________________
6
ਧੰਨਾ ਸਾਰਥਵਾਹ (ਵਿਉਪਾਰੀ)
ਪੁਰਾਣੇ ਸਮੇਂ ਵਿੱਚ ਜੋ ਵਿਉਪਾਰੀ ਕਾਫਲਾ ਬਣਾਕੇ ਵਿਉਪਾਰ ਕਰਨ ਬਾਹਰਲੇ ਦੇਸ਼ਾਂ ਵਿੱਚ ਜਾਂਦੇ ਸਨ ਉਹਨਾਂ ਦੇ ਮੁਖੀ ਨੂੰ ਸਾਰਥਵਾਹ ਆਖਿਆ ਜਾਂਦਾ ਸੀ। ਸਾਰੇ ਲੋਕ ਇੱਕ ਮੁਖੀ ਦੀ ਆਗਿਆ ਹੇਠ ਚੱਲਦੇ ਸਨ। ਅਜਿਹੇ ਹੀ ਇੱਕ ਮੁਖੀ ਦਾ ਨਾਂ ਧੰਨਾ ਸਾਰਥਵਾਹ ਸੀ। ਜੋ ਕੱਸਤਿ ਪ੍ਰਤਿਸ਼ਠ ਨਗਰ ਵਿੱਚ ਰਹਿੰਦਾ ਸੀ। ਉੱਥੇ ਦਾ ਰਾਜਾ ਪ੍ਰਸੰਨ ਚੰਦਰ ਸੀ ਜੋ ਪਰਜਾ ਪਾਲਕ ਅਤੇ ਨਿਆਂ ਕਰਨ ਵਾਲਾ ਮੰਨਿਆ ਜਾਂਦਾ ਸੀ। ਧੰਨਾ ਅਪਣੇ ਵਿਉਪਾਰ ਲਈ ਸਾਰੇ ਦੇਸ਼ ਵਿੱਚ ਪ੍ਰਸਿੱਧ ਸੀ।
ਇੱਕ ਵਾਰ ਉਸ ਦੇ ਮਨ ਵਿੱਚ ਵਿਦੇਸ਼ ਵਿੱਚ ਜਾ ਕੇ ਵਿਉਪਾਰ ਕਰਨ ਦੀ ਇੱਛਾ ਹੋਈ ਤਾਂ ਪ੍ਰੰਪਰਾ ਅਨੁਸਾਰ ਉਸ ਨੇ ਨਗਰ ਵਿੱਚ ਢੰਡੋਰਾ ਪਿਟਵਾ ਦਿਤਾ ਕਿ ਮੈਂ ਵਿਦੇਸ਼ ਵਿਉਪਾਰ ਲਈ ਜਾ ਰਿਹਾ ਹਾਂ ਜੋ ਵੀ ਮੇਰੇ ਨਾਲ ਜਾਣਾ ਚਾਹੇ ਜਾ ਸਕਦਾ ਹੈ, ਉਸ ਦਾ ਸਾਰਾ ਖਰਚ ਮੈਂ ਆਪ ਕਰਾਂਗਾ।
ਉਸ ਦੀ ਇਸ ਘੋਧਣਾ ਨੂੰ ਸੁਣ ਕੇ ਬਹੁਤ ਸਾਰੇ ਵਿਉਪਾਰੀ ਅਤੇ ਕੰਮਕਾਜੀ ਲੋਕ ਉਸ ਦੇ ਕਾਫਲੇ ਵਿੱਚ ਸ਼ਾਮਲ ਹੋ ਗਏ। ਚੱਲਣ ਦਾ ਸ਼ੁੱਭ ਮਹੂਰਤ ਨਜਦੀਕ ਹੀ ਸੀ। ਕਿ ਉਸ ਸ਼ਹਿਰ ਵਿੱਚ ਧਰਮ ਪ੍ਰਚਾਰ ਕਰਦੇ ਹੋਏ ਧਰਮ ਘੋਸ਼ ਨਾਂ ਦੇ ਅਚਾਰਿਆ ਆਪਣੇ ਚੇਲਿਆਂ ਨਾਲ ਇੱਕ ਬਾਗ ਵਿੱਚ ਪਧਾਰੇ। ਸਾਰਥਵਾਹ ਨੇ ਵਿਧਿ ਪੂਰਵਕ ਅਚਾਰਿਆ ਨੂੰ ਵੰਦਨਾ ਨਮਸਕਾਰ ਕੀਤੀ ਅਤੇ ਆਉਣ ਦਾ ਉਦੇਸ਼ ਪੁਛਿਆ। ਅਚਾਰਿਆ ਨੇ ਉੱਤਰ ਦਿਤਾ ਅਸੀਂ ਤੇਰੇ ਨਾਲ ਬਸੰਤਪੁਰ ਜਾਣ ਲਈ ਆਏ ਹਾਂ।
ਸਾਰਥਵਾਹ ਨੂੰ ਅਚਾਰਿਆ ਨੇ ਜੈਨ ਮੁਨੀ ਦੇ ਭੋਜਨ ਲੈਣ ਦੀ ਵਿਧਿ ਸਮਝਾ ਦਿੱਤੀ। ਇੱਕ ਵਾਰ ਸੇਠ ਪੱਕੇ ਹੋਏ ਅੰਬ ਥਾਲੀ ਵਿੱਚ ਲੈ ਕੇ ਅਚਾਰਿਆ ਕੋਲ ਆਇਆ [26]
