________________
ਸ਼੍ਰੇਣਿਕ ਰਾਜਾ ਦੇ ਸਾਹਮਣੇ ਜਿਸ ਤੱਪ ਦੀ ਭਗਵਾਨ ਮਹਾਵੀਰ ਨੇ ਪ੍ਰਸ਼ੰਸਾ ਕੀਤੀ, ਉਹ ਧੰਨਾ ਮੁਨੀ ਧਨਵਾਦ ਯੋਗ ਹੈ। ਸੇਠ ਸ਼ਾਲੀਭੱਦਰ ਦੇ ਬਹਨੋਈ ਅਤੇ ਕਾਕੰਦੀ ਨਗਰੀ ਦੇ ਧੰਨਾ ਦੋਹਾਂ ਨੇ ਪੰਜਵੇਂ ਅਨੁਤਰ ਸਰਵਾਰਥ ਸਿੱਧ ਵਿਮਾਨ ਨੂੰ ਪ੍ਰਾਪਤ ਕੀਤਾ।
|| 14 ||
ਰਿਸ਼ਭ ਪੁੱਤਰੀ ਸੁੰਦਰੀ ਸਤੀ ਦਾ ਲਗਾਤਾਰ ਆਯੰਵਲ ਤੱਪ ਜੋ 60 ਹਜਾਰ ਸਾਲ ਚੱਲਿਆ। ਇਹ ਸੁਣ ਕੇ ਕਿਸ ਦਾ ਹਿਰਦਾ ਨਹੀਂ ਕੰਬੇਗਾ, ਇਹ ਕਿਨ੍ਹਾਂ ਕਠੋਰ ਤੱਪ ਹੈ।
|| 15 ||
ਸ਼ਿਵ ਕੁਮਾਰ ਨੇ 12 ਸਾਲ ਤੱਕ ਆਯੰਵਲ ਤੱਪ ਕੀਤਾ, ਉਸ ਨੂੰ ਜੰਬੂ ਕੁਮਾਰ ਦੇ ਰੂਪ ਵਿੱਚ ਦੇਖ ਕੇ, ਕੌਣਿਕ ਰਾਜਾ ਹੈਰਾਨ ਹੋ ਗਿਆ। ॥16॥
ਜਿਨ ਕਲਪੀ (ਜੈਨ ਮੁਨੀ ਦੀ ਇੱਕ ਕਿਸਮ) ਅਤੇ ਪ੍ਰਹਾਰ ਤੱਪ ਕਰਨ ਵਾਲੇ ਪ੍ਰਤਿਮਾ ਧਾਰੀ ਯਥਾਲੰਦਕ ਤੱਪ ਵਾਲੇ ਤਪਸਵੀ ਜੀਵਨ ਨੂੰ ਸੁਣਕੇ ਕੌਣ ਦੂਸਰੇ ਤੱਪ ਦਾ ਅਹੰਕਾਰ ਕਰੇਗਾ? ॥17॥
ਮਹੀਨਾ ਅਤੇ ਪੰਦਰਾਂ ਦਿਨ ਦੀ ਤੱਪਸਿਆ ਕਰਨ ਵਾਲੇ ਬਲਭੱਦਰ ਮੁਨੀ ਸੁੰਦਰ ਹੁੰਦੇ ਹੋਏ ਵੀ ਤਿਆਗੀ ਹੋ ਗਏ। ਉਸ ਜੰਗਲ ਵਿੱਚ ਰਹਿਣ ਵਾਲੇ ਮੁਨੀ ਨੇ ਹਜਾਰਾਂ ਹਿੰਸਕ ਪਸ਼ੂਆਂ ਨੂੰ ਗਿਆਨ ਦਿੱਤਾ, ਉਹਨਾਂ ਦੀ ਜੈ ਹੋਵੇ। ॥18॥
ਜਮੀਨ ਕੰਬ ਗਈ, ਸਮੁੰਦਰ ਦਾ ਪਾਣੀ ਚੰਚਲ ਹੋ ਗਿਆ, ਹਿਮਾਲਿਆ ਪਰਬਤ ਡੋਲਣ ਲੱਗੇ ਇਸ ਪ੍ਰਕਾਰ ਜਿਸ ਵਿਸ਼ਨੂੰ ਕੁਮਾਰ ਮੁਨੀ ਨੇ ਸੰਘ ਦੀ ਰੱਖਿਆ ਲਈ ਜਿੱਤ ਹਾਸਲ ਕੀਤੀ ਉਹ ਤੱਪਸਿਆ ਦਾ ਹੀ ਫਲ ਹੈ। ॥19॥
ਜਿਆਦਾ ਕੀ ਆਖਿਏ ਜਿਸ ਕਿਸੇ ਨੂੰ ਜਿੱਥੇ ਵੀ ਕਿਸੇ ਪ੍ਰਕਾਰ ਦਾ ਸੰਸਾਰਿਕ ਸੁੱਖ ਵਿਖਾਈ ਦਿੰਦਾ ਹੈ। ਉਹ ਸਭ ਦਾ ਕਾਰਨ ਤੱਪਸਿਆ ਹੈ ॥20॥
[115]
