________________
ਮੁਨੀ ਵਿਸ਼ਨੂੰ ਕੁਮਾਰ ਨੇ ਫੇਰ ਆਖਿਆ, “ਜੇ ਤੁਸੀ ਆਖੋਂ ਤਾਂ ਅਸੀ ਸ਼ਹਿਰ ਛੱਡ ਕੇ ਬਾਹਰ ਰਹਿ ਸਕਦੇ ਹਾਂ”। ਨਮੂਚੀ ਨੇ ਗੁੱਸੇ ਨਾਲ ਲਾਲ ਪੀਲੇ ਹੁੰਦੇ ਹੋਏ ਆਖਿਆ, “ਇਹਨਾਂ ਪਾਖੰਡੀਆਂ ਨੂੰ ਮੈਂ ਇਕ ਪਲ ਵੀ ਸਹਿਣ ਕਰਨ ਲਈ ਤਿਆਰ ਨਹੀਂ। ਜੇ ਜਾਨ ਪਿਆਰੀ ਹੈ ਤਾਂ ਹੁਣ ਛੇਤੀ ਹੀ ਮੇਰੇ ਰਾਜ ਤੋਂ ਬਾਹਰ ਨਿਕਲ ਜਾਉ”। ਮੰਤਰੀ ਨਮੂਚੀ ਦੀ ਗੱਲ ਸੁਣ ਕੇ ਮੁਨੀ ਵਿਸ਼ਨੂ ਕੁਮਾਰ ਨੂੰ ਗੁੱਸਾ ਆ ਗਿਆ। ਜੇ ਤੁਸੀ ਜਿਆਦਾ ਨਹੀਂ ਤਾਂ ਮੇਰੀ ਗੱਲ ਮੰਨ ਕੇ ਮੈਨੂੰ ਤਿੰਨ ਪੈਰ ਧਰਤੀ ਰਹਿਣ ਲਈ ਦੇਵੋ। ਨਮੂਚੀ ਨੇ ਉੱਤਰ ਦਿੱਤਾ, “ਜੇ ਇਸ ਤੋਂ ਜਿਆਦਾ ਧਰਤੀ ‘ਤੇ ਮੈਂ ਕਿਸੇ ਨੂੰ ਵੇਖਿਆ ਤਾਂ ਉਸ ਦਾ ਸਿਰ ਕੱਟ ਦੇਵਾਂਗਾ”।
ਮੁਨੀ ਵਿਸ਼ਨੂ ਕੁਮਾਰ ਆਪਣੀ ਤੱਪਸਿਆ ਰਾਹੀਂ ਪ੍ਰਾਪਤ ਕੀਤੀ ਲੱਬਦੀ ਰਾਹੀਂ ਆਪਣਾ ਸਰੀਰ ਵਧਾਉਣਾ ਸੁਰੂ ਕਰ ਦਿੰਦੇ ਹਨ। ਉਸ ਦੇ ਵਿਰਾਟ ਰੂਪ ਨੂੰ ਵੇਖ ਕੇ ਸਾਰੇ ਡਰ ਗਏ। ਨਮੂਚੀ ਵੀ ਉਸ ਦੇ ਪੈਰਾਂ ਵਿੱਚ ਗਿਰ ਕੇ ਖਿਮਾ ਮੰਗਣ ਲੱਗ ਗਿਆ। ਇਸ ਪ੍ਰਕਾਰ ਸੰਘ ਤੇ ਆਇਆ ਕਸ਼ਟ ਮੁਨੀ ਵਿਸ਼ਨੂ ਕੁਮਾਰ ठे ਦੂਰ ਕੀਤਾ। ਤੱਪਸਿਆ ਕਾਰਨ
ਉਹਨਾਂ ਬਾਕੀ ਕਰਮਾ ਦਾ ਨਾਸ਼ ਕਰਕੇ ਮੋਕਸ਼ ਪ੍ਰਾਪਤ ਕੀਤਾ।
ਤੱਪਸਿਆ ਕਾਰਨ ਉਹ ਸਿੱਧ ਬੁੱਧ ਮੁਕਤ ਹੋ ਗਏ। ਚੱਕਰਵਰਤੀ ਮਹਾਂਪਦਮ ਵੀ ਰਾਜ ਪਾਟ ਛੱਡਕੇ ਸਾਧੂ ਬਣ ਗਿਆ ਅਤੇ ਉਸ ਨੇ ਵੀ ਅਪਣੇ ਜੀਵਨ ਦਾ ਕਲਿਆਣ ਕੀਤਾ। ਇਸ ਸਭ ਕੁੱਝ ਰਿਧੀਆਂ ਸਿਧੀਆਂ ਸ਼ੁਧ ਤੱਪਸਿਆ ਦਾ ਹੀ ਫਲ ਹੈ।
[163]
