________________
ਰਿਸ਼ਤੇਦਾਰਾਂ ਦਾ ਪਿਆਰ ਮੈਨੂੰ ਇਹ ਬੰਧਨ ਤੋੜਨ ਵਿੱਚ ਸਹਾਇਤਾ ਨਹੀਂ ਕਰ ਰਿਹਾ। ਇਸ ਲਈ ਮੈਨੂੰ ਕਰਮ ਰੂਪੀ ਦਲਦਲ ਨੂੰ ਹਟਾਉਣ ਲਈ ਰਾਗ ਦਾ ਤਿਆਗ ਕਰਨਾ ਚਾਹੀਦਾ ਹੈ। ਸਾਰੇ ਪਾਪਕਾਰੀ ਕੰਮਾਂ ਨੂੰ ਛੱਡ ਕੇ ਉਹ ਭਾਵ (ਅੰਦਰਲੀ) ਸੰਜਮ ਦੀ ਸਾਧਨਾ ਕਰਨ ਲੱਗਾ। ਉਸ ਨੇ ਮੋਨ ਵਰਤ ਧਾਰਨ ਕਰਕੇ ਕਾਮ ਭੋਗਾਂ ਨੂੰ ਛੱਡ ਦਿੱਤਾ ਅਤੇ ਭੋਜਨ ਦਾ ਤਿਆਗ ਵੀ ਕਰ ਦਿੱਤਾ। ਮਾਤਾ ਪਿਤਾ ਨੂੰ ਰਾਜਕੁਮਾਰ ਦੇ ਇਸ ਪ੍ਰਕਾਰ ਭੋਜਨ ਛੱਡਣ ਤੇ ਬਹੁਤ ਦੁੱਖ ਹੋਇਆ। ਉਹਨਾਂ ਪੁੱਤਰ ਨੂੰ ਸਮਝਾਉਣ ਲਈ ਸ਼ਹਿਰ ਦੇ ਇਭੈਪੁਤਰ ਨਾਂ ਦੇ ਜੈਨ ਉਪਾਸ਼ਕ ਨੂੰ ਬੁਲਾਇਆ ਅਤੇ ਉਸ ਨੂੰ ਸਾਰੀ ਗੱਲ ਦੱਸਦਿਆਂ ਆਖਿਆ ਕਿ ਆਪ ਰਾਜਕੁਮਾਰ ਨੂੰ ਸਮਝਾ ਕੇ ਭੋਜਨ ਕਰਨ ਲਈ ਮਨਾਉ। ਉਪਾਸ਼ਕ ਨੇ ਰਾਜੇ ਨੂੰ ਵਿਸ਼ਵਾਸ ਦਿਲਾਇਆ ਕਿ ਮੈਂ ਹਰ ਸੰਭਵ ਯਤਨ ਕਰਾਂਗਾ ਕਿ ਰਾਜਕੁਮਾਰ ਭੋਜਨ ਕਰ ਲਵੇ ॥
ਉਹ ਇਭੈਪੁਤਰ ਸ਼ਿਵ ਕੁਮਾਰ ਕੋਲ ਵਿਧੀ ਪੂਰਵਕ ਧਰਮ ਅਰਾਧਨਾ ਕਰਨ ਬੈਠ ਗਿਆ। ਸ਼ਿਵ ਕੁਮਾਰ ਨੇ ਵੀ ਸੋਚਿਆ ਕਿ ਇਹ ਉਪਾਸ਼ਕ ਬਿਨੈ ਪੱਖੋਂ ਸਾਧੂ ਦੀ ਤਰ੍ਹਾਂ ਹੈ। ਮੈਂ ਇਸ ਤੋਂ ਕੁੱਝ ਜਾਣਕਾਰੀ ਲਵਾਂ। ਸ਼ਿਵ ਕੁਮਾਰ ਨੇ ਆਖਿਆ, “ਇਭੈਪੁਤਰ ! ਮੈਂ ਸਾਗਰਾਤ ਗੁਰੂ ਦੇ ਕੋਲ ਰਹਿੰਦੇ ਸਾਧੂਆਂ ਦੇ ਬਿਨੈ ਪਾਲਣ ਨੂੰ ਵੇਖਿਆ ਹੈ। ਤੁਸੀ ਅਜਿਹਾ ਕਰਕੇ ਕੁਝ ਗਲਤ ਤਾਂ ਨਹੀਂ ਕਰ ਰਹੇ ? ਇਸ ਦੇ ਉੱਤਰ ਵਿੱਚ ਉਪਾਸ਼ਕ ਨੇ ਆਖਿਆ, “ਰਾਜਕੁਮਾਰ ਜੈਨ ਧਰਮ ਵਿੱਚ ਤੀਰਥੰਕਰਾਂ ਨੇ ਦੋ ਪ੍ਰਕਾਰ ਦਾ ਧਰਮ ਦੱਸਿਆ ਹੈ। ਪਹਿਲਾ ਧਰਮ ਸਾਧੂ ਦਾ ਹੈ ਜੋ ਪੰਜ ਮਹਾਂਵਰਤ, ਪੰਜ ਸਮਿਤੀ ਅਤੇ ਪੰਜ ਗੁਪਤੀ ਦਾ ਪਾਲਣ ਕਰਦੇ ਹਨ। ਦੂਸਰਾ ਧਰਮ ਉਪਾਸ਼ਕ ਦਾ ਹੈ, ਜੋ ਘਰ ਵਿੱਚ ਰਹਿੰਦੇ ਹੋਏ 12 ਵਰਤਾਂ ਦੀ ਉਪਾਸ਼ਨਾ ਕਰਦੇ ਹਨ। ਸਾਧੂ ਮਹਾਂਵਰਤੀ ਹਨ ਅਤੇ ਉਪਾਸ਼ਕ ਅਨੁਵਰਤੀ, ਤੁਸੀਂ ਵੀ ਸਭਾਵ ਕਾਰਨ ਨਮਸਕਾਰ ਕਰਨ ਯੋਗ ਹੋ।
[152]