________________
ਅਵਤਾਰ ਹੈ। ਤੇਰੇ ਤੋਂ ਪਿਛਾ ਛੁਡਾਉਣ ਲਈ ਉਸ ਨੇ ਅਪਣੇ ਆਪ ਨੂੰ ਨਾਮਰਦ ਆਖਿਆ ਹੈ, ਤੂੰ ਉਸ ਦੇ ਧੋਖੇ ਵਿੱਚ ਆ ਗਈ। ਉਸ ਵਰਗਾ ਸੁੰਦਰ ਸਾਰੇ ਸ਼ਹਿਰ ਵਿੱਚ ਨਹੀਂ ਹੈ”।
ਕਪਿਲਾ ਨੇ ਆਖਿਆ ਜੇ ਅਜਿਹੀ ਗੱਲ ਹੈ ਤਾਂ ਤੁਸੀ ਖੁਦ ਹੀ ਸੇਠ ਨੂੰ ਕਿਸੇ ਢੰਗ ਨਾਲ ਵੱਸ ਵਿੱਚ ਕਰਕੇ ਆਪਣੀ ਚੰਗੀ ਅਕਲ ਦਾ ਸਬੂਤ ਦੇਵੋ। ਜੇ ਤੁਸੀਂ ਸੁਦਰਸ਼ਨ ਨੂੰ ਵੱਸ ਵਿੱਚ ਕਰ ਲਿਆ, ਤਾਂ ਮੈਂ ਸਮਝਾਂਗੀ ਕਿ ਤੁਸੀਂ ਕਾਮ ਕਲਾ ਵਿੱਚ ਵਿਦਵਾਨ ਹੋ। ਕਪਿਲਾ ਦੀ ਗਲਤ ਪ੍ਰੇਰਨਾ ਨੇ ਅਭੈ ਮਹਾਰਾਣੀ ਨੂੰ ਇਹ ਕੰਮ ਕਰਨ ਲਈ ਮਜਬੂਰ ਕਰ ਦਿੱਤਾ। ਹੁਣ ਮਹਾਰਾਣੀ ਸੇਠ ਸੁਦਰਸ਼ਨ ਨੂੰ ਅਪਣੇ ਜਾਲ ਵਿੱਚ ਫਸਾਉਣ ਲਈ ਤਰਕੀਬ ਸੋਚਨ ਲੱਗੀ।
ਸੰਜੋਗ ਵੱਸ ਇੱਕ ਵਾਰ ਸ਼ਹਿਰ ਵਿੱਚ ਕੋਮੁੰਦੀ ਮਹੋਤਸਵ ਮਨਾਇਆ ਜਾ ਰਿਹਾ ਸੀ। ਰਾਜ ਵੱਲੋਂ ਇਹ ਘੋਸ਼ਣਾ ਹੋਈ ਕਿ ਸਾਰੇ ਨਾਗਰਿਕ ਮਹੋਤਸਵ ਵਾਲੀ ਜਗ੍ਹਾ ਸ਼ਾਮਲ ਹੋਣ ਕੋਈ ਘਰ ਨਾ ਰਹੇ। ਸੁਦਰਸ਼ਨ ਹਰ ਮਹੀਨੇ ਦੀ ਪਰਵ ਤਿੱਥੀ ਨੂੰ ਪੋਸ਼ਧ ਵਰਤ ਦੀ ਅਰਾਧਨਾ ਕਰਦਾ ਸੀ। ਇਹ ਵਰਤ ਦੀ ਅਰਾਧਨਾ ਧਰਮ ਸਥਾਨ ਜਾ ਕੇ ਹੀ ਕੀਤੀ ਜਾਂਦੀ ਹੈ। ਉਸ ਨੇ ਰਾਜੇ ਤੋਂ ਆਗਿਆ ਲੈ ਕੇ ਕਤਕ ਸ਼ੁਕਲਾ 14 ਅਤੇ ਪੂਰਨਮਾਸੀ ਨੂੰ ਪੋਸ਼ਧ ਵਰਤ ਗ੍ਰਹਿਣ ਕੀਤਾ। ਸ਼ਹਿਰ ਦੇ ਲੋਕ ਮਹੋਤਸਵ ਵਿੱਚ ਗਏ ਹੋਏ ਸਨ, ਸੇਠਾਨੀ ਮਨੋਰਮਾ ਵੀ ਅਪਣੇ ਪੁੱਤਰਾਂ ਨਾਲ ਸਮਾਰੋਹ ਵਿੱਚ ਸ਼ਾਮਲ ਹੋਈ, ਸਾਰਾ ਸ਼ਹਿਰ ਸੁੰਨਾ ਸੀ। ਮਹਾਰਾਣੀ ਅਭੈ ਨੇ ਇਹ ਮੌਕਾ ਚੰਗਾ ਸਮਝ ਕੇ, ਇਸ ਦਾ ਫਾਇਦਾ ਉਠਾਉਣਾ ਠੀਕ ਸਮਝਿਆ। ਉਸ ਨੇ ਪੇਟ ਦਰਦ ਦਾ ਬਹਾਨਾ ਬਣਾ ਕੇ ਮਹਾਰਾਜ ਦੇ ਮਹਿਲ ਚੋਂ ਬਾਹਰ ਜਾਣ ਦੀ ਆਗਿਆ ਲੈ
ਲਈ
ਇਧਰ ਸੇਠ ਸੁਦਰਸ਼ਨ ਧਰਮ ਸਥਾਨ ‘ਤੇ ਬੈਠਾ ਧਰਮ ਕ੍ਰਿਆ ਵਿੱਚ ਮਗਨ ਸੀ। ਮਹਾਰਾਣੀ ਨੇ ਆਪਣੀ ਵਿਸ਼ਵਾਸਪਾਤਰ ਨੌਕਰਾਨੀ ਨੂੰ ਦੋ ਦਾਸਾਂ ਨਾਲ ਭੇਜ ਕੇ ਧਰਮ ਸਥਾਨ ਤੋਂ ਸੇਠ ਸੁਦਰਸ਼ਨ ਨੂੰ ਚੁਕਵਾ ਕੇ ਮਹਿਲਾਂ ਵਿੱਚ ਮੰਗਵਾਇਆ। ਅਭੈ ਰਾਣੀ ਦੇ ਸੌਣ ਦੇ
[88]