹੈ, ਉਸ ਨੇ ਮਰ ਜਾਣਾ ਹੈ। ਨਸ਼ਟ ਹੋ [74]
