Page Text
________________
ਇਧਰ ਗੋਸ਼ਾਲਕ ਵੀ ਛੇ ਮਹੀਨੇ ਇੱਕਲਾ ਘੁੰਮਦਾ ਘੁੰਮਦਾ ਭਗਵਾਨ ਮਹਾਵੀਰ ਕੋਲ ਆ ਪੁੱਜਾ । ਇਸ ਚੌਮਾਸੇ ਵਿਚ ਭਗਵਾਨ ਮਹਾਵੀਰ ਨੇ ਭਿੰਨ ਭਿੰਨ ਪ੍ਰਕਾਰ ਦੇ ਤਪ, ਆਸਨ ਅਤੇ ਧਿਆਨ ਕੀਤਾ ।
ਸਤਵਾਂ ਸਾਲ
ਸਤਵਾਂ ਚੌਮਾਸਾ ਭਗਵਾਨ ਮਹਾਵੀਰ ਨੇ ਆਲਭਿਆ ਵਿਖੇ ਗੁਜਾਰਿਆ । ਇਥੇ ਵੀ ਗੋਸ਼ਾਲਕ ਭਗਵਾਨ ਮਹਾਵੀਰ ਲਈ ਮੁਸੀਬਤ ਦੀ ਜੜ ਬਣਿਆ ਰਿਹਾ ।ਉਹ ਬਲਦੇਵ ਦੇ ਮੰਦਰ ਦੀ ਮੂਰਤੀ ਦਾ ਮਜਾਕ ਉਡਾਉਣ ਲਗਾ । ਇਕ ਲੰਬੇ ਦੰਦ ਵਾਲੇ ਮਨੁੱਖ ਨੂੰ ਵੇਖ ਕੇ ਹੱਸਣ ਲੱਗਾ । ਉਸ ਦੀ ਇਸ ਹਰਕਤ ਕਾਰਣ ਗੋਸ਼ਾਲਕ ਨੂੰ ਲੋਕਾਂ ਨੇ ਬਹੁਤ ਕੁਟਿੱਆ। ਅਠਵਾਂ ਸਾਲ
ਸਤਵਾਂ ਚੌਮਾਸਾ ਪੂਰਾ ਕਰਕੇ ਭਗਵਾਨ ਮਹਾਵੀਰ ਆਲਭੀਆ ਤੋਂ ਕੁਡਾਕ ਸ਼ਨੀਵੇਸ਼ ਹੁੰਦੇ ਹੋਏ ਮਕਨਾ ਸ਼ਨੀਵੇਸ਼ ਪਹੁੰਚੇ । ਉਥੇ ਬਲਦੇਵ ਦੇ ਮੰਦਿਰ ਵਿਚ ਧਿਆਨ ਲਗਾਇਆ। ਮਕਨਾਂ ਤੋਂ ਬਹੁਸਾਲ ਹੁੰਦੇ ਹੋਏ ਲੋਹ ਅਰਗਲਾ ਪਹੁੰਚੇ ।ਉਥੇ ਦਾ ਰਾਜਾ ਜਿਤਸ਼ਤਰੂ ਉਨ੍ਹਾਂ ਦਿਨਾਂ ਵਿਚ ਦੁਸ਼ਮਨ ਦੇ ਜਾਸੂਸਾਂ ਤੋਂ ਪਰੇਸ਼ਾਨ ਸੀ । ਉਸ ਦੇ ਸਿਪਾਹੀ ਹਰ ਆਉਣ ਜਾਣ ਵਾਲੇ ਤੇ ਤੇਜ਼ ਨਜਰ ਰੱਖਦੇ ਸਨ । ਭਗਵਾਨ ਮਹਾਵੀਰ ਨੇ ਮੰਨ ਵਰਤ ਕਾਰਣ ਆਪਣੀ ਕੋਈ ਜਾਣਕਾਰੀ ਨਾ ਦਸੀ ।ਸਿਪਾਹੀਆਂ ਨੇ ਭਗਵਾਨ ਮਹਾਵੀਰ ਅਤੇ ਗੋਸ਼ਾਲਕ ਨੂੰ ਜਾਸੂਸ ਸਮਝ ਕੇ ਫੜ ਲਿਆ । ਉਨ੍ਹਾਂ ਨੂੰ ਰਾਜੇ ਅਗੇ ਪੇਸ਼ ਕੀਤਾ ।ਪਰ ਉਥੇ ਵੀ ਅਸਥੀਗ੍ਰਾਮ ਨਿਵਾਸੀ ਉਤਪਲ ਜੋਤਸ਼ੀ ਨੇ ਭਗਵਾਨ ਮਹਾਵੀਰ ਨੂੰ ਪਛਾਣ ਲਿਆ । ਉਸ ਨੇ ਰਾਜੇ ਨੂੰ ਕਿਹਾ “ ਇਹ ਜਾਸੂਸ ਨਹੀਂ ਹਨ ਇਹ ਤਾਂ ਖੱਤਰੀ ਕੁੰਡ ਨਿਵਾਸੀ ਮਹਾਰਾਜਾ ਸਿਧਾਰਥ ਦੇ ਪੁੱਤਰ ਹਨ । ਅੱਜ ਕੱਲ ਤਪੱਸਿਆ ਕਰ ਰਹੇ ਹਨ । ਸੋ ਇਨ੍ਹਾਂ ਨੂੰ ਇੱਜਤ ਨਾਲ ਛੱਡ ਦੇਵੋ, ਇਹ ਤਾਂ ਧਰਮ ਚੱਕਰਵਰਤੀ ਹਨ । ਤੁਸੀਂ ਸਾਰੇ ਇਨ੍ਹਾਂ ਦੀ ਪੂਜਾ ਅਤੇ ਮਾਨਤਾ ਕਰੋ । ਜੋਤਸ਼ੀ ਦੀ ਗੱਲ ਸੁਣ ਕੇ ਰਾਜਾ ਜਿਤਸ਼ਤਰੂ ਨੇ ਭਗਵਾਨ ਮਹਾਵੀਰ ਤੇ ਗੋਸ਼ਾਲਕ ਦੋਹਾਂ ਛੱਡ ਦਿੱਤਾ ।
11
ਲੋਹ ਅਰਗਾਲਾਂ ਤੋਂ ਭਗਵਾਨ ਮਹਾਵੀਰ ਪੁਰਿਮਤਾਲ ਨਗਰ ਦੇ ਸ਼ਕਟਮੁਖ ਬਾਗ ਵਿੱਚ ਆਏ, ਇਥੇ ਆਪ ਦਾ ਸਤਿਕਾਰ ਬਗੁਰ ਵਕ ਨੇ ਕੀਤਾ । ਇਥੇ ਉਨ੍ਹਾਂ ਕਈ ਪ੍ਰਕਾਰ ਦਾ ਧਿਆਨ ਅਤੇ ਤਪ ਕੀਤਾ । ਪੁਰਿਮਤਾਲ ਤੋਂ ਉਨਾਗ, ਗੋਭੂਮੀ ਹੁੰਦੇ ਹੋਏ ਭਗਵਾਨ ਮਹਾਵੀਰ ਰਾਜਗ੍ਰਹਿ ਨਗਰੀ ਪਹੁੰਚੇ । ਇਸ ਜਗ੍ਹਾ ਤੇ ਭਗਵਾਨ ਮਹਾਵੀਰ ਨੇ ਆਪਣਾ ਅਠਵਾਂ ਚੌਮਾਸਾ ਕੀਤਾ । ਇਸ ਚੌਮਾਸੇ ਵਿਚ ਧਿਆਨ ਅਤੇ ਤਪਸਿਆ ਵੇਲੇ ਭਗਵਾਨ ਨੇ ਅਣਗਣਿਤ ਕਸ਼ਟ ਝੱਲੇ । ਇਸ ਤੋਂ ਬਾਅਦ ਚੌਮਾਸਾ ਖਤਮ ਹੋਣ ਤੇ ਭਗਵਾਨ ਮਹਾਵੀਰ ਰਾਜਗ੍ਰਹਿ ਤੋਂ ਅਨਾਰੀਆ ਦੇਸ਼ ਵੱਲ ਚੱਲ ਪਏ ।
50
ਭਗਵਾਨ ਮਹਾਵੀਰ
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |