Page Text
________________
ਪਾਰ ਕਰਨਾ (8) ਸੂਰਜ ਦੀਆ ਕਿਰਨਾਂ ਦਾ ਫੈਲਾਅ ਵੇਖਣਾ (9) ਆਪਣੀਆਂ ਬਾਹਾਂ ਵਿਚ ਮਾਨੂਸੋਤਰ ਪਰਬਤ ਨੂੰ ਲਪੇਟਨਾ (10) ਮੇਰੂ ਪਰਬਤ ਤੇ ਚੜ੍ਹਨਾ ।
ਇਸ ਸਾਰੇ ਸਾਢੇ ਬਾਰਾਂ ਸਾਲ ਦੇ ਸਮੇਂ ਵਿਚ ਉਨ੍ਹਾਂ ਇੰਨਾ ਸਮਾਂ ਹੀ ਨੀਂਦ ਲਈ ਉਸ ਪਿੰਡ ਵਿਚ ਇਕ ਭਗਵਾਨ ਪਾਰਸ਼ਵ ਨਾਥ ਦੀ ਪਰੰਪਰਾ ਦਾ ਇਕ ਜੈਨ ਸਾਧੂ ਰਹਿੰਦਾ ਸੀ ਜੋ ਬਾਅਦ ਵਿਚ ਗ੍ਰਹਿਸਥ ਬਣ ਜੋਤਿਸ਼ ਰਾਹੀਂ ਗੁਜਾਰਾ ਕਰਦਾ ਸੀ । ਉਸ ਦਾ ਨਾਂ ਉਤਪਲ ਸੀ । ਜਦ ਉਸਨੇ ਝੂਲਪਾਣੀ ਦੇ ਮੰਦਰ ਵਿਚ ਭਗਵਾਨ ਮਹਾਵੀਰ ਦੇ ਰਾਤ ਗੁਜਾਰਨ ਦੀ ਗੱਲ ਸੁਣੀ ਤਾਂ ਉਸਨੂੰ ਬਹੁਤ ਫਿਕਰ ਹੋਈ । ਉਹ ਸ਼ੂਲਪਾਣੀ ਮੰਦਰ ਦੇ ਪੁਜਾਰੀ ਇੰਦਰ ਸ਼ਰਮਾ ਨੂੰ ਨਾਲ ਲੈ ਕੇ ਸਵੇਰੇ ਨੂੰ ਮੰਦਰ ਪੁੱਜਾ । ਪਿੰਡ ਵਾਲੇ ਭਗਵਾਨ ਮਹਾਵੀਰ ਨੂੰ ਵੇਖ ਕੇ ਖੁਸ਼ ਹੋਏ ਅਤੇ ਉਨ੍ਹਾਂ ਦੀ ਪੂਜਾ ਕਰਨ ਲਗੇ ।
ਪਿੰਡ ਵਾਲੇ ਦੇ ਸਾਹਮਣੇ ਉਤਪਲ ਜੋਤਸ਼ੀ ਨੇ ਭਗਵਾਨ ਦੇ 10 ਸੁਪਨਿਆਂ ਵਿਚੋਂ 9 ਦਾ ਫਲ ਦਸਿਆ ਜੋ ਇਸ ਪ੍ਰਕਾਰ ਹੈ।
(1) ਆਪ ਮੋਹਨੀਆ ਕਰਮ ਦਾ ਜਲਦ ਖਾਤਮਾ ਕਰੋਗੇ (2) ਸ਼ੁਕਲ ਧਿਆਨ ਤੁਹਾਡੇ ਨਾਲ ਰਹੇਗਾ । (3) ਆਪ 12 ਅੰਗ ਸ਼ਾਸ਼ਤਰਾਂ ਦੀ ਰਚਨਾ ਕਰੋਗੇ (4) ਇਸ ਸੁਪਨੇ ਦਾ ਫਲ ਉਤਪਲ ਨਾ ਦਸ ਸਕਿਆ (5) ਆਪ ਸਾਧੂ, ਸਾਧਵੀ, ਸ਼ਾਵਕ ਅਤੇ ਵਿਕਾ ਰੂਪੀ ਤੀਰਥਾਂ ਦੀ ਸਥਾਪਨਾ ਕਰੋਗੇ । (6) ਹਰ ਪ੍ਰਕਾਰ ਦੇ ਦੇਵਤੇ ਤੁਹਾਡੀ ਸੇਵਾ ਕਰਨਗੇ। (7) ਆਪ ਸੰਸਾਰ ਸਮੁੰਦਰ ਨੂੰ ਪਾਰ ਕਰੋਗੇ (8) ਆਪ ਨੂੰ ਕੇਵਲ ਗਿਆਨ ਪ੍ਰਾਪਤ ਹੋਵੇਗਾ (9) ਤਿੰਨ ਲੋਕਾਂ ਤੱਕ ਤੁਹਾਡਾ ਯਸ਼ ਫੈਲੋਗਾ (10) ਸੋਨੇ ਦੇ ਬਣੇ ਸਿੰਘਾਸਨ ਤੇ ਬੈਠ ਕੇ ਆਪ ਧਰਮ ਉਪਦੇਸ਼ ਕਰੋਗੇ ।
ਚੌਥੇ ਸੁਪਨੇ ਦਾ ਫਲ ਭਗਵਾਨ ਮਹਾਵੀਰ ਨੇ ਆਪ ਦਸਦੇ ਹੋਏ ਫਰਮਾਇਆ “ਮੈਂ ਗ੍ਰਹਿਸਥ ਅਤੇ ਸਨਿਆਸ ਦੋ ਪ੍ਰਕਾਰ ਦੇ ਧਰਮ ਦਾ ਉਪਦੇਸ਼ ਕਰਾਂਗਾ ।” ਇਸ ਪ੍ਰਕਾਰ ਇਸ ਪਹਿਲੇ ਸਾਲ ਵਿਚ ਭਗਵਾਨ ਮਹਾਵੀਰ ਨੇ 15-15 ਵਰਤਾਂ ਦੀਆਂ 8 ਤਪਸਿਆਵਾਂ ਪੂਰੀਆਂ ਕੀਤੀਆਂ ।
ਦੂਸਰਾ ਸਾਲ
ਅਸਥੀ ਗ੍ਰਾਮ ਵਿਖੇ ਆਪਣਾ ਵਰਖਾ ਕਾਲ (ਚੌਮਾਸਾ) ਪੂਰਾ ਕਰਕੇ ਭਗਵਾਨ ਮਹਾਵੀਰ ਵਾਚਾਲਾ ਨਗਰੀ ਨੂੰ ਚੱਲ ਪਏ । ਰਾਹ ਵਿਚ ਮੋਰਾਕ ਸ਼ਨੀਵੇਸ਼ ਵਿਚ ਠਹਿਰੇ । ਉਥੇ ਉਨ੍ਹਾਂ ਦੇ ਤਪ ਜਪ ਅਤੇ ਧਿਆਨ ਦੀ ਬਹੁਤ ਮਸ਼ਹੂਰੀ ਹੋ ਗਈ । ਲੋਕਾਂ ਦੀ ਭੀੜ ਉਨ੍ਹਾਂ ਦੇ ਦਰਸ਼ਨਾਂ ਲਈ ਟੁੱਟ ਪਈ । ਉਸੇ ਨਗਰੀ ਵਿਚ ਅਛੱਦਕ ਨਾਂ ਦਾ ਜੋਤਸ਼ੀ ਰਹਿੰਦਾ ਸੀ । ਭਗਵਾਨ ਮਹਾਵੀਰ ਦੀ ਪ੍ਰਸਿੱਧੀ ਕਾਰਣ ਉਸ ਦਾ ਜੋਤਿਸ਼ ਦਾ ਕੰਮ ਠੱਪ ਪੈ ਗਿਆ। ਉਹ ਅਤੇ ਉਸਦਾ ਪਰਿਵਾਰ ਭੁੱਖਾ ਮਰਨ ਲੱਗਾ ।ਉਸ ਨੇ ਅਤੇ ਹੋਰ ਜੋਤਸ਼ੀਆਂ ਨੇ ਭਗਵਾਨ
ਭਗਵਾਨ ਮਹਾਵੀਰ
41
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |