________________
ਨਰਮਦਾ ਸੁੰਦਰੀ ਪ੍ਰਸ਼ੰਨ ਅਤੇ ਸਮਰਿਧੀ ਵਾਲੀ ਹੋ ਗਈ ਉਸ ਨੇ ਲੰਬੇ ਸਮੇਂ ਤੱਕ ਸ਼ੀਲ ਦਾ ਪਾਲਣ ਕੀਤਾ। ਉਸ ਨੇ ਪਾਗਲਪਨ ਸਵੀਕਾਰ ਕਰਕੇ ਵੀ ਭਿੰਨ ਭਿੰਨ ਪ੍ਰਕਾਰ ਦੇ ਕਸ਼ਟ ਸਹੇ। ॥8॥
ਕਲਾਵਤੀ ਸਤੀ ਦਾ ਮੰਗਲ ਹੋਵੇ, ਰਾਜਾ ਨੇ ਜਿਸ ਦੇ ਹੱਥ ਪੈਰ ਅੰਗ ਕਟਵਾ ਕੇ ਭਿੰਅਕਰ ਜੰਗਲ ਵਿੱਚ ਛੱਡ ਦਿੱਤਾ ਸੀ ਪਰ ਸ਼ੀਲ ਦੇ ਪ੍ਰਭਾਵ ਕਾਰਨ ਸਾਰੇ ਕੱਟੇ ਅੰਗ ਫਿਰ ਨਵੇਂ ਰੂਪ ਵਿੱਚ ਪੈਦਾ ਹੋ ਗਏ। ॥9॥
ਸ਼ੀਲਵਤੀ ਸਤੀ ਦੇ ਸ਼ੀਲ ਦੇ ਵਰਨਣ ਕਰਨ ਵਿੱਚ, ਸਵਰਗ ਦੇ ਇੰਦਰ ਵੀ ਸਮਰਥ ਨਹੀਂ ਹਨ। ਰਾਜਾ ਤੇ ਰਾਣੀ ਪ੍ਰੀਖਿਆ ਦੇ ਲਈ ਰੱਖੇ ਚਾਰ ਮੰਤਰੀਆਂ ਨੂੰ ਜਿਸ ਨੇ ਵੱਸ ਵਿੱਚ ਕਰ ਲਿਆ ਅਤੇ ਆਪਣੇ ਆਪ ਨੂੰ ਬਚਾ ਕੇ ਧਰਮ ਸੁਰੱਖਿਅਤ ਰੱਖਿਆ।
10॥
ਵਰਧਮਾਨ ਮਹਾਵੀਰ ਨੇ ਜਿਸ ਦੇ ਲਈ ਉੱਤਮ ਧਰਮ ਲਾਭ (ਆਸ਼ਿਰਵਾਦ) ਦਾ ਸੁਨੇਹਾ ਦਿੱਤਾ, ਉਹ ਸੁਲਸਾ ਉਪਾਸਿਕਾ ਦੀ ਸੰਸਾਰ ਵਿੱਚ ਜੈ ਜੈ ਕਾਰ ਹੋਈ, ਜੋ ਸਰਦੀ ਰੁੱਤ ਦੇ ਚੰਦਰਮਾ ਦੀ ਤਰ੍ਹਾਂ ਸੁਧ ਸ਼ੀਲ ਗੁਣ ਧਾਰਨ ਕਰਨ ਵਾਲੀ ਸੀ। 11॥ | ਹਰੀ, ਹਰ, ਬ੍ਰਹਮਾ ਅਤੇ ਇੰਦਰ ਜਿਹੇ ਵੱਡੇ ਵੱਡੇ ਦਾ ਮਾਨ ਭੰਗ ਕਰਨ ਵਾਲਾ ਜੋ ਕਾਮ ਦੇਵ ਦਾ ਬਲ ਹੈ। ਉਸ ਕਾਮ ਦੇਵ ਦੇ ਭਿੰਅਕਰ ਘਮੰਡ ਨੂੰ ਜਿਸ ਨੇ ਕੁੱਝ ਸਮੇਂ ਵਿੱਚ ਗਾਲ ਦਿੱਤਾ, ਅਜਿਹੇ ਅਚਾਰਿਆ ਸੁਰੀਭੱਦਰ ਮੁਨੀ ਸਾਨੂੰ ਭੱਦਰਤਾ ਪ੍ਰਦਾਨ ਕਰਨ। ॥12॥
ਨੌਜਵਾਨੀ ਦੇ ਸਮੇਂ ਵਿੱਚ, ਨਵਯੁਵਤੀਆਂ ਰਾਹੀਂ ਕਾਮ ਭੋਗ ਦੀ ਬੇਨਤੀ ਕਰਨ ਤੇ ਜੋ ਮੇਰੂ ਪਰਬਤ ਦੀ ਤਰ੍ਹਾਂ ਨਿਸ਼ਚਲ ਰਹੇ, ਅਜਿਹੇ ਮਹਾ ਰਿਸਿ ਵਜਰ ਸਵਾਮੀ ਦੀ ਜੈ ਹੋਵੇ।
॥13॥
[37]
