________________
ਮਾਇਆ ਕਾਰਨ ਇਸੇ ਪ੍ਰਕਾਰ ਦੂਸਰਾ ਅਤੇ ਤੀਸਰਾ ਬਰਤਨ ਵੀ ਗਿਰ ਕੇ ਟੁੱਟ ਗਏ। ਏਨਾਂ ਨੁਕਸਾਨ ਝੱਲ ਕੇ ਵੀ ਸੁਲਸਾ ਦੇ ਮਨ ਨੂੰ ਕੋਈ ਤਕਲੀਫ ਨਾ ਹੋਈ। ਉਸ ਨੇ ਬਾਹਰ ਖੜੇ ਮੁਨੀਆਂ ਤੋਂ ਤੇਲ ਢਾਲਣ ਦਾ ਕਾਰਨ ਦੱਸਿਆ ਅਤੇ ਖਿਮਾ ਮੰਗੀ। | ਇਹ ਵੇਖ ਕੇ ਸਾਧੂ ਭੇਸ਼ ਧਾਰੀ ਦੇਵਤਾ ਖੁਸ਼ ਹੋ ਗਿਆ ਅਤੇ ਅਸਲੀ ਰੂਪ ਵਿੱਚ ਆ ਕੇ ਆਖਣ ਲੱਗਾ, “ਸੁਲਸਾ! ਮੈਂ ਤਾਂ ਤੇਰੀ ਪ੍ਰੀਖਿਆ ਲੈਣ ਲਈ ਆਇਆ ਸੀ। ਕਿਉਂਕਿ ਤੇਰੀ ਧਰਮ ਪ੍ਰਤੀ ਸ਼ਰਧਾ ਦੀ ਤਾਰੀਫ ਇੰਦਰ ਨੇ ਵੀ ਕੀਤੀ ਸੀ। ਮੈਨੂੰ ਇੰਦਰ ਦੀ ਗੱਲ ਠੀਕ ਨਾ ਜਾਪੀ, ਪਰ ਤੂੰ ਤਾਂ ਇੰਦਰ ਦੇ ਆਖੇ ਅਨੁਸਾਰ ਧਰਮ ਪ੍ਰਤੀ ਪੂਰਨ ਦ੍ਰਿੜ ਹੈਂ, ਮੈਂ ਤੇਰੇ ਤੇ ਖੁਸ਼ ਹਾਂ। ਤੈਨੂੰ ਪਤਾ ਹੈ ਕਿ ਦੇਵਤਾ ਦਾ ਦਰਸ਼ਨ ਕਦੀ ਖਾਲੀ ਨਹੀਂ ਜਾਂਦਾ। ਹੁਣ ਤੂੰ ਜੋ ਕੁੱਝ ਮੰਗਣਾ ਹੈ ਮੰਗ ਲੈ”। ਇਹ ਸੁਣ ਕੇ ਸੁਲਸਾ ਨੇ ਆਖਿਆ, “ਤੁਸੀਂ ਮੇਰੇ ਮੱਨ ਦੀ ਗੱਲ ਜਾਣਦੇ ਹੋ ਹੁਣ ਮੈਂ ਤੁਹਾਨੂੰ ਕੀ ਆਖਾਂ " । ਦੇਵਤੇ ਨੇ ਅਪਣੇ ਗਿਆਨ ਰਾਹੀਂ ਉਸ ਦੇ ਪੁੱਤਰ ਪ੍ਰਾਪਤੀ ਦੇ ਮਨੋਰਥ ਨੂੰ ਜਾਣ ਕੇ, ਉਸ ਨੂੰ 32 ਗੋਲੀਆਂ ਦਿੰਦੇ ਹੋਏ ਆਖਿਆ, “ਇੱਕ ਇੱਕ ਗੋਲੀ ਹਰ ਰੋਜ ਖਾਵੀਂ, ਇੱਕ ਗੋਲੀ ਖਾਣ ਨਾਲ ਤੂੰ ਇੱਕ ਪੁੱਤਰ ਦੀ ਮਾਂ ਬਣੇਗੀ। ਜ਼ਰੂਰਤ ਪੈਣ ਤੇ ਤੂੰ ਜਦੋਂ ਵੀ ਮੈਨੂੰ ਯਾਦ ਕਰੇਂਗੀ, ਮੈਂ ਹਾਜ਼ਰ ਹੋਵਾਂਗਾ, ਇਹ ਆਖ ਕੇ ਦੇਵਤਾ ਚਲਾ ਗਿਆ।
ਸੁਲਸਾ ਨੇ ਸੋਚਿਆ 32 ਪੁੱਤਰ ਪੈਦਾ ਹੋਣ ਨਾਲ ਮੇਰੇ ਧਰਮ ਕਰਮ ਵਿੱਚ ਰੁਕਾਵਟ ਪੈਦਾ ਹੋਵੇਗੀ। ਜੇ ਮੇਰੇ 32 ਲੱਛਣਾਂ ਵਾਲਾ ਇੱਕ ਹੀ ਪੁੱਤਰ ਪੈਦਾ ਹੋ ਜਾਵੇ ਤਾਂ ਚੰਗਾ ਹੈ। ਇਹ ਸੋਚ ਕੇ ਉਸ ਨੇ 32 ਗੋਲੀਆਂ ਇੱਕਠੀਆਂ ਹੀ ਖਾ ਲਈਆਂ। ਗੋਲੀਆਂ ਦੇ ਅਸਰ ਨਾਲ ਸੁਲਸਾ ਨੂੰ ਇਕੋ ਸਮੇਂ 32 ਗਰਭ ਠਹਿਰ ਗਏ ਅਤੇ ਪੇਟ ਵਿੱਚ ਭਿਅੰਕਰ ਪੀੜਾ ਹੋਣ ਲੱਗੀ। ਪੀੜ ਨੂੰ ਸ਼ਾਂਤ ਕਰਨ ਲਈ ਸੁਲਸਾ ਨੇ ਦੇਵਤੇ ਨੂੰ ਯਾਦ ਕੀਤਾ।
[72]
