________________
ਮਹਾਂਪਦਮ ਨੌਵਾਂ ਚੱਕਰਵਰਤੀ ਸੀ। ਮੁਨੀ ਵਿਸ਼ਨੂਕੁਮਾਰ ਨੇ ਸਾਧੂ ਬਣਦੇ ਹੀ ਘੋਰ ਤੱਪਸਿਆ ਸ਼ੁਰੂ ਕਰ ਦਿਤੀ। ਉਹਨਾਂ ਨੂੰ ਬਹੁਤ ਸਾਰੀਆਂ ਦੈਵੀ ਸ਼ਕਤੀਆਂ ਪ੍ਰਾਪਤ ਹੋ ਗਈਆਂ। | ਕੁੱਝ ਸਮਾਂ ਬੀਤਨ ਤੇ ਸੁਵੱਰਤਾਚਾਰਿਆ ਫੇਰ ਹਸਤਿਨਾਪੁਰ ਪਧਾਰੇ। ਉਹਨਾਂ ਨੂੰ ਵੇਖ ਕੇ ਨਮੂਚੀ ਦਾ ਪੁਰਾਣਾ ਵੈਰ ਜਾਗ ਉਠਿਆ ਬਦਲਾ ਲੈਣ ਦੇ ਉਦੇਸ਼ ਨਾਲ, ਉਸ ਨੇ ਰਾਜਾ ਪਦਮੋਤਰ ਰਾਹੀਂ ਦਿਤਾ ਵਰ ਮਹਾਂਪਦਮ ਤੋਂ ਮੰਗਿਆ। ਮਹਾਂਪਦਮ ਨੇ ਉਸ ਦੀ ਗੱਲ ਸਵੀਕਾਰ ਕਰ ਲਈ। ਨਮੂਚੀ ਨੇ ਆਖਿਆ, “ਮੈਂ ਵੈਦਿਕ ਢੰਗ ਨਾਲ ਯੱਗ ਕਰਨਾ ਚਾਹੁੰਦਾ ਹਾਂ ਆਪ ਕੁੱਝ ਦਿਨਾਂ ਲਈ ਮੈਨੂੰ ਅਪਣਾ ਰਾਜ ਦੇ ਦਿਉ। ਮਹਾਂਪਦਮ ਨੇ ਮੰਤਰੀ ਦੀ ਗੱਲ ਸਵੀਕਾਰ ਕਰ ਲਈ। ਮੰਤਰੀ ਦੇ ਰਾਜਾ ਬਣਨ ਤੇ ਉਸ ਨੂੰ ਬਹੁਤ ਸਾਰੇ ਲੋਕ ਵਧਾਈ ਦੇਣ ਲਈ ਆਏ। ਪਰ ਕੋਈ ਜੈਨ ਸੰਤ ਉਸ ਕੋਲ ਵਧਾਈ ਦੇਣ ਲਈ ਨਹੀਂ ਆਇਆ। ਕਿਉਂਕਿ ਵਧਾਈ ਆਦਿ ਦੇਣਾ ਜੈਨ ਸਾਧੂ ਦੀ ਮਰਿਆਦਾ ਨਹੀਂ। ਇਸੇ ਗਲਤੀ ਨੂੰ ਲੈ ਕੇ ਨਮੂਚੀ ਨੇ ਜੈਨ ਸਾਧੂਆਂ ਨੂੰ ਬੁਲਾਇਆ ਅਤੇ ਆਖਿਆ, “ਤੁਸੀਂ ਸਾਰੇ ਗੰਦੇ ਰਹਿੰਦੇ ਹੋ ਸੰਸਾਰ ਦੀ ਮਰਿਆਦਾ ਦਾ ਪਾਲਣ ਨਹੀਂ ਕਰਦੇ ਹੋ, ਸਭ ਲੋਕ ਮੈਨੂੰ ਵਧਾਈ ਦੇਣ ਲਈ ਆਏ ਪਰ ਤੁਸੀਂ ਕਿਉਂ ਨਹੀਂ ਆਏ ਹੁਣ ਛੇਤੀ ਤੋਂ ਛੇਤੀ ਮੇਰਾ ਦੇਸ਼ ਛੱਡ ਕੇ ਚਲੇ ਜਾਉ”।
ਇਹ ਗਲ ਸੁਣ ਕੇ ਆਚਾਰਿਆ ਨੇ ਆਖਿਆ, “ਮਹਾਰਾਜ ! ਜੈਨ ਮੁਨੀਆਂ ਵਿੱਚ ਅਜਿਹੀ ਕੋਈ ਪ੍ਰੰਪਰਾ ਨਹੀਂ ਹੈ, ਅਸੀਂ ਲਾਭ ਹਾਨੀ ਦੀ ਚਿੰਤਾ ਨਹੀਂ ਕਰਦੇ। ਅਸੀਂ ਕੋਈ ਰਾਜ ਨਿਯਮ ਦੇ ਵਿਰੁੱਧ ਕੰਮ ਨਹੀਂ ਕੀਤਾ। ਅਸੀਂ ਆਪ ਦੇ ਰਾਜ ਵਿੱਚ ਸੰਜਮੀ ਜੀਵਨ ਗੁਜਾਰਦੇ ਹਾਂ, ਅਜਿਹੀ ਹਾਲਤ ਵਿੱਚ ਸਾਨੂੰ ਦੇਸ਼ ਨਿਕਾਲੇ ਦਾ ਹੁਕਮ ਕਿਸੇ ਵੀ ਤਰ੍ਹਾਂ ਨਾਲ ਠੀਕ ਨਹੀਂ ਹੈ। ਜੇਕਰ ਆਪ ਨੇ ਸਾਨੂੰ ਬਾਹਰ ਕਰਨਾ ਹੀ ਹੈ ਤਾਂ ਚੋਮਾਸਾ (ਵਰਖਾ ਕਾਲ) ਬੀਤਨ ਤੋਂ ਬਾਅਦ ਅਸੀਂ ਆਪਣੇ ਆਪ ਹੀ ਚਲੇ ਜਾਵਾਗੇ। ਨਮੂਚੀ ਕਰੋਧਿਤ ਹੋ ਗਿਆ
[161}
