________________
ਹੈ। ਨਿਸ਼ਚਿਤ ਦਿਨ ਤੇ ਬੁੱਧ ਦਾਸ ਭੋਜਨ ਤੇ ਜਿਨਦਾਸ ਦੇ ਘਰ ਗਿਆ। ਭੋਜਨ ਕਰਨ ਉਪਰੰਤ, ਸੇਠ ਜਿਨਦਾਸ ਨੇ ਉਸ ਨਾਲ ਆਪਣੀ ਪੁੱਤਰੀ ਦੇ ਰਿਸ਼ਤੇ ਦੀ ਗੱਲ ਚਲਾਈ, ਕਿਉਂਕਿ ਇਕ ਪਿਤਾ ਲਈ ਪੁੱਤਰੀ ਦੀ ਸ਼ਾਦੀ ਜਿੰਦਗੀ ਦਾ ਪ੍ਰਮੁੱਖ ਫਰਜ਼ ਹੁੰਦਾ ਹੈ। ਪਹਿਲਾਂ ਤਾਂ ਬੁੱਧ ਦਾਸ ਨੇ ਨਕਲੀ ਢੰਗ ਨਾਲ ਨਾਂਹ ਨੁਕਰ ਕੀਤੀ, ਫਿਰ ਜਿਨਦਾਸ ਦੇ ਜੋਰ ਪਾਉਣ ਤੇ ਆਖਣ ਲੱਗਾ, “ਮੈਂ ਆਪ ਦਾ ਹੁਕਮ ਨਹੀਂ ਟਾਲ ਸਕਦਾ, ਕਿਉਂਕਿ ਆਪ ਨੇ ਮੇਰੀ ਧਾਰਮਿਕ ਕ੍ਰਿਆਵਾਂ ਵਿੱਚ ਬਹੁਤ ਉਪਕਾਰ ਕੀਤਾ ਹੈ ਆਪ ਮੇਰੇ ਉਪਕਾਰੀ ਹੋ”।
ਸ਼ੁੱਭ ਮਹੂਰਤ ਵੇਖ ਕੇ ਸੇਠ ਨੇ ਆਪਣੀ ਪੁੱਤਰੀ ਦੀ ਸ਼ਾਦੀ ਬੁੱਧ ਦਾਸ ਨਾਲ ਕਰ ਦਿੱਤੀ। ਬੁੱਧ ਦਾਸ ਕੁੱਝ ਸਮਾਂ ਸਹੁਰੇ ਘਰ ਰਿਹਾ ਅਤੇ ਫਿਰ ਅਪਣੇ ਘਰ ਜਾਣ ਲਈ ਜਿਨਦਾਸ ਤੋਂ ਆਗਿਆ ਮੰਗਣ ਲੱਗਾ। ਸੇਠ ਨੇ ਅਪਣੀ ਪੁੱਤਰੀ ਨੂੰ ਯੋਗ ਧਨ ਅਤੇ ਗਹਿਣੇ ਦੇ ਕੇ ਵਿਦਾ ਕੀਤਾ ਅਤੇ ਨਸੀਹਤ ਕੀਤੀ ਕਿ ਸਹੁਰੇ ਘਰ ਵਿੱਚ ਜੈਨ ਧਰਮ ਨੂੰ ਨਹੀਂ ਛੱਡਣਾ ਦੁੱਖ ਅਤੇ ਸੁੱਖ ਵਿੱਚ ਹਰ ਵੇਲੇ ਧਰਮ ਨੂੰ ਨਾਲ ਰੱਖਣਾ ਹੈ। ਕਿਸੇ ਹੋਰ ਪਾਖੰਡੀ ਦੇ ਜਾਲ ਵਿੱਚ ਫਸ ਕੇ ਮਿਥਿਆਤਵ ਨੂੰ ਨਹੀਂ ਗ੍ਰਹਿਣ ਕਰਨਾ"।
ਸੁਭੱਦਰਾ ਨੇ ਮਾਤਾ ਪਿਤਾ ਰਾਹੀਂ ਦਿੱਤੇ ਧਰਮ ਉਪਦੇਸ਼ ਨੂੰ ਧਾਰਨ ਕਰਕੇ, ਆਪਣੇ ਪਤੀ ਨਾਲ ਚੰਪਾ ਨਗਰੀ ਆ ਗਈ। ਉਹ ਹਰ ਰੋਜ ਸੱਸ ਸਹੁਰੇ ਨੂੰ ਨਮਸਕਾਰ ਕਰਕੇ, ਘਰ ਦੇ ਕੰਮ ਦੇ ਨਾਲ ਨਾਲ ਧਰਮ ਕ੍ਰਿਆਵਾਂ ਵਿੱਚ ਵੀ ਜੁਟੀ ਰਹਿੰਦੀ। ਉਹ ਘਰ ਦੇ ਕਿਸੇ ਕੰਮ ਵਿੱਚ ਧਰਮ ਕ੍ਰਿਆ ਨੂੰ ਰੁਕਾਵਟ ਨਹੀਂ ਮੰਨਦੀ ਸੀ। ਪਰ ਉਸ ਦੀ ਧਰਮ ਕ੍ਰਿਆ ਤੋਂ ਉਸ ਦੀ ਸੱਸ ਬਹੁਤ ਨਾਰਾਜ਼ ਸੀ। ਉਸ ਨੂੰ ਘਰ ਵਿੱਚ ਜੈਨ ਮੁਨੀਆਂ ਦਾ ਆਉਣਾਂ, ਸੱਤਿਸੰਗ ਵਿੱਚ ਜਾਣਾ ਅਤੇ ਜੈਨ ਮੰਦਰ ਵਿੱਚ ਜਾਣਾ ਚੰਗਾ ਨਹੀਂ ਲੱਗਦਾ ਸੀ। ਸੱਸ ਦੀ ਟੋਕਾ ਟੋਕੀ ਤੋਂ ਸੁਭੱਦਰਾ ਨੂੰ ਜਾਪਿਆ ਕਿ ਮੇਰੇ ਨਾਲ ਨਿਸ਼ਚਿਤ ਹੀ ਧੋਖਾ ਹੋਇਆ ਹੈ ਕਿਉਂਕਿ ਮੈਂ ਜਿਸ ਪਰਿਵਾਰ ਨੂੰ ਜੈਨ ਪਰਿਵਾਰ ਸਮਝਦੀ ਸੀ। ਉਹ ਪਰਿਵਾਰ ਜੈਨ ਧਰਮ ਪ੍ਰਤੀ ਡੂੰਘੀ ਨਫਰਤ
[45]
