________________
10
ਸਤੀ ਸੀਤਾ
ਸਤੀ ਸੀਤਾ ਮਿਥਲਾ ਦੇ ਰਾਜਾ ਜਨਕ ਦੀ ਪੁੱਤਰੀ ਸੀ ਅਤੇ ਉਸ ਦੀ ਸ਼ਾਦੀ ਮਰਿਆਦਾ ਪੁੱਤਰ ਰਾਮ ਨਾਲ ਹੋਈ। ਭਾਰਤੀ ਇਤਿਹਾਸ ਵਿੱਚ ਉਹ ਇੱਕ ਆਦਰਸ਼ ਸ਼ੀਲਵਤੀ ਔਰਤ ਸੀ। ਜਿਸ ਨੇ ਰਾਜ ਸੁੱਖ ਠੁਕਰਾ ਕੇ 14 ਸਾਲ ਦਾ ਬਨਵਾਸ ਭੋਗਿਆ। ਲੰਕਾ ਦੀ ਜਿੱਤ ਤੋਂ ਬਾਅਦ ਸ਼੍ਰੀ ਰਾਮ ਨੇ ਜੰਗਲ ਵਿੱਚ ਉਸ ਦੇ ਸ਼ੀਲ ਦੀ ਅਗਨੀ ਪ੍ਰੀਖਿਆ ਲਈ ਸੀ। ਰਾਮ ਨੇ ਦੁਖੀ ਹੋਕੇ ਇੱਕ ਅਗਨੀ ਕੁੰਡ ਤਿਆਰ ਕੀਤਾ। ਸੀਤਾ ਉਸ ਕੁੰਡ ਵਿੱਚ ਹੇਠ ਲਿਖੇ ਭਾਵ ਵਾਲਾ ਸਲੋਕ ਆਖਕੇ ਕੁੱਦ ਗਈ:
ਸ਼ਲੋਕ ਦਾ ਭਾਵ:
ਮਨੁ ਵਚਨ ਕਾਇਆ ਸਰੀਰ ਤੋਂ ਜਾਗਦੇ ਹੋਏ ਜਾਂ ਸੁਪਨੇ ਵਿੱਚ ਵੀ ਜੇ ਮੈਂ ਰਾਮ ਤੋਂ ਛੁੱਟ, ਕਿਸੇ ਹੋਰ ਪਰਾਏ ਪੁਰਸ਼ ਦੇ ਪ੍ਰਤੀ ਪਤੀ ਵਾਲੀ ਭਾਵਨਾ ਰੱਖੀ ਹੋਵੇ, ਤਾਂ ਹੇ ਅਗਨੀ! ਤੂੰ ਇਸ ਸਰੀਰ ਨੂੰ ਭਸਮ ਕਰਦੇ ਕਿਉਂਕਿ ਤੇਰੀ ਗਵਾਹੀ ਹਰ ਜਗ੍ਹਾ ਹੈ।
ਸਾਰੀਆਂ ਚੀਜ਼ਾਂ ਨੂੰ ਖਤਮ ਕਰਨ ਵਾਲੀ ਅੱਗ ਵੀ ਸ਼ੀਲ ਧਰਮ ਦਾ ਪਾਲਣ ਕਰਨ ਕਾਰਨ ਸੀਤਾ ਦੇ ਸਰੀਰ ਨੂੰ ਛੋਹ ਕੇ ਪਾਣੀ ਬਣ ਗਈ। ਅਜ ਵੀ ਸਾਰੀ ਦੁਨੀਆਂ ਵਿੱਚ ਸੀਤਾ ਦੇ ਜਸ ਤੇ ਸ਼ੀਲ ਦਾ ਝੰਡਾ ਲਹਿਰਾ ਰਿਹਾ ਹੈ। ਸੀਤਾ ਸਤੀ ਅਖਵਾਈ ਕਿਉਂਕਿ ਉਸ ਨੇ ਰਾਮ ਤੋਂ ਇਲਾਵਾ ਕਿਸੇ ਹੋਰ ਪੁਰਸ਼ ਨੂੰ ਚਾਹਤ ਦੀ ਭਾਵਨਾ ਨਾਲ ਨਹੀਂ ਵੇਖਿਆ।
[43]
