________________
ਬ੍ਰਹਮਣ ਦੀ ਹੱਤਿਆ ਕਰਦੇ ਤੇਰੇ ਹੱਥ ਕਿਉਂ ਨਾ ਕੱਟ ਗਏ”। ਫੇਰ ਉਸ ਨੇ ਉਸ ਗਰਭਵਤੀ ਬ੍ਰਾਹਮਣੀ ਨੂੰ ਵੀ ਮਾਰ ਦਿਤਾ। ਗਰਭਵਤੀ ਬ੍ਰਾਹਮਣੀ ਦੇ ਪੇਟ ਵਿੱਚ ਤੜਪਦੇ ਬੱਚੇ ਨੂੰ ਵੇਖ ਕੇ ਉਸ ਦਾ ਮਨ ਬਦਲ ਗਿਆ ਅਤੇ ਉਹ ਵੇਰਾਗੀ ਹੋ ਗਿਆ। ਉਹ ਜੰਗਲ ਵੱਲ ਜਾਣ ਲੱਗਾ, ਰਾਹ ਵਿੱਚ ਕੁੱਝ ਸੰਜਮੀ ਮੁਨੀਆਂ ਨੂੰ ਵੇਖਕੇ ਦਰਿੜ ਪ੍ਰਹਾਰੀ ਨੇ ਉਹਨਾਂ ਨੂੰ ਘੇਰਿਆ ਅਤੇ ਉਪਦੇਸ਼ ਦੇਣ ਲਈ ਆਖਿਆ। ਮੁਨੀ ਰਾਜ ਨੇ ਧਰਮ ਉਪਦੇਸ਼ ਦਿਤਾ! ਮੁਨੀ ਦੇ ਉਪਦੇਸ਼ ਤੋਂ ਪ੍ਰਭਾਵਿਤ ਹੋ ਕੇ ਉਸ ਨੂੰ ਡੂੰਘਾ ਪਸਚਾਤਾਪ ਹੋਇਆ। ਉਸ ਨੇ ਸਾਧੂ ਜੀਵਨ ਗ੍ਰਹਿਣ ਕੀਤਾ ਅਤੇ ਨਿਮਰਤਾ ਨਾਲ ਅਪਣੇ ਗੁਰੂਆਂ ਦੀ ਸੇਵਾ ਕੀਤੀ।
ਕਠੋਰ ਤੱਪ ਵਿੱਚ ਰਹਿਕੇ ਅਤੇ ਅਪਣੇ ਰਿਸ਼ਤੇਦਾਰਾਂ ਰਾਹੀਂ ਦਿਤੇ ਗਏ, ਭਿੰਨ ਭਿੰਨ ਕਸ਼ਟਾਂ ਨੂੰ ਸਹਿਂਦੇ ਹੋਏ ਉਸ ਨੇ ਛੇ ਮਹੀਨੀਆਂ ਵਿੱਚ ਹੀ ਉਸ ਨੇ ਅਪਣੇ ਕਰਮਾਂ ਦਾ ਅੰਤ ਕਰਕੇ ਕੇਵਲ ਗਿਆਨ ਪ੍ਰਾਪਤ ਕਰ ਲਿਆ। ਅਗਿਆਨ ਅਵੱਸਥਾ ਵਿੱਚ ਜਿੱਥੇ ਉਹ ਕਰਮ ਵਿੱਚ ਸੂਰਵੀਰ ਸੀ। ਗਿਆਨ ਹੁੰਦੇ ਹੀ ਉਹ ਤੱਪ ਸੂਰਮਾ ਬਣ ਗਿਆ। ਬਹੁਤ ਥੋੜੇ ਸਮੇਂ ਵਿੱਚ ਹੀ ਸਾਰੇ ਕਰਮਾਂ ਦਾ ਖਾਤਮਾ ਕਰਕੇ ਮੋਕਸ਼ ਦਾ ਅਧਿਕਾਰੀ ਬਣਿਆ। ਭਾਵ ਸਿੱਧ ਬੁੱਧ ਮੁਕਤ ਹੋ ਗਿਆ।
ਇਹ ਤੱਪਸਿਆ ਦੀ ਖੂਬੀ ਹੈ ਕਿ ਜੋ ਪਾਪੀ ਆਦਮੀ ਨੂੰ ਵੀ ਸਿੱਧ ਕਰ ਦਿੰਦੀ ਹੈ। ਤੱਪਸਿਆ ਕਾਰਨ ਸਰੀਰ ਨਿਰਮਲ ਅਤੇ ਸੋਨੇ ਜਿਹਾ ਚਮਕਦਾਰ ਬਣ ਜਾਂਦਾ ਹੈ। ਇਹ ਤੱਪਸਿਆ ਦਾ ਪ੍ਰਭਾਵ ਹੈ। ਦਰਿੜ ਪ੍ਰਹਾਰੀ ਚੋਰ ਜਿਸ ਨੇ ਆਪਣੇ ਪਹਿਲੇ ਜੀਵਨ ਵਿੱਚ ਗਾਂ, ਬ੍ਰਾਹਮਣ, ਗਰਭਵਤੀ ਇਸਤਰੀ ਦਾ ਘਾਤ ਅਤੇ ਚੋਰੀ ਜਿਹੇ ਪਾਪ ਕਰਮ ਕੀਤੇ ਸਨ। ਉਹ ਵੀ ਤੱਪ ਦੇ ਪ੍ਰਭਾਵ ਕਾਰਨ ਛੇਤੀ ਹੀ ਕੇਵਲ ਗਿਆਨ ਕਰਕੇ ਮੁਕਤੀ ਦਾ ਪਾਤਰ ਬਣਿਆ।
[132]
