________________
ਗਿਆ ਕਿਉਂਕਿ ਇਹ ਫੁਲਾਂ ਜਿਹਾ ਸਰੀਰ ਹੱਡੀਆਂ ਦਾ ਢਾਂਚਾ ਰਹਿ ਗਿਆ ਸੀ। ਸੁੰਦਰੀ ਦਾ ਆਕਰਸ਼ਨ ਖਤਮ ਹੋ ਚੁੱਕਾ ਸੀ, ਭਰਤ ਨੂੰ ਇਹ ਵੇਖ ਕੇ ਬਹੁਤ ਦੁੱਖ ਹੋਇਆ ਅਤੇ ਉਸਦੀ ਜਿੱਤ ਦਾ ਨਸ਼ਾ ਉੱਤਰ ਗਿਆ। ਉਸ ਨੇ ਸੋਚਿਆ, “ਇਹ ਦੇਵੀ ਨੇ ਉੱਚੇ ਤੱਪ ਰਾਹੀਂ ਪਿਛਲੇ ਕੀਤੇ ਕਰਮਾਂ ਨੂੰ ਖਤਮ ਕਰਕੇ ਮੋਕਸ਼ ਪ੍ਰਾਪਤ ਕਰਨ ਦੀ ਯਾਤਰਾ ਸ਼ੁਰੂ ਕੀਤੀ ਹੈ। ਮੈਂ ਇਸਦੀ ਧਰਮ ਯਾਤਰਾ ਵਿੱਚ ਰੁਕਾਵਟ ਬਣਿਆ ਰਿਹਾ ਹਾਂ”। ਆਪਸੀ ਹਾਲ ਚਾਲ ਪੁੱਛਣ ਤੋਂ ਬਾਅਦ ਭਰਤ ਨੇ ਸੁੰਦਰੀ ਨੂੰ ਆਖਿਆ, “ਦੇਵੀ ਮੈਂ ਤੈਨੂੰ ਨਹੀਂ ਸਮਝ ਸਕਿਆ ਜੇ ਤੂੰ ਸੰਜਮ ਪ੍ਰਤੀ ਇੰਨੀ ਤੇਜ ਇੱਛਾ ਰੱਖਦੀ ਸੀ ਤਾਂ ਮੈਂ ਤੈਨੂੰ ਪਹਿਲਾਂ ਹੀ ਸਾਧਵੀ ਬਣਨ ਦੀ ਇਜਾਜਤ ਦੇ ਦਿੰਦਾ”। ਇਹ ਸੁਣ ਕੇ ਸੁੰਦਰੀ ਨੇ ਆਖਿਆ, “ਤੁਸੀ ਹੁਣ ਆਗਿਆ ਦੇ ਦੇਵੋ ਮੈਂ ਸਾਧਵੀ ਬਣਨਾ ਹੈ”।
ਸੁੰਦਰੀ ਦੇ ਚੰਗੇ ਭਾਗ ਸਨ ਪਹਿਲੇ ਤੀਰਥੰਕਰ ਭਗਵਾਨ ਰਿਸਭਦੇਵ ਆਯੋਧੀਆ ਨਗਰੀ ਵਿੱਚ ਪਧਾਰੇ ਹੋਰ ਲੋਕਾਂ ਦੀ ਤਰ੍ਹਾਂ ਸੁੰਦਰੀ ਅਤੇ ਭਰਤ ਵੀ ਦਰਸ਼ਨ ਤੇ ਧਰਮ ਉਪਦੇਸ਼ ਸੁਣਨ ਲਈ ਆਏ। ਭਰੀ ਸਭਾ ਵਿੱਚ ਭਗਵਾਨ ਦਾ ਉਪਦੇਸ਼ ਸੁਣਨ ਤੋਂ ਬਾਅਦ ਸੁੰਦਰੀ ਨੇ ਆਖਿਆ, “ਪ੍ਰਭੂ! ਮੈਨੂੰ ਦੀਖਿਆ ਪ੍ਰਦਾਨ ਕਰਨ ਦੀ ਕ੍ਰਿਪਾ ਕਰੋ”। ਇਸ ਪ੍ਰਕਾਰ ਵਿਸ਼ਾਲ ਸੁੱਖ, ਸੁੰਦਰਤਾ ਦਾ ਮੋਹ ਛੱਡ ਕੇ ਸੁੰਦਰੀ ਨੇ ਸਾਧਵੀ ਜੀਵਨ ਗ੍ਰਹਿਣ ਕੀਤਾ। ਉਹ ਬਾਲ ਬ੍ਰਹਮਚਾਰਨੀ ਰਹੀ। ਉਸ ਨੇ ਅਨਮੋਲ ਉਪਦੇਸ਼ ਰਾਹੀਂ ਸੰਸਾਰ ਤੇ ਉਪਕਾਰ ਕੀਤਾ। ਸ਼ੀਲ ਧਰਮ ਦਾ ਪਾਲਣ ਕਰਕੇ ਮਹਾਂਸਤੀ ਨੇ ਆਤਮ ਕਲਿਆਨ ਕੀਤਾ ਅਤੇ ਅੰਤ
ਸਮੇਂ ਉਸ ਨੇ ਸ਼ੀਲ ਦੇ ਪ੍ਰਭਾਵ ਕਾਰਨ ਮੋਕਸ਼ ਪ੍ਰਾਪਤ ਕੀਤਾ।
[92]
